LGBTQ+ ಸಮುದಾಯದ ಹಕ್ಕು ರಕ್ಷಣೆಗೆ ಮದ್ರಾಸ್ ಹೈಕೋರ್ಟ್ ಆದೇಶ

* LGBTQ+ ಸಮುದಾಯದ ಹಕ್ಕು ರಕ್ಷಣೆಗೆ ಮದ್ರಾಸ್ ಹೈ ಕೋರ್ಟ್ ಮಹತ್ವದ ಆದೇಶ * ಹಕ್ಕು ರಕ್ಷಣೆ ಹೆಜ್ಜೆ ಇಲ್ಲಿಂದಲೇ ಶುರುವಾಗಲಿದೆ * ತೀರ್ಪನ್ನು ಸ್ವಾಗತಿಸಿದ ಸೋಶಿಯಲ್ ಮೀಡಿಯಾ

ಚೆನ್ನೈ(ಜೂ.  07)  ಸಲಿಂಗ ಕಾಮದ ಬಗ್ಗೆ, ಲೈಂಗಿಕ ಅಲ್ಪಸಂಖ್ಯಾತರ ಬಗ್ಗೆ ಆಗಾಗ ಚರ್ಚೆಗಳು ನಡೆಯುತ್ತಲೇ  ಇರುತ್ತವೆ.  ಮದ್ರಾಸ್ ಹೈಕೋರ್ಟ್ LGBTQ+ ಸಮುದಾಯದ ಹಕ್ಕುಗಳ ರಕ್ಷಣೆಗೆ ಮಾರ್ಗಸೂಚಿ ಬಿಡುಗಡೆ ಮಾಡಿದೆ.

ನ್ಯಾಯಮೂರ್ತಿ ವೆಂಕಟೇಶ್ ಏಕಸದಸ್ಯ ಪೀಠ ಆದೇಶ ಹೊರಡಿಸಿದೆ.  ಸಲಿಂಗ ಸಂಬಂಧಗಳ ಒಳ-ಹೊರಗು ಅರ್ಥ ಮಾಡಿಕೊಳ್ಳಲು, ಲೈಂಗಿಕ ಅಪ್ಪಸ್ಂಖ್ಯಾತರ ಸಮಸ್ಯೆ ಆಲಿಸಲು ಸ್ವತಃ ನ್ಯಾಯಮೂರ್ತಿಗಳೇ ಈ ಸಮುದಾಯದ  ಜತೆ ಸಂವಾದ ನಡೆಸಿದ್ದರು. ಮಾತುಕತೆ ಮೂಲಕ ಅನೇಕ ವಿಚಾರ ಅರ್ಥ ಮಾಡಿಕೊಂಡಿದ್ದರು.

ಲೈಂಗಿಕ ಅಲ್ಪಸಂಖ್ಯಾತರನ್ನು ನೋಡುವ ದೃಷ್ಟಿಕೋನ ಬದಲಾಗಬೇಕಿದೆ. ಪೊಲೀಸರು ಇವರಿಗೆ ರಕ್ಷಣೆ ನೀಡುವ ಕೆಲಸ ಆಗಬೇಕಿದೆ ಎಂದು ಆದೇಶ ಹೇಳಿದೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಆದೇಶವನ್ನು ಕೊಂಡಾಡಲಾಗಿದೆ. ಇಂಥ ನ್ಯಾಯಾಧೀಶರಿಂದ ಮಾತ್ರ ಬದಲಾವಣೆ ಸಾಧ್ಯ ಎಂಬ ಅಭಿಪ್ರಾಯ  ಹೊರಹಾಕಲಾಗಿದೆ.