ದೆಹಲಿಯಲ್ಲಿ 30 ನಕಲಿ ಐಇಡಿ ಪತ್ತೆ..

ರಾಷ್ಟ್ರ ರಾಜಧಾನಿಯಲ್ಲಿ ಪೊಲೀಸ್ ಇಲಾಖೆಗಳ ಸನ್ನದ್ಧತೆಯನ್ನು ಪರಿಶೀಲಿಸಲು, ಹೊಸ ಐಡಿಯಾ ಮಾಡಿದ್ದೆದು, ಹಲಿ ಪೊಲೀಸ್ ವಿಶೇಷ ಕೋಶವು 30 ನಕಲಿ ಸುಧಾರಿತ ಸ್ಫೋಟಕ ಸಾಧನಗಳನ್ನು (ಐಇಡಿ) ದೆಹಲಿಯ ವಿವಿಧ ಸ್ಥಳಗಳಲ್ಲಿ ನೆಟ್ಟಿದೆ.

ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ 30 ನಕಲಿ ಐಇಡಿ ಪತ್ತೆಯಾಗಿವೆ. ಅಯ್ಯೋ ನಕಲಿ ಐಇಡಿಯ ಇದ್ಯಾಕೆ ನೆಟ್ಟರು. ಪೊಲೀಸರ ದಾರಿ ತಪ್ಪಿಸಲೇನಾದರೂ ಕಿಡಿಗೇಡಿಗಳು ಕೃತ್ಯವೆಸಗಿರಬಹುದಾ ಎಂಬ ಪ್ರಶ್ನೆ ಮೂಡಿದ್ದರೆ ನಿಮ್ಮ ಊಹೆ ಸುಳ್ಳು, ಈ ನಕಲಿ ಐಇಡಿಯನ್ನು ಪೊಲೀಸ್‌ ಇಲಾಖೆಯಿಂದಲೇ ನೆಡಲಾಗಿದೆ. ಪೊಲೀಸರು ಆಲರ್ಟ್ ಆಗಿದ್ದಾರಾ? ಯಾವುದೇ ಪರಿಸ್ಥಿತಿ ಎದುರಿಸಲು ಸಿದ್ಧರಾಗಿದ್ದಾರಾ ಎಂದು ಪರಿಶೀಲಿಸಲು ಈ ಕ್ರಮ ಕೈಗೊಳ್ಳಲಾಗಿದೆ. ಇದರಲ್ಲಿ ನಕಲಿ 12 ನೆಲಬಾಂಬ್‌ನ್ನು ಈಗಾಗಲೇ ಪತ್ತೆ ಮಾಡಲಾಗಿದೆ ಎಂದು ತಿಳಿದು ಬಂದಿದೆ. 

ಅಮಾನತುಗೊಂಡ ಬಿಜೆಪಿ ನಾಯಕಿ ನೂಪುರ್‌ ಶರ್ಮಾ, ಪ್ರವಾದಿ ಅವರ ಕುರಿತು ವಿವಾದಾತ್ಮಕ ಹೇಳಿಕೆ ನೀಡಿದ ನಂತರ ಆಲ್‌ಖೈದಾ ಉಗ್ರ ಸಂಘಟನೆ ದೆಹಲಿ, ಮುಂಬೈ, ಉತ್ತರ ಪ್ರದೇಶ ಮತ್ತು ಗುಜರಾತ್‌ನಲ್ಲಿ ಆತ್ಮಾಹುತಿ ಬಾಂಬ್ ದಾಳಿಗಳನ್ನು ನಡೆಸುವುದಾಗಿ ಎಚ್ಚರಿಕೆ ನೀಡಿದ ಹಿನ್ನೆಲೆಯಲ್ಲಿ ದೆಹಲಿ ಪೊಲೀಸ್ ಇಲಾಖೆ ಈ ರೀತಿ ನಕಲಿ ಐಇಡಿ ಡ್ರೈವ್ ನಡೆಸಲು ನಿರ್ಧರಿಸಿದೆ. 

ರಾಷ್ಟ್ರ ರಾಜಧಾನಿಯಲ್ಲಿ ಪೊಲೀಸ್ ಇಲಾಖೆಗಳ ಸನ್ನದ್ಧತೆಯನ್ನು ಪರಿಶೀಲಿಸಲು, ದೆಹಲಿ ಪೊಲೀಸ್ ವಿಶೇಷ ಕೋಶವು 30 ನಕಲಿ ಸುಧಾರಿತ ಸ್ಫೋಟಕ ಸಾಧನಗಳನ್ನು (ಐಇಡಿ) ನೆಟ್ಟಿದೆ. ಕಳೆದ ಒಂದು ತಿಂಗಳಿನಿಂದ ಹೆಚ್ಚಿನ ಕಾಲ್ತುಳಿತವಿರುವ ಸ್ಥಳಗಳಲ್ಲಿ ಅವುಗಳನ್ನು ನೆಡಲಾಗಿದ್ದು, ಅವುಗಳಲ್ಲಿ 12 ಮಾತ್ರ ಸಾರ್ವಜನಿಕರಿಂದ, ಖಾಸಗಿ ಭದ್ರತಾ ಸಿಬ್ಬಂದಿ ಮತ್ತು ಸ್ಥಳೀಯ ಪೊಲೀಸರು ಪತ್ತೆ ಮಾಡಿದ್ದಾರೆ. 

ಇತ್ತೀಚಿನ ಅಪರಾಧ ಪರಿಶೀಲನಾ ಸಭೆಯಲ್ಲಿ, ವಿಶೇಷ ಪೊಲೀಸ್ ಕಮಿಷನರ್ (ವಿಶೇಷ ಕೋಶ) ಹರಗೋಬಿಂದರ್ ಸಿಂಗ್ ಧಲಿವಾಲ್ ಅವರು, ಪೊಲೀಸ್ ಕಮಿಷನರ್ ರಾಕೇಶ್ ಅಸ್ಥಾನಾ ಅವರ ಮುಂದೆ ಇಂತಹ ಅಣಕು ಒಳನುಸುಳುವಿಕೆ ವ್ಯಾಯಾಮಗಳನ್ನು ನಡೆಸುವ ಅಗತ್ಯತೆಯ ಬಗ್ಗೆ ವಿಚಾರ ಮಂಡಿಸಿದ್ದರು. 15 ಡಮ್ಮಿ ಐಇಡಿಗಳ ಮೊದಲ ಬ್ಯಾಚ್ ಅನ್ನು ಜೂನ್ 12 ರಂದು ದೆಹಲಿಯ ವಿವಿಧ ಜಿಲ್ಲೆಗಳಲ್ಲಿ ನೆಡಲಾಯಿತು ಮತ್ತು ಅವುಗಳಲ್ಲಿ 10 ಪತ್ತೆಯಾಗಿದೆ. 10 ರಲ್ಲಿ, ಎರಡನ್ನು ಆಗ್ನೇಯ ಮತ್ತು ಉತ್ತರ ಜಿಲ್ಲೆಗಳಲ್ಲಿ ಸಾರ್ವಜನಿಕರು ಪತ್ತೆ ಮಾಡಿದ್ದಾರೆ. ದಕ್ಷಿಣ ದೆಹಲಿ, ರೋಹಿಣಿ ಮತ್ತು ಹೊರ ಜಿಲ್ಲೆಗಳ ಮಾಲ್‌ಗಳ ಭದ್ರತಾ ಸಿಬ್ಬಂದಿಯಿಂದ ಮೂರು ಐಇಡಿಗಳನ್ನು ಪತ್ತೆ ಮಾಡಿದ್ದಾರೆ. ಉತ್ತರ, ಈಶಾನ್ಯ, ಪೂರ್ವ, ವಾಯುವ್ಯ ಮತ್ತು ಹೊರ ಉತ್ತರ ಜಿಲ್ಲೆಗಳಲ್ಲಿ ಆಯಾಯ ಸ್ಥಳೀಯ ಪೊಲೀಸರು ಒಟ್ಟು ಐದು ಇಡಿಗಳನ್ನು ಪತ್ತೆ ಮಾಡಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಜೂನ್ 28 ರಂದು ಮತ್ತೆ ಎಲ್ಲಾ ಜಿಲ್ಲೆಗಳಲ್ಲಿ 15 ಡಮ್ಮಿ ಐಇಡಿಗಳ ಮತ್ತೊಂದು ಬ್ಯಾಚ್ ಅನ್ನು ನೆಡಲಾಯಿತು. ಆದರೆ ಈ ಬಾರಿ 13 ಅನ್ನು ಪತ್ತೆಹಚ್ಚಲು ಸಾಧ್ಯವಾಗಲಿಲ್ಲ ಎಂದು ಧಲಿವಾಲ್, ಪೊಲೀಸ್ ಮುಖ್ಯಸ್ಥರಿಗೆ ತಿಳಿಸಿದರು. ಪತ್ತೆಯಾದ ಎರಡನ್ನು ಉತ್ತರ ವ್ಯಾಪ್ತಿಯಲ್ಲಿ ನೆಡಲಾಗಿತ್ತು. ಐಇಡಿಗಳನ್ನು ವಿಶೇಷ ಕೋಶವು ಬಹಿರಂಗವಾಗಿ ನೆಟ್ಟಿದೆ. ಹೂವಿನ ಕುಂಡದಲ್ಲಿ, ಮಾಲ್‌ನಲ್ಲಿನ ಡಸ್ಟ್‌ಬಿನ್ ಬಳಿ, ಪಾಲಿಕಾ ಬಜಾರ್‌ನ ಗೇಟ್‌ನ ಹೊರಗೆ ನೆಡಲಾಗಿತ್ತು ಎಂದು ಅಧಿಕಾರಿಯೊಬ್ಬರು ಹೇಳಿದರು.

ಈ ವಿಶೇಷ ಪ್ರಸ್ತುತಿಯ ನಂತರ, ಪೊಲೀಸರ ಜಾಗರೂಕತೆಯನ್ನು ಪರಿಶೀಲಿಸಲು ಮತ್ತು ಜಾಗರೂಕತೆಯನ್ನು ಖಚಿತಪಡಿಸಿಕೊಳ್ಳಲು ಐಜಿಐ ವಿಮಾನ ನಿಲ್ದಾಣ, ರೈಲ್ವೆ ಮತ್ತು ಮೆಟ್ರೋ ನಿಲ್ದಾಣಗಳಲ್ಲಿಯೂ ಇದೇ ರೀತಿಯ ಪರೀಕ್ಷೆ ನಡೆಸುವಂತೆ ಪೊಲೀಸ್‌ ಕಮೀಷನರ್‌ ಅಸ್ಥಾನಾ,   ಹರಗೋಬಿಂದರ್ ಸಿಂಗ್ ಧಲಿವಾಲ್ ಅವರನ್ನು ಕೇಳಿದರು. ಆರಂಭದಲ್ಲಿ, ವಿಶೇಷ ಕೋಶವು ತಿಂಗಳಿಗೆ ಎರಡು ಬಾರಿ ಇಂತಹ ಡ್ರೈವ್ ಅನ್ನು ನಡೆಸಲು ನಿರ್ಧರಿಸಿತ್ತು. ಆದರೆ ಈಗ ಪ್ರತಿ ತಿಂಗಳಿಗೊಮ್ಮೆ ನಡೆಸಲು ಯೋಜನೆ ರೂಪಿಸಿದೆ. 

ಡಿಸಿಪಿ (ವಿಶೇಷ ಕೋಶ) ಇಂಗಿತ್ ಪ್ರತಾಪ್ ಸಿಂಗ್ ಅವರು ಕಳೆದ ತಿಂಗಳು ಹೊರಡಿಸಿದ ಪತ್ರದಲ್ಲಿ, ಪ್ರವಾದಿ ಮುಹಮ್ಮದ್  ವಿವಾದಗಳು ಮತ್ತು ಇತ್ತೀಚಿನ ಹಿಂಸಾತ್ಮಕ ಪ್ರತಿಭಟನೆಗಳನ್ನು ಗಮನದಲ್ಲಿಟ್ಟುಕೊಂಡು ಮತ್ತು ಭಾರತದಲ್ಲಿ ಅಲ್-ಖೈದಾ ಆತ್ಮಹತ್ಯಾ ದಾಳಿಯ ಬೆದರಿಕೆಯನ್ನು ಗಮನದಲ್ಲಿಟ್ಟುಕೊಂಡು ಪೊಲೀಸ್ ಸಿಬ್ಬಂದಿಗೆ ಸೂಚನೆ ನೀಡಬೇಕು. ಯಾವುದೇ ಉಗ್ರಗಾಮಿ ದಾಳಿ/ಯೋಜನೆಯನ್ನು ವಿಫಲಗೊಳಿಸಲು ಗುಪ್ತಚರ  ಮಾಹಿತಿಗಳನ್ನು ಅಭಿವೃದ್ಧಿಪಡಿಸಿ. ಸ್ಪೆಷಲ್ ಸೆಲ್ ಸಿಬ್ಬಂದಿ ಸ್ಥಳೀಯ ಪೊಲೀಸ್ ಸಿಬ್ಬಂದಿಯ ಜಾಗರೂಕತೆಯನ್ನು ಪರಿಶೀಲಿಸಲು ಪ್ರತಿ ಜಿಲ್ಲೆಯಲ್ಲಿ ಹೆಚ್ಚು ಜನಸಂದಣಿ ಇರುವ ಸ್ಥಳಗಳಲ್ಲಿ ಡಮ್ಮಿ ಐಇಡಿಗಳನ್ನು ನೆಡುತ್ತಾರೆ ಎಂದು ಹೇಳಿದ್ದರು.