ಕೊರೋನಾ ಹಾಗೂ ಮಾಲಿನ್ಯ ತಡೆಯುವ ಸ್ವದೇಶಿ ಮಾಸ್ಕ್ ನಿರ್ಮಿಸಿದ ವಿದ್ಯಾರ್ಥಿಗಳು!

ಕೊರೋನಾ ವೈರಸ್ ವಿರುದ್ಧ ವಿಶ್ವವೇ ಹೋರಾಡುತ್ತಿದೆ. ಈ ಹೋರಾಟಕ್ಕೆ ಮಾಸ್ಕ್ ಪ್ರಮುಖ ಅಸ್ತ್ರ. ಹಲವು ಬಗೆಯ ಮಾಸ್ಕ್ ಲಭ್ಯವಿದೆ. ಸಾಮಾನ್ಯ ಮಾಸ್ಕ್‌ನಿಂದ ಹಿಡಿದು, N-95 ವರೆಗಿನ ಮಾಸ್ಕ್ ಲಭ್ಯವಿದೆ. ಆದರೆ ಎಲ್ಲಾ ಮಾಸ್ಕ್‌ಗಳಲ್ಲಿನ ಒಂದು ಸಮಸ್ಯೆ ಸರಾಗವಾಗಿ ಉಸಿರಾಟ ಮಾಡುವುದೇ ಕಷ್ಟ. ಇದೀಗ ವಿದ್ಯಾರ್ಥಿಗಳು ವಿಶೇಷ ಮಾಸ್ಕ್ ತಯಾರಿಸಿದ್ದಾರೆ. ನೈಸರ್ಗಿಕ ಮಾಸ್ಕ್ ಕುರಿತ ವಿವರ ಇಲ್ಲಿದೆ.

ನವದೆಹಲಿ(ಜೂ.07): ಕೊರೋನಾ ವೈರಸ್‌ ತಗುಲದಂತೆ ಎಚ್ಚರ ವಹಿಸಲು ಮಾಸ್ಕ್, ಸಾಮಾಜಿಕ ಅಂತರ ಅಗತ್ಯ. ಮಾಸ್ಕ್ ಧಾರಣೆ ಹಲವರಿಗೆ ಉಸಿರಾಟದ ಸಮಸ್ಯೆಯನ್ನು ತಂದೊಡ್ಡುತ್ತಿದೆ. ಇದೀಗ ಲವ್ಲಿ ಪ್ರೋಫೆಶನಲ್ ಯುನಿವರ್ಸಿಟಿ ವಿದ್ಯಾರ್ಥಿಗಳು ವಿಶೇಷ ಮಾಸ್ಕ್ ತಯಾರಿಸಿದ್ದಾರೆ. ಈ ಮಾಸ್ಕ್ ಧಾರಣೆ ಮಾಡಿದರೆ ಸರಾಗವಾಗಿ ಉಸಿರಾಟ ಮಾಡಬಹುದು. ನೂತನ ಮಾಸ್ಕ್‌ನಿಂದ ಉಸಿರಾಟದಲ್ಲಿ ಯಾವುದೇ ಸಮಸ್ಯೆ ಇಲ್ಲ. ಇಷ್ಟೇ ಅಲ್ಲ ನೈಸರ್ಗಿಕ ಮಾಸ್ಕ್ ಇದೀಗ ಎಲ್ಲರ ಗಮನಸೆಳೆದಿದೆ.

ನೂತನ ಮಾಸ್ಕ್‌ಗೆ ಆಕ್ಸಿಜೆನೋ ಎಂಬ ಹೆಸರಿಡಲಾಗಿದೆ. ಈ ಮಾಸ್ಕ್ ಕೊರೋನಾ ಮಾತ್ರವಲ್ಲ, ವಾಯು ಮಾಲಿನ್ಯದಿಂದಲೂ ಮುಕ್ತಿ ನೀಡಲಿದೆ. ಇದರಲ್ಲಿ ಕಾರ್ಬನ್ ಡೈ ಆಕ್ಸೈಡ್‌ನಿಂದ ಮುಕ್ತಿ ನೀಡುವ ಪಾಚಿಯನ್ನು ಬಳಸಲಾಗಿದೆ. ಇದರಿಂದ ಗಾಳಿಯಲ್ಲಿನ ಕೆಟ್ಟ ಬ್ಯಾಕ್ಟೀರಿಯಾ, ಕಾರ್ಬನ್ ಡೈ ಆಕ್ಸೈಡ್ ಸೇರಿದಂತೆ ಕೆಟ್ಟ ವಾಯವನ್ನು ಶೇಕಡಾ 99.3 ನಿರ್ನಾಮ ಮಾಡಲಿದೆ.

ಆಕ್ಸಿಜೆನೋ ಮಾಸ್ಕ್ ಹಲವು ಲೇಯರ್ ಮೂಲಕ ಗಾಳಿಯನ್ನು ಸೋಸಲಿದೆ. 4 ಹಂತದ  10 ರಿಂದ 0.44 ಮೈಕ್ರೋಮೀಟರ್ ಲೇಯರ್ ಬಳಸಲಾಗಿದೆ. ಕಾರ್ಬನ್ ಫಿಲ್ಟರ್, Nox ಹಾಗೂ Sox ಫಿಲ್ಟರ್ ಬಳಸಲಾಗಿದೆ. ಈ ಮಾಸ್ಕನ್ನು ಪುನರ್ ಬಳಕೆ ಮಾಡಬಹುದಾಗಿದೆ. ಮಾಸ್ಕ್ ಒಳಗಿರುವ ಪಾಚಿಯುಕ್ತ ಕ್ಯಾಟ್ರಿಡ್ಜ್ ಬದಲಾಯಿಸಿ ಮತ್ತೆ ಬಳಸಬಹುದು. 

ಈ ಕ್ಯಾಟ್ರಿಡ್ಜ್ ನಿರಂತರವಾಗಿ 40 ಗಂಟೆ ಅಥವಾ ಸಾಮಾನ್ಯವಾಗಿ ಬಳಸುತ್ತಿದ್ದರೆ 7 ದಿನ ಬಳಕೆ ಮಾಡಬುಹುದು. ಮಾಸ್ಕ ಬಳಕೆ ಮಾಡಿದ 48 ಗಂಟೆಗಳಲ್ಲಿ ಫಿಲ್ಟರ್ ಕೂಡ ಬದಲಾಯಿಸಬೇಕು.