ರಷ್ಯಾ ವಿಶ್ವವಿದ್ಯಾಲಯದಲ್ಲಿ ಗುಂಡಿನ ದಾಳಿ: 8 ಜನರ ಸಾವು

* ರಷ್ಯಾದ ಪೆಮ್‌ರ್‍ ನಗರದ ವಿಶ್ವವಿದ್ಯಾಲಯದಲ್ಲಿ ಗುಂಡಿನ ದಾಳಿ: 8 ಜನರ ಸಾವು * 18ರ ಹರೆ​ಯದ ಬಂದೂ​ಕು​ಧಾರಿ ಬಂಧ​ನ * ಜೀವ ಉಳಿಸಿಕೊಳ್ಳಲು ಕಿಟಕಿಗಳಿಂದ ಹಾರಿದ ವಿದ್ಯಾರ್ಥಿಗಳು

ಮಾಸ್ಕೋ(ಸೆ. 21): ರಷ್ಯಾದ ಪೆರ್ಮ್ ನಗರದ ವಿಶ್ವವಿದ್ಯಾಲಯದಲ್ಲಿ 18ರ ಹರೆ​ಯದ ಬಂದೂಕುಧಾರಿಯೊಬ್ಬ ಗುಂಡಿನ ದಾಳಿ ನಡೆಸಿದ್ದು, ಕನಿಷ್ಠ 8 ಜನರು ಸಾವೀಗೀಡಾಗಿದ್ದು 28 ಮಂದಿ ಗಾಯಗೊಂಡಿದ್ದಾರೆ.

ಮಾಸ್ಕೋ ನಗರದಿಂದ 1,100 ಕಿ.ಮೀ ದೂರದಲ್ಲಿರುವ ಪೆಮ್‌ರ್‍ ನಗರದ ವಿಶ್ವವಿದ್ಯಾಲಯದಲ್ಲಿ ಗುಂಡಿನ ದಾಳಿ ನಡೆದಿದೆ. ದಾಳಿ ನಡೆಸಲು ಪ್ರೇರಣೆ ಏನು ಎಂಬುದು ತಿಳಿದುಬಂದಿಲ್ಲ, ಬಂದೂಕುಧಾರಿಯನ್ನು ಬಂಧಿಸಲಾಗಿದೆ. ಆತನ ಉದ್ದೇ​ಶದ ಬಗ್ಗೆ ತಿಳಿ​ದು​ಬಂದಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.

ಕಟ್ಟಡ ಜಿಗಿದ ವಿದ್ಯಾ​ರ್ಥಿ​ಗ​ಳು:

ದಾಳಿಯಿಂದ ತಪ್ಪಿಸಿಕೊಳ್ಳಲು ಹಲವು ವಿದ್ಯಾರ್ಥಿಗಳು ವಿಶ್ವವಿದ್ಯಾಲಯದ ಸಭಾಂಗಣದಲ್ಲಿ ಅವಿತುಕೊಂಡಿದ್ದರು. ಹಲವು ವಿದ್ಯಾರ್ಥಿಗಳು ಕಟ್ಟಡದ ಕಿಟಕಿಗಳಿಂದ ಜಿಗಿದು ಓಡಿದ್ದಾರೆ. ವಿಶ್ವವಿದ್ಯಾಲಯದ ಸಿಬ್ಬಂದಿಗಳು ಮತ್ತು ವಿದ್ಯಾರ್ಥಿಗಳು ಕೊಠಡಿಗಳನ್ನು ಮುಚ್ಚಿ ರಕ್ಷಿಸಿಕೊಂಡಿದ್ದಾರೆ.

ಈ ದಾಳಿಯನ್ನು ಖಂಡಿಸಿರುವ ರಷ್ಯಾದಲ್ಲಿರುವ ಭಾರತದ ರಾಯಭಾರ ಕಚೇರಿ, ‘ಇದೊಂದು ಭೀಕರ ದಾಳಿ’ ಎಂದು ಹೇಳಿದೆ. ಆದರೆ, ಭಾರ​ತದ ವಿದ್ಯಾ​ರ್ಥಿ​ಗ​ಳಿಗೆ ಅಪಾ​ಯ​ವಾ​ಗಿಲ್ಲ ಎಂದು ಸ್ಪಷ್ಟ​ಪ​ಡಿ​ಸಿ​ದೆ.