ಸೂಪರ್ ಓವರ್ನಲ್ಲಿ ಕುಸಿದ ಪಂಜಾಬ್, ಡೆಲ್ಲಿಗೆ ಸುಲಭ ಜಯ!
ಸಾರಾಂಶ
ಮಯಾಂಕ್ ಅಗರ್ವಾಲ್ 89 ರನ್ ಹೋರಾಟ ವ್ಯರ್ಥಗೊಂಡಿತು. ಪಂದ್ಯ ಟೈನಲ್ಲಿ ಅಂತ್ಯಗೊಂಡ ಕಾರಣ, ಗೆಲವು ನಿರ್ಧರಿಸಲು ಸೂಪರ್ ಓವರ್ ಮೊರೆ ಹೋಗಲಾಯಿತು. ಸೂಪರ್ ಓವರ್ನಲ್ಲಿ ಡೆಲ್ಲಿ ಸುಲಭ ಗೆಲುವು ಸಾಧಿಸಿತು.
ದುಬೈ(ಸೆ.20): ಸೂಪರ್ ಬ್ಯಾಟಿಂಗ್ ಮಾಡಲು ಕಿಂಗ್ಸ್ ಇಲೆವೆನ್ ಪಂಜಾಬ್ ಕ್ರೀಸ್ಗಿಳಿಯಿತು. ನಾಯಕ ಕೆಎಲ್ ರಾಹುಲ್ ಹಾಗೂ ನಿಕೊಲಸ್ ಪೂರನ್ ಸೂಪರ್ ಓವರ್ನಲ್ಲಿ ಅಬ್ಬರಿಸಲು ಕಣಕ್ಕಿಲಿದರು. ಮೊದಲ ಎಸೆತದಲ್ಲಿ ರಾಹುಲ್ 2 ರನ್ ಚಚ್ಚಿದರು.
IPL 2020: ಪಂಜಾಬ್ vs ಡೆಲ್ಲಿ ಪಂದ್ಯ ಟೈನಲ್ಲಿ ಅಂತ್ಯ, ಗೆಲುವಿಗಾಗಿ ಸೂಪರ್ ಓವರ್!.
ಕಾಗಿಸೋ ರಬಾಡ ಸೂಪರ್ ಓವರ್ಗೆ ಪಂಜಾಬ್ ಭಾರಿ ಬೆಲೆ ತೆರಬೇಕಾಯಿತು. 2ನೇ ಎಸೆತದಲ್ಲಿ ರಾಹುಲ್ ವಿಕೆಟ್ ಪತನಗೊಂಡಿತು. 3ನೇ ಎಸೆತದಲ್ಲಿ ಪೂರನ್ ವಿಕೆಟ್ ಕೂಡ ಪತನಗೊಂಡಿತು. ಅಲ್ಲಿಗೆ ಪಂಜಾಬ್ ಕತೆ ಮುಗಿಯಿತು. ಕೆೇವಲ 2 ರನ್ ಸಿಡಿಸಿದ ಪಂಜಾಬ್ ಡೆಲ್ಲಿ ಗೆಲುವಿಗೆ 3 ರನ್ ಟಾರ್ಗೆಟ್ ನೀಡಿತು.
3 ರನ್ ಗುರಿ ಬೆನ್ನಟ್ಟಲು ಶ್ರೇಯಸ್ ಅಯ್ಯರ್ ಹಾಗೂ ರಿಷಬ್ ಪಂತ್ ಕಣಕ್ಕಿಳಿದರು. ಇತ್ತ ಮೊಹಮ್ಮದ್ ಶಮಿ, 3 ರನ್ ಡಿಫೆಂಡ್ ಮಾಡಿಕೊಳ್ಳೋ ಉತ್ಸಾಹದಲ್ಲಿದ್ದರು. ಮೊದಲ ಎಸೆತ ಡಾಟ್ ಬಾಲ್ ಆದರೆ ಎರಡನೇ ಎಸೆತ ವೈಡ್. ಹೀಗಾಗಿ 1 ರನ್ ಬಿಟ್ಟುಕೊಟ್ಟರು. ಮರು ಎಸೆತದಲ್ಲಿ 2 ರನ್ ಸಿಡಿಸಿದ ರಿಷಬ್ ಪಂತ್ ಡೆಲ್ಲಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
ಕೆಚ್ಚೆದೆಯ ಹೋರಾಟ ನೀಡಿದ ಪಂಜಾಬ್ ತಂಡ ಸೂಪರ್ ಓವರ್ನಲ್ಲಿ ಸುಲಭವಾಗಿ ಪಂದ್ಯ ಕೈಚೆಲ್ಲಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.