ಪ್ರೇಮಿ ಜೊತೆ ಸೇರಿ ಸ್ವಾಮೀಜಿ ಗುಪ್ತಾಂಗಕ್ಕೆ ಕತ್ತರಿ, 5 ವರ್ಷದ ಬಳಿಕ ಮತ್ತೆ ಸದ್ದು ಮಾಡಿದ ಪ್ರಕರಣ

* ಮತ್ತೆ ಸದ್ದು ಮಾಡಿದ ಕೇರಳದ ಸ್ವಾಮೀಜಿ ಗುಪ್ತಾಂಗ ಕತ್ತರಿಸಿದ ಪ್ರಕರಣ * ಪ್ರೇಮಿ ಜೊತೆ ಸೇರಿ ಸ್ವಾಮೀಜಿ ಜನನಾಂಗ ಕತ್ತರಿಸಿದ ಯುವತಿ * ಐದು ವರ್ಷದ ಬಳಿಕ ಮತ್ತೆ ಸದ್ದು ಮಾಡಿದ್ದೇಕೆ ಪ್ರಕರಣ?

ತಿರುವನಂತಪುರಂ(ಫೆ.22): ತಿರುವನಂತಪುರದ 23 ವರ್ಷದ ಕಾನೂನು ವಿದ್ಯಾರ್ಥಿ ಸ್ವಾಮೀಜಿಯೊಬ್ಬರ ಜನನಾಂಗವನ್ನು ಕತ್ತರಿಸಿದ ಐದು ವರ್ಷಗಳ ಹಿಂದಿನ ಪ್ರಕರಣದಲ್ಲಿ (Swami Gangeshananda bobbitisation case) ಕೇರಳ ಪೊಲೀಸರ ಅಪರಾಧ ವಿಭಾಗವು ಕ್ರಿಮಿನಲ್ ಪಿತೂರಿಯನ್ನು ಬಹಿರಂಗಪಡಿಸಿದೆ. ಈ ಹಿಂದೆ ಯುವತಿ ಮೇ 19 ಮತ್ತು 20, 2017 ರ ಮಧ್ಯರಾತ್ರಿ ತನ್ನ ಮನೆಯಲ್ಲಿ ಸ್ವಾಮಿ ಗಂಗೇಶಾನಂದರು ತನ್ನ ಲೈಂಗಿಕ ದೌರ್ಜನ್ಯ ನಡೆಸಲು ಯತ್ನಿಸಿದ್ದರು. ಈ ವೇಳೆ ಸ್ವಾಮಿ ಗಂಗೇಶಾನಂದರ ಮೇಲೆ ಹಲ್ಲೆ ನಡೆಸಿ ಅವರ ಶಿಶ್ನವನ್ನು ಕತ್ತರಿಸಿದ್ದಾಗಿ ಹೇಳಿದ್ದಳು.

ಆದರೆ ಸಂತ್ರಸ್ತೆ ತನ್ನ ಹೇಳಿಕೆಯನ್ನು ಬದಲಾಯಿಸಿದ ನಂತರ ಮತ್ತು ಪ್ರಕರಣವನ್ನು ಹಿಂತೆಗೆದುಕೊಂಡ ನಂತರ ಕ್ರೈಂ ಬ್ರಾಂಚ್ 2020 ರ ಮೇನಲ್ಲಿ ಮರು ತನಿಖೆಗೆ ಆದೇಶಿಸಿತು. ಗಂಗೇಶಾನಂದ ಕೂಡಾ ಡಿಜಿಪಿಗೆ ದೂರು ನೀಡಿದ್ದರು ಮತ್ತು ಪ್ರಕರಣದಲ್ಲಿ ತನ್ನನ್ನು 'ಫ್ರೇಮ್' ಮಾಡಲು ಕೆಲವು ಉನ್ನತ ಪೊಲೀಸ್ ಅಧಿಕಾರಿಗಳು ಪಿತೂರಿ ನಡೆಸಿದ್ದಾರೆ ಮತ್ತು ಅವರ ಮಾಜಿ ಸಹೋದ್ಯೋಗಿ, ತನ್ನ ಶಿಷ್ಯ ಅಯ್ಯಪ್ಪದಾಸ್ ಅವರನ್ನು ಪ್ರಮುಖ ಶಂಕಿತ ಎಂದು ಆರೋಪಿಸಿದ್ದರು.

‘ತನ್ನನ್ನು ನಿಂದಿಸಲು ಯತ್ನಿಸಿದಾಗ ಆತ ತನ್ನ ಮೇಲೆ ಹಲ್ಲೆ ನಡೆಸಿದ್ದಾನೆ’ ಎಂದು ಬಾಲಕಿ ದೂರಿದ್ದರಿಂದ ಪೊಲೀಸರು ಗಂಗೇಶಾನಂದ ವಿರುದ್ಧ ಈ ಹಿಂದೆ ಅತ್ಯಾಚಾರ ಪ್ರಕರಣ ದಾಖಲಿಸಿದ್ದರು. ಗಂಗೇಶಾನಂದ ಅರೂ ಈ ಹಿಂದೆ 'ತನ್ನ ಖಾಸಗಿ ಅಂಗಗಳನ್ನು ಕತ್ತರಿಸಿಕೊಂಡಿದ್ದೇನೆ' ಎಂದು ಹೇಳಿದ್ದರು ಆದರೆ ನಂತರ ಹೇಳಿಕೆ ಬದಲಿಸಿ 'ನಿದ್ದೆ ಮಾಡುವಾಗ ಯಾರೋ ತನ್ನ ಮೇಲೆ ಹಲ್ಲೆ ನಡೆಸಿದ್ದಾರೆ' ಎಂದು ಹೇಳಿದ್ದರು.

ಆದರೆ, ಘಟನೆ ನಡೆದ ಸುಮಾರು ಒಂದು ತಿಂಗಳ ನಂತರ ಬಾಲಕಿ ತನ್ನ ಹೇಳಿಕೆಯನ್ನು ಬದಲಾಯಿಸಿಕೊಂಡಿದ್ದಾಳು ಮತ್ತು ಗಂಗೇಶಾನಂದ ತನಗೆ ಕಿರುಕುಳ ನೀಡಲು ಪ್ರಯತ್ನಿಸಲಿಲ್ಲ, ಅವರ ಮಾಜಿ ಸಹೋದ್ಯೋಗಿ ಅಯ್ಯಪ್ಪದಾಸ್ ತನ್ನ ಮೇಲೆ ಹಲ್ಲೆ ನಡೆಸಿದ್ದಾನೆ ಎಂದು ಹೇಳಿದ್ದಳು. 

ಸ್ಥಳೀಯ ಪೊಲೀಸರ ತನಿಖೆಯಲ್ಲೂ ಗಂಭೀರ ಲೋಪ ಎಸಗಿರುವುದು ತನಿಖೆಯಿಂದ ತಿಳಿದುಬಂದಿದೆ. ಕ್ರೈಂ ಬ್ರಾಂಚ್ ಅಧಿಕಾರಿಗಳು, ತಮ್ಮ ವರದಿಯಲ್ಲಿ, ಗಂಗೆಶಾನಂದರನ್ನು ಏಕೈಕ ಆರೋಪಿಯನ್ನಾಗಿ ಮಾಡಲು ಪ್ರಾಥಮಿಕ ಪೊಲೀಸ್ ತನಿಖೆಯನ್ನು ಆರೋಪಿಸಿದ್ದಾರೆ. ಅಲ್ಲದೇ ಹುಡುಗಿ ತನ್ನ ಹೇಳಿಕೆಯನ್ನು ಹೇಗೆ ಮತ್ತು ಏಕೆ ಬದಲಾಯಿಸಿದಳು ಎಂಬುದರ ಬಗ್ಗೆ ಏಕೆ ತನಿಖೆ ನಡೆಸಲಿಲ್ಲ ಎಂದು ಪ್ರಶ್ನಿಸಿದ್ದಾರೆ.

ಘಟನೆಯು ಹಠಾತ್ ಅಲ್ಲ, ಆದರೆ ಮಹಿಳೆ ಮತ್ತು ಆಕೆಯ ಪ್ರಿಯಕರ ಅಯ್ಯಪ್ಪ ದಾಸ್ ನಡುವಿನ ಕ್ರಿಮಿನಲ್ ಪಿತೂರಿಯ ಪರಿಣಾಮವಾಗಿದೆ ಎಂದು ವಿವರವಾದ ಪುರಾವೆಗಳು ಈಗ ಬಹಿರಂಗಪಡಿಸಿವೆ. ಹುಡುಗಿಯ ಕುಟುಂಬದ ಮೇಲೆ ಗಂಗೇಶಾನಂದ ಪ್ರಭಾವ ಬೀರುತ್ತಾನೆ ಮತ್ತು ಅವರ ಮದುವೆಗೆ ಅಡ್ಡಿಪಡಿಸಲು ಪ್ರಯತ್ನಿಸುತ್ತಾನೆ ಎಂದು ಭಾವಿಸಿ ಇಬ್ಬರು ದಾಳಿಗೆ ಯೋಜಿಸಿದರು. ದಾಳಿಗೆ ಒಂದು ದಿನ ಮೊದಲು, ಹುಡುಗಿಯ ಮನೆಯಿಂದ 70 ಕಿಮೀ ದೂರದಲ್ಲಿರುವ ಕೊಲ್ಲಂ ಬೀಚ್‌ನಲ್ಲಿ ದಂಪತಿ ಯೋಜನೆ ರೂಪಿಸಿದ್ದರು. ಅಯ್ಯಪ್ಪ ಚಾಕು ಖರೀದಿಸಿ, ಜನನಾಂಗವನ್ನು ಹೇಗೆ ಕತ್ತರಿಸಬೇಕು ಎಂಬ ವಿಡಿಯೋವನ್ನು ಒಟ್ಟಿಗೆ ವೀಕ್ಷಿಸಿದ್ದರೆನ್ನಲಾಗಿದೆ. ಕ್ರೈಂ ಬ್ರಾಂಚ್‌ ಅನ್ವಯ ಈ ಜೋಡಿ ಗೂಗಲ್‌ನಲ್ಲೂ ಜನನಾಂಗ ಹೇಗೆ ಕತ್ತರಿಸುವುದು ಎಂದು ಹುಡುಕಿದ ಹಿಸ್ಟರಿ ಲಭ್ಯವಾಗಿದೆ ಎನ್ನಲಾಗಿದೆ. 

ತನಿಖಾ ಸಂಸ್ಥೆಯು ಹೊಸ ಸಂಶೋಧನೆಗಳ ಆಧಾರದ ಮೇಲೆ ದಂಪತಿಯನ್ನು ವಿಚಾರಣೆಗೆ ಒಳಪಡಿಸಬಹುದೇ ಎಂಬುದರ ಕುರಿತು ಅಡ್ವೊಕೇಟ್ ಜನರಲ್ (ಎಜಿ) ರಿಂದ ಕಾನೂನು ಸಲಹೆಯನ್ನು ಕೇಳಿತು. ಮೊದಲ ಪ್ರಕರಣದಲ್ಲಿ ಗಂಗೇಶಾನಂದ ವಿರುದ್ಧ ಹೊಸದಾಗಿ ಚಾರ್ಜ್ ಶೀಟ್ ಸಲ್ಲಿಸಬಹುದೇ ಎಂದು ಕಾನೂನು ಸಲಹೆಯನ್ನೂ ಕೇಳಿದೆ.

ತನ್ನ ಮೊದಲ ಹೇಳಿಕೆಯಲ್ಲಿ, ಬಾಲಕಿಯು ತಾನು ಅಪ್ರಾಪ್ತಳಾಗಿದ್ದಾಗ ಗಂಗೇಶಾನಂದ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಆರೋಪಿಸಿದ್ದಳು. ವಿಶೇಷವಾಗಿ ಬಾಲಕಿಯ ಹಿಂದಿನ ಹೇಳಿಕೆಯ ಆಧಾರದ ಮೇಲೆ ಪೊಲೀಸ್ ತನಿಖೆಯು ತಪ್ಪಾಗಿದೆ ಎಂದು ಕ್ರೈಂ ಬ್ರಾಂಚ್ ಕಂಡುಹಿಡಿದಿದೆ.