ಬಿಜೆಪಿ ನಾಯಕನ ಅಶ್ಲೀಲ ವೀಡಿಯೋ ಬಿಡುಗಡೆಗೆ ಸೂಚಿ​ಸಿದ್ದ ಅಣ್ಣಾ​ಮ​ಲೈ?

* ಅಣ್ಣಾಮಲೈ ಮತ್ತು ಪಕ್ಷದ ಮುಖಂಡರ ನಡುವೆ ತಿಕ್ಕಾಟ  * ಬಿಜೆಪಿ ನಾಯಕನ ಅಶ್ಲೀಲ ವೀಡಿಯೋ ಬಿಡುಗಡೆಗೆ ಸೂಚಿ​ಸಿದ್ದ ಅಣ್ಣಾ​ಮ​ಲೈ?  

ಚೆನ್ನೈ(ಆ.29): ತಮಿಳುನಾಡು ಬಿಜೆಪಿ ಮುಖ್ಯಸ್ಥನಾಗಿ ನೇಮಕಗೊಂಡ ತಿಂಗಳಲ್ಲೆ ಮಾಜಿ ಐಪಿಎಸ್‌ ಅಧಿಕಾರಿ ಅಣ್ಣಾಮಲೈ ಮತ್ತು ಪಕ್ಷದ ಮುಖಂಡರ ನಡುವೆ ತಿಕ್ಕಾಟ ಶುರುವಾಗಿದೆ.

ಹಿರಿಯ ಬಿಜೆಪಿ ನಾಯಕ ಕೆ.ಟಿ. ರಾಘ​ವನ್‌ ಇದ್ದ ಅಶ್ಲೀಲ ವಿಡಿಯೋವೊಂದನ್ನು ಬಿಡುಗಡೆ ಮಾಡುವಂತೆ ಅಣ್ಣಾಮಲೈ ಅವರೇ ಸೂಚಿ​ಸಿ​ದ್ದರು ಎನ್ನ​ಲಾ​ದ ಆಡಿಯೋ ಈಗ ಎಲ್ಲೆಡೆ ಹರಿದಾಡುತ್ತಿದೆ. ಇದು ಬಿಜೆಪಿಗೆ ಮುಜುಗರ ಉಂಟು ಮಾಡಿದೆ.

‘ವಿಡಿಯೋ ಬಿಡುಗಡೆ ಮಾಡಿದರೆ ಕೆಲವೇ ಗಂಟೆಗಳಲ್ಲಿ ಅವರನ್ನು ನಾನು ಹೊರಹಾಕುತ್ತೇನೆ. ವಿಡಿಯೋ ಬಿಡುಗಡೆಯಾಗದಿದ್ದರೆ ಅದು ನನಗೆ ದೊಡ್ಡ ತಲೆನೋವಾಗಲಿದೆ.

ನಾನು ಈ ವಿಡಿಯೋವನ್ನು ಎಲ್ಲರಿಗೂ ತೋರಿಸುತ್ತೇನೆ’ ಎಂದು ಅಣ್ಣಾಮಲೈ ಮಾತಾನಾಡಿರುವ ಆಡಿಯೋ ತುಣುಕು ವೈರಲ್‌ ಆಗಿದೆ. ವಿಡಿಯೋ ಬಿಡುಗಡೆಯಾದ ನಂತರ ರಾಘ​ವನ್‌ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.