ಕಟ್ಟಡದ ಮೇಲಿಂದ ಸುರಿಯಿತು ನೋಟಿನ ಸುರಿಮಳೆ| ಬೃಹತ್‌ ಕಟ್ಟಡದಲ್ಲಿರುವ ಆಮದು-ರಫ್ತು ಕಾರ್ಯ ಚಟುವಟಿಕೆಯಲ್ಲಿ ತಲ್ಲೀನವಾದ ಕಂಪನಿ, ಸುಂಕ ಪಾವತಿಸದೇ ವಂಚನೆ| ಕಂದಾಯ ಗುಪ್ತಚರ ನಿರ್ದೇಶನಾಲಯದ ಸಿಬ್ಬಂದಿ ಕಾರ್ಯಾಚರಣೆ| ಸಿಬ್ಬಂದಿಯಲ್ಲಿ ಆತಂಕ
ಕೋಲ್ಕತಾ[ನ.21]: ಗರಿಗರಿಯಾದ 2000, 500 ಮತ್ತು 100 ರು. ಮೌಲ್ಯದ ನೋಟುಗಳ ಸುರಿಮಳೆಯಾಗುತ್ತೆ ಎಂದರೆ ನಂಬಲು ಸಾಧ್ಯವೇ? ಇಂಥದೆಲ್ಲಾ ಕನಸಲ್ಲಿ ಮಾತ್ರ ನಡೆಯಲು ಸಾಧ್ಯ ಅಂದುಕೊಂಡರೆ ತಪ್ಪಾದೀತು.
ಹೌದು, ಪಶ್ಚಿಮ ಬಂಗಾಳ ರಾಜಧಾನಿ ಕೋಲ್ಕತಾದ ಬೃಹತ್‌ ಕಟ್ಟಡವೊಂದರ 6ನೇ ಮಹಡಿಯಿಂದ ನೋಟುಗಳ ಸುರಿಮಳೆಯಾಗಿದೆ. ಈ ಕುರಿತಾದ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ಸದ್ದು ಮಾಡಿವೆ.
ಅಷ್ಟಕ್ಕೂ ಆಗಿದ್ದೇನು ಅಂದರೆ, ಇಲ್ಲಿನ ಬೃಹತ್‌ ಕಟ್ಟಡದಲ್ಲಿರುವ ಆಮದು-ರಫ್ತು ಕಾರ್ಯ ಚಟುವಟಿಕೆಯಲ್ಲಿ ತಲ್ಲೀನವಾದ ಕಂಪನಿಯೊಂದು ಸುಂಕ ಪಾವತಿಸದೇ ವಂಚಿಸುತ್ತಿದೆ ಎಂಬ ಆರೋಪವಿತ್ತು. ಈ ಹಿನ್ನೆಲೆ, ಈ ಕಂಪನಿ ಮೇಲೆ ಬುಧವಾರ ಕಂದಾಯ ಗುಪ್ತಚರ ನಿರ್ದೇಶನಾಲಯದ ಸಿಬ್ಬಂದಿ ಕಾರ್ಯಾಚರಣೆ ಕೈಗೊಂಡಿದ್ದು, ಈ ವೇಳೆ ಆತಂಕಕ್ಕೀಡಾದ ಕಂಪನಿ ಸಿಬ್ಬಂದಿ, 2000, 500 ಮತ್ತು 100 ರು. ಮೌಲ್ಯದ ಕಂತೆ-ಕಂತೆಯ ನೋಟುಗಳನ್ನು ಕಿಟಕಿಯ ಮೂಲಕ ಹೊರಗೆ ಬಿಸಾಡಿದ್ದಾರೆ.
Bundles of currency notes were thrown from a building at Bentinck Street in Kolkata during a search at office of Hoque Merchantile Pvt Ltd by DRI officials earlier today. pic.twitter.com/m5PLEqzVwS
— ANI (@ANI)ಆದರೆ, ಕಂದಾಯ ಗುಪ್ತಚರ ನಿರ್ದೇಶನಾಲಯದ ದಾಳಿಗೆ ಹಾಗೂ ಕಂತೆ-ಕಂತೆ ನೋಟುಗಳನ್ನು ಬಿಸಾಡಿದ ಘಟನೆಗೆ ಸಂಬಂಧವಿದೆಯೇ ಎಂಬುದರ ಬಗ್ಗೆ ಇದುವರೆಗೂ ಸ್ಪಷ್ಟವಾಗಿಲ್ಲ. ಈ ಹಿನ್ನೆಲೆ ಈ ಕುರಿತು ತನಿಖೆ ಕೈಗೊಳ್ಳಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.