ನಮಸ್ತೆ ಮೋದಿಜೀ, ನಿಮ್ಮನ್ನು ಟಿವಿಯಲ್ಲಿ ನೋಡಿದ್ದೇನೆ; ಚಿಣ್ಣರ ಮಾತಿಗೆ ಮನಸೋತ ಪ್ರಧಾನಿ!

ನಮಸ್ತೇ ಮೋದಿಜಿ, ನಿಮ್ಮನ್ನು ಟಿವಿಯಲ್ಲಿ ನೋಡಿದ್ದೇನೆ ಎಂದು ಪ್ರಧಾನಿ ನರೇಂದ್ರ ಮೋದಿಯನ್ನು ಬಿಗಿದಪ್ಪಿ ಹಿಡಿದ ಪುಟಾಣಿಗಳು ಹೇಳಿದ್ದಾರೆ. ಚಿಣ್ಣರನ್ನು ಭೇಟಿಯಾಗಲು ಬಂದ ಮೋದಿಗೆ, ಮಕ್ಕಳ ಎನರ್ಜಿ ನೋಡಿ ಸಂತಸ ಇಮ್ಮಡಿಗೊಂಡಿದೆ. ಈ ವಿಡಿಯೋ ವೈರಲ್ ಆಗಿದೆ.

ನವದೆಹಲಿ(ಜು.29) ಪ್ರಧಾನಿ ನರೇಂದ್ರ ಮೋದಿ ಮಕ್ಕಳೊಂದಿಗೆ ಮಕ್ಕಳಾಗಿ ಆಟವಾಡುತ್ತಾರೆ. ಯಾವುದೇ ಪ್ರವಾಸದಲ್ಲಿ ಮಕ್ಕಳನ್ನು ನೋಡಿದರೆ ಸಾಕು ಪ್ರೀತಿಯಿಂದ ಮಾತನಾಡಿಸುತ್ತಾರೆ. ಇಂದು ದೆಹಲಿಯಲ್ಲಿ ಅಖಿಲ ಭಾರತ ಶಿಕ್ಷಾ ಸಮಾಗಮ್ ಉದ್ಘಾಟಿಸಿದ ಬಳಿಕ ಮೋದಿ, ಶಾಲೆಗೆ ತೆರಳಿ ಮಕ್ಕಳನ್ನು ಭೇಟಿಯಾಗಿದ್ದಾರೆ.  ಪುಟಾಣಿ ಮಕ್ಕಳ ಶಾಲಾ ಕೊಠಡಿಗೆ ಮೋದಿ ಆಗಮಿಸುತ್ತಿದ್ದಂತೆ ಮಕ್ಕಳು, ನೇರವಾಗಿ ಮೋದಿ ಬಳಿ ಓಡಿ ಹೋಗಿದ್ದಾರೆ. ನಮಸ್ತೆ ಮೋದಿಜಿ ಎಂದು ಸ್ವಾಗತ ಕೋರಿದ್ದಾರೆ. ಇದೇ ವೇಳೆ ಮಕ್ಕಳು ಮೋದಿಯನ್ನು ಅಪ್ಪಿಕೊಂಡು ನಮಸ್ತೆ ಹೇಳಿದ್ದಾರೆ.ಇಷ್ಟೇ ಅಲ್ಲ ಮೋದಿ ಜೊತೆಗಿನ ಮಾತುಕತೆಯೂ ಭಾರಿ ವೈರಲ್ ಆಗಿದೆ.

ಮೋದಿ ಆಗಮಿಸುತ್ತಿದ್ದಂತೆ ಪುಟಾಣಿ ಮಕ್ಕಳು, ನಮಸ್ತೆ ಮೋದಿಜಿ ಎಂದಿದ್ದಾರೆ. ಎಲ್ಲಾ ಮಕ್ಕಳು ಮೋದಿ ಬಳಿ ಹೋಗಿ ಅಪ್ಪಿಕೊಂಡಿದ್ದಾರೆ. ಮಕ್ಕಳನ್ನು ಪ್ರೀತಿಯಿಂದ ಮಾತನಾಡಿಸಿದ ಪ್ರಧಾನಿ, ನಿಮಗೆ ಮೋದಿ ಗೊತ್ತಾ ಎಂದು ಪ್ರಶ್ನಿಸಿದ್ದಾರೆ. ಈ ವೇಳೆ ಪ್ರತಿ ಮಕ್ಕಳು ಥಟ್ಟನೆ ಉತ್ತರ ಹೇಳಿದ್ದಾರೆ. ನಾನು ನಿಮ್ಮನ್ನು ಟಿವಿಯಲ್ಲಿ ನೋಡಿದ್ದೇನೆ, ನಾನೂ ನೋಡಿದ್ದೇನೆ ಎಂದು ಪುಟಾಣಿಗಳು ಉತ್ತರಿಸಿದ್ದಾರೆ. 

ಮರು ಪ್ರಶ್ನಿಸಿದ ಪ್ರಧಾನಿ, ಟಿವಿಯಲ್ಲಿ ನಾನು ಏನು ಮಾಡುತ್ತಿದ್ದೆ? ಏನು ನೋಡಿದ್ದೀರಿ ಎಂದು ಪ್ರಶ್ನಿಸಿದ್ದಾರೆ. ನಿಮ್ಮ ಫೋಟೋ , ವಿಡಿಯೋವನ್ನು ಟೀವಿಯಲ್ಲಿ ನೋಡಿದ್ದೇನೆ ಎಂದು ಮಕ್ಕಳು ಉತ್ತರಿಸಿದ್ದಾರೆ. ಇದೇ ವೇಳೆ ನೀವು ಏನು ಆಟವಾಡುತ್ತಿದ್ದೀರಿ. ನನಗೆ ಸ್ವಲ್ಪ ಹೇಳಿಕೊಡಿ ಎಂದು ಮಕ್ಕಳ ಜೊತೆ ಪ್ರಧಾನಿ ಮೋದಿ ಕೂಡ ಮಗುವಾಗಿದ್ದಾರೆ.

ಇಷ್ಟಕ್ಕೆ ಪುಟಾಣಿಗಳ ಪ್ರಶ್ನೆ ಹಾಗೂ ಕುತೂಹಲ ಕಡಿಮೆಯಾಗಿಲ್ಲ. ಮಕ್ಕಳ ಬಳಿ ಬಂದ ಮೋದಿ, ಯಾವ ಕಲರ್ ಪೈಟಿಂಗ್ ಮಾಡುತ್ತೀದ್ದೀರಿ ಎಂದು ಪ್ರಶ್ನಿಸಿದ್ದಾರೆ. ಇತ್ತ ಮಕ್ಕಳು ಜೋಶ್ ತುಂಬಿದ ಮಾತಿನಲ್ಲಿ , ಮೋದಿಜೀ, ನಾವು ಪೈಟಿಂಗ್ ಮಾಡುತ್ತಿದ್ದೇವೆ. ಇದು ರೆಡ್ ಕಲರ್ ಎಂದಿದ್ದಾರೆ. ಇನ್ನು ಮತ್ತೊಬ್ಬ ಪುಟಾಣಿ ಮೋದಿಜಿ ನೀವು ನಮ್ಮ ಜೊತೆ ಫೋಟೋ ಕ್ಲಿಕ್ಕಿಸುತ್ತೀರಾ ಎಂದು ಪುಟಾಣಿಗಳು ಕೇಳಿದ್ದಾರೆ. ಅರೇ ಫೋಟ, ಸರಿ ಎಂದು ಮಕ್ಕಳೊಂದಿಗೆ ಮೋದಿ ಫೋಟೋಗೆ ಫೋಸ್ ನೀಡಿದ್ದಾರೆ.

ರಾಷ್ಟ್ರೀಯ ಶಿಕ್ಷಣ ನೀತಿಯ ಮೂರನೇ ವರ್ಷಾಚರಣೆ ಅಂಗವಾಗಿ ಪ್ರಧಾನಿ ಮೋದಿ ದೆಹಲಿಯಲ್ಲಿ ಅಖಿಲ ಭಾರತ ಶಿಕ್ಷಾ ಸಮಗಮ್ ಕಾರ್ಯಕ್ರಮ ಉದ್ಘಾಟಿಸಿದ್ದಾರೆ. ಇದೇ ವೇಳೆ ಮೋದಿ, ಪ್ರಧಾನಿ ಶ್ರೀ ಯೋಜನೆಯಡಿ 6207 ಶಾಲೆಗಳಿಗೆ 602 ಕೋಟಿ ರೂಪಾಯಿ ಅನುದಾನ ಬಿಡುಗಡೆ ಮಾಡಿದ್ದಾರೆ. ಇದೇ 12 ಭಾಷೆಗಳಲ್ಲಿರುವ ಶಿಕ್ಷಣ ಹಾಗೂ ಪ್ರತಿಭೆ ಕರಿಕುಲಮ್ ಬಿಡುಗಡೆ ಮಾಡಿದ್ದಾರೆ.