ಕೇರಳ-ಬೆಂಗಾಲ್‌ ಐಎಸ್‌ಎಲ್‌ ಪಂದ್ಯ 1-1ರಲ್ಲಿ ಡ್ರಾ

7ನೇ ಆವೃತ್ತಿಯ ಇಂಡಿಯನ್‌ ಸೂಪರ್‌ ಲೀಗ್‌ ಟೂರ್ನಿಯಲ್ಲಿ ಕೇರಳ ಹಾಗೂ ಬೆಂಗಾಲ್‌ ನಡುವಿನ ಪಂದ್ಯ ರೋಚಕ ಡ್ರಾನಲ್ಲಿ ಅಂತ್ಯವಾಗಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ.

ವಾಸ್ಕೋ(ಜ.16): ಐಎಸ್‌ಎಲ್‌ 7ನೇ ಆವೃತ್ತಿಯಲ್ಲಿ ಶುಕ್ರವಾರ ನಡೆದ ಕೇರಳ ಬ್ಲಾಸ್ಟರ್ಸ್‌ ಹಾಗೂ ಎಸ್‌ಸಿ ಈಸ್ಟ್‌ ಬೆಂಗಾಲ್‌ ನಡುವಿನ ಪಂದ್ಯ 1-1 ಗೋಲುಗಳಿಂದ ಡ್ರಾದಲ್ಲಿ ಅಂತ್ಯವಾಯಿತು. 

ಪಂದ್ಯದ ಕೊನೆಯ ನಿಮಿಷದಲ್ಲಿ ಬೆಂಗಾಲ್‌ನ ಸ್ಕಾಟ್‌ ನೆವಿಲ್ಲೆ ದಾಖಲಿಸಿದ ಆಕರ್ಷಕ ಗೋಲಿನ ನೆರವಿನಿಂದ ಪಂದ್ಯ ಡ್ರಾದಲ್ಲಿ ಮುಕ್ತಾಯವಾಯಿತು. ಮೊದಲಾರ್ಧದಲ್ಲಿ ಎರಡೂ ತಂಡಗಳು ಗೋಲುಗಳಿಸುವಲ್ಲಿ ವಿಫಲವಾದವು. 

ದ್ವಿತೀಯಾರ್ಧದಲ್ಲಿ ಉಭಯ ತಂಡಗಳಿಂದ ತಲಾ 1 ಗೋಲು ಮೂಡಿದವು. ಕೇರಳ ಪರ ಜೋರ್ಡನ್‌ ಮರ್ರೆ (64ನೇ ನಿ.) ಗೋಲು ಬಾರಿಸಿದರು. ಪಂದ್ಯ ಡ್ರಾದಲ್ಲಿ ಅಂತ್ಯವಾಗಿದ್ದರಿಂದ ಬೆಂಗಾಲ್‌ ಹಾಗೂ ಕೇರಳ ತಂಡಗಳು ಪಟ್ಟಿಯಲ್ಲಿ ಕ್ರಮವಾಗಿ 9, 10ನೇ ಸ್ಥಾನದಲ್ಲಿವೆ.