ಮಂಗಳೂರು ಬಂದರಿಗೆ ಬಂದಿದೆ ಕೊರೋನಾ ಮೀನು..! ಕೆಜಿಗೆ 2 ಸಾವಿರ

ಮಂಗಳೂರಿನಲ್ಲಿ ಸದ್ಯ ಕೊರೋನಾ ಮೀನನ ಬಗ್ಗೆಯೇ ಮಾತು. ಸೀಫುಡ್ ಇಷ್ಟ ಪಡುವ ಕರಾವಳಿಯಲ್ಲಿ ಕೊರೋನಾ ಮೀನು ಸಿಕ್ಕಿದೆ. ಏನಿದು ಕೊರೋನಾ ಮೀನು..? ತಿನ್ನಬಹುದಾ..? ಇಲ್ಲಿ ಓದಿ.  

ಮಂಗಳೂರು(ಮಾ.14): ಮಂಗಳೂರಿನಲ್ಲಿ ಸದ್ಯ ಕೊರೋನಾ ಮೀನನ ಬಗ್ಗೆಯೇ ಮಾತು. ಸೀಫುಡ್ ಇಷ್ಟ ಪಡುವ ಕರಾವಳಿಯಲ್ಲಿ ಕೊರೋನಾ ಮೀನು ಸಿಕ್ಕಿದೆ. ಕರಾವಳಿಗರು ಈ ಮೀನನ್ನು ತಿನ್ನದಿದ್ದರೂ, ಗುಜರಾತ್ ಜನ ಮಾತ್ರ ಇಷ್ಟಪಟ್ಟು ತಿನ್ನುತ್ತಾರೆ.

ಕೊರೋನಾ ಭೀತಿಯ ಮಧ್ಯೆಯೇ ಮಂಗಳೂರು ಬಂದರಿಗೆ ಕೊರೋನ ಮೀನು ಬಂದಿದೆ. ಸದ್ಯ ಮಂಗಳೂರು ಮೀನುಗಾರಿಕಾ ಬಂದರಿನಲ್ಲಿ ಕೊರೋನ ಮೀನಿನದ್ದೇ ಮಾತು ಕೇಳಿ ಬಂದಿದೆ.

ಬಲು ಅಪರೂಪದ ಜಾತಿಗೆ ಸೇರಿದ ಭಾರೀ ಮೌಲ್ಯದ ಈ ಮೀನಿಗೆ ಕೆ.ಜಿ.ಗೆ 1800 ರಿಂದ 2 ಸಾವಿರ ಮೌಲ್ಯವಿದೆ. ಕರಾವಳಿ ಭಾಗದ ಜನ ಈ ಮೀನು ತಿನ್ನೋದು ತೀರಾ ವಿರಳವಾಗಿದ್ದು, ಈ ಮೀನನ್ನು ಗುಜರಾತ್ ಸೇರಿ ಬೇರೆ ರಾಜ್ಯಗಳಿಗೆ ರಫ್ತು ಮಾಡಲಾಗುತ್ತದೆ.

ಮೀನುಗಾರಿಕೆಗೂ ಕೊರೋನಾ ವೈರಸ್ ಭೀತಿ ತಟ್ಟಿದ್ದು, ಮಂಗಳೂರು ಮೀನುಗಾರಿಕಾ ಬಂದರಿನಲ್ಲಿ ವ್ಯಾಪಾರ ಕುಂಠಿತವಾಗಿದೆ. ವ್ಯಾಪಾರಿಗಳು ಈ ಬಗ್ಗೆ ಆತಂಕ ತೋಡಿಕೊಂಡಿದ್ದಾರೆ. ಬಂದರಿನಲ್ಲಿ ಮೀನು ಖರೀದಿ, ಹರಾಜು ಪ್ರಕ್ರಿಯೆ ಜೋರಾಗಿದ್ದರೂ ಎಂದಿಗಿಂತ ಜನ ಸಂಖ್ಯೆ ವಿರಳ ಎನ್ನುತ್ತಿದ್ದಾರೆ.