ರಾಜಕೀಯದಿಂದಾಚೆ: ಮಗನ ಛಾಯಾಚಿತ್ರ ಪ್ರದರ್ಶನ ನೋಡಲು ತಲುಪಿದ ಪ್ರಿಯಾಂಕಾ ಗಾಂಧಿ!

* ರಾಜಕೀಯದಿಂದಾಚೆ, ಫ್ಯಾಮಿಲಿ ಜೊತೆ ಸಮಯ ಕಳೆದ ಪ್ರಿಯಾಂಕಾ ಗಾಂಧಿ * ಮಗನ ಪೋಟೋಗ್ರಫಿ ಪ್ರದರ್ಶನ ವೀಕ್ಷಿಸಲು ಬಂದ ಪ್ರಿಯಾಂಕಾ * ಮಗನ ಪ್ರತಿಭೆ ಕಂಡು ಸೆಲ್ಪೀ ಕ್ಲಿಕ್ಕಿಸಿಕೊಂಡ ಕಾಂಗ್ರೆಸ್ ನಾಯಕಿ

ನವದೆಹಲಿ(ಜು.13): ಪ್ರಿಯಾಂಕಾ ಗಾಂಧಿ ಹಾಗೂ ರಾಬರ್ಟ್‌ ವಾದ್ರಾರ ಮಗ ರೆಹಾನ್ ರಾಜೀವ್ ವಾದ್ರಾಗೆ ಫೋಟೋಗ್ರಫಿಯಲ್ಲಿ ಬಹಳಷ್ಟು ಆಸಕ್ತಿ ಇದೆ. ಇತ್ತೀಚೆಗಷ್ಟೇ ರೆಹಾನ್ ತಾನು ಕ್ಲಿಕ್ಕಿಸಿದ ಕೆಲ ಆಯ್ದ ಫೋಟೋಗಳ ಪ್ರದರ್ಶನ ಆಯೋಜಿಸಿದ್ದರು. ಇದನ್ನು ವೀಕ್ಷಿಸಲು ಖುದ್ದು ಪ್ರಿಯಾಂಕಾ ಗಾಂಧಿ ಕೂಡಾ ತಲುಪಿದ್ದರು. 

ಈ ವೇಳೆ ಮಗನ ಪ್ರತಿಭೆ ಕಂಡು ಅವರೆಷ್ಟು ಖುಷಿಯಾದರೆಂದರೆ ಮಗನೊಂದಿಗೆ ಸೆಲ್ಫೀ ಕ್ಲಿಕ್ಕಿಸಿ ತಮ್ಮ ಇನ್ಸ್ಟಾಗ್ರಾಂ ಪೇಜ್‌ನಲ್ಲಿ ಸೇರ್ ಮಾಡಿಕೊಂಡಿದ್ದಾರೆ.

ಫೋಟೋಗಳ ಪುಸ್ತಕ ಬಿಡುಗಡೆ

ಈ ಸಂದರ್ಭದಲ್ಲಿ ಪ್ರಿಯಾಂಕಾ ಗಾಂಧಿ ತನ್ನ ಮಗ ರೆಹಾನ್ ತೆಗೆದ ಫೋಟೋಗಳ ಪುಸ್ತಕ ಡಾರ್ಕ್ ಪರ್ಸೆಪ್ಶನ್ (Dark Perception) ಕೂಡಾ ಬಿಡುಗಡೆ ಮಾಡಿದ್ದಾರೆ. ಇನ್ನು ರೆಹಾನ್‌ ತೆಗೆದ ಫೋಟೋಗಳ ಪ್ರದರ್ಶನ 'ಡಾರ್ಕ್ ಪರ್ಸೆಪ್ಶನ್ಸ್: ಆನ್ ಎಕ್ಸ್‌ಪೊಸಿಷನ್ ಆಫ್ ಲೈಟ್, ಸ್ಪೇಸ್ ಅಂಡ್ ಟೈಮ್' ಭಾನುವಾರದಿಂದ ಆರಂಭವಾಗಿದೆ ಎಂಬುವುದು ಉಲ್ಲೇಖನೀಯ. ಇಪ್ಪತ್ತು ವರ್ಷದ ರೆಹಾನ್ ದೀರ್ಘ ಸಮಯದಿಂದ ಫೋಟೋಗ್ರಫಿ ಮಾಡುತ್ತಿದ್ದಾರೆ.