PM Modis Birthday: ಪ್ರಧಾನಿ ಮೋದಿಗೆ ನೇರವಾಗಿ ಬರ್ತ್‌ಡೇ ವಿಶಸ್‌ ತಿಳಿಸ್ಬೋದು, ಹೇಗೆ..ಇಲ್ಲಿದೆ ವಿವರ

ಪ್ರಧಾನಿ ನರೇಂದ್ರ ಮೋದಿ ಅವರಿಂದು 73ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ದೇಶ-ವಿದೇಶಗಳಿಂದ ಅಭಿಮಾನಿಗಳು ಶುಭಾಶಯವನ್ನು ತಿಳಿಸುತ್ತಿದ್ದಾರೆ. ನೀವೂ ಸಹ ಪ್ರಧಾನಿ ನರೇಂದ್ರ ಮೋದಿಯವರ ಹುಟ್ಟುಹಬ್ಬದ ಸಂದರ್ಭದಲ್ಲಿ, ಬಿಜೆಪಿ, ನಮೋ ಅಪ್ಲಿಕೇಶನ್‌ ಮೂಲಕ ಪಿಎಂಗೆ ನೇರವಾಗಿ ಶುಭಾಶಯಗಳನ್ನು ತಿಳಿಸಬಹುದು.

ಪ್ರಧಾನಿ ನರೇಂದ್ರ ಮೋದಿ ಅವರಿಂದು 73ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ದೇಶ-ವಿದೇಶಗಳಲ್ಲಿ ಅಭಿಮಾನಿಗಳು, ಬೆಂಬಲಿಗರು ಜನ್ಮದಿನವನ್ನು ಸಂಭ್ರಮದಿಂದ ಆಚರಿಸುತ್ತಾರೆ. ಮೋದಿ ಪ್ರಧಾನಿಯಾದ ನಂತರ ತಮ್ಮ ಜನ್ಮದಿನವನ್ನು ಪ್ರತಿವರ್ಷ ವಿಭಿನ್ನವಾಗಿ, ಜನೋಪಯೋಗಿ ಕಾರ್ಯಕ್ರಮಗಳ ಮೂಲಕ ಆಚರಿಸಿಕೊಂಡು ಬರುತ್ತಿದ್ದಾರೆ. ಈ ವರ್ಷ ದೆಹಲಿಯ ದ್ವಾರಕಾದಲ್ಲಿ ನಿರ್ಮಿಸಲಾದ ಭವ್ಯ 'ಯಶೋಭೂಮಿ' ಸಮಾವೇಶ ಕೇಂದ್ರ ಉದ್ಘಾಟಿಸಲಿದ್ದಾರೆ. 

ಪ್ರಧಾನಿ ನರೇಂದ್ರ ಮೋದಿಯವರ ಹುಟ್ಟುಹಬ್ಬದ ಸಂದರ್ಭದಲ್ಲಿ, ಬಿಜೆಪಿ, ನಮೋ ಅಪ್ಲಿಕೇಶನ್‌ನಲ್ಲಿ 'ನಿಮ್ಮ ಸೇವಾ ಭಾವವನ್ನು ವ್ಯಕ್ತಪಡಿಸಿ', 'ಸೇವಾ ಪಕ್ವಾಡ' ಎಂಬ ಯೋಜನೆಯನ್ನು ಪ್ರಾರಂಭಿಸಿದೆ. ಇದು ಜನರು ತಮ್ಮ ಶುಭಾಶಯಗಳನ್ನು ನೇರವಾಗಿ ಪ್ರಧಾನಿ ಮೋದಿಯೊಂದಿಗೆ ಹಂಚಿಕೊಳ್ಳಲು ಅನುವು ಮಾಡಿಕೊಡುತ್ತದೆ. ಪ್ರತಿ ವರ್ಷ, ಕೋಟಿಗಟ್ಟಲೆ ಭಾರತೀಯರು ಪ್ರಧಾನಿ ಮೋದಿಯವರ ಜನ್ಮದಿನದಂದು ತಮ್ಮ ಶುಭಾಶಯಗಳನ್ನು ಕಳುಹಿಸುತ್ತಾರೆ. ಉಜ್ವಲ ಭವಿಷ್ಯಕ್ಕಾಗಿ ಅವರಿಗೆ ಶುಭ ಹಾರೈಸುತ್ತಾರೆ. ಈ ವರ್ಷ, ಶುಭಾಶಯಗಳನ್ನು ನಮೋ ಆಪ್‌ನಲ್ಲಿ 'ವೀಡಿಯೋ ಶುಭಕಾಮ್ನಾ' ಮತ್ತು 'ಫ್ಯಾಮಿಲಿ ಇ ಕಾರ್ಡ್' ಎಂದು ಹಂಚಿಕೊಳ್ಳಬಹುದು.

ಪ್ರಧಾನಿ ಮೋದಿಗೆ 'ವೀಡಿಯೋ ಶುಭಾಶಯಗಳು'
'ವೀಡಿಯೋ ಶುಭಕಾಮ್ನಾ'' ಜನರು ತಮ್ಮ ವೀಡಿಯೊಗಳನ್ನು ರೀಲ್ ರೂಪದಲ್ಲಿ ರೆಕಾರ್ಡ್ ಮಾಡಲು ಅನುಮತಿಸುತ್ತದೆ, ನೇರವಾಗಿ NaMo ಆಪ್‌ನಲ್ಲಿ ಅಪ್‌ಲೋಡ್ ಮಾಡಿ ಮತ್ತು ಅದನ್ನು ಪ್ರಧಾನಿ ಮೋದಿಗೆ ಕಳುಹಿಸಬಹುದು. ಆ ನಂತರ ಪೋಸ್ಟ್‌ನಲ್ಲಿ ಈ ವಿಡಿಯೋವನ್ನು ನೋಡಬಹುದು.

ಪ್ರಧಾನಿ ಮೋದಿಗೆ 'ವಿಡಿಯೋ ಶುಭಕಾಮ್ನಾ' ಕಳುಹಿಸುವುದು ಹೇಗೆ?

ಹಂತ 1: NaMo ಆಪ್‌ನಲ್ಲಿ ಸೇವಾ ಪಖ್ವಾಡಾ ಅಭಿಯಾನದ ಮುಖಪುಟದಿಂದ 'ವೀಡಿಯೋ ಶುಭಕಾಮ್ನಾ' ಬ್ಯಾನರ್ ಮೇಲೆ ಕ್ಲಿಕ್ ಮಾಡಿ.

ಹಂತ 2: ಪ್ರಧಾನಿ ಮೋದಿ ಅವರ ಜನ್ಮದಿನದಂದು ನಿಮ್ಮ ವೀಡಿಯೊ ಶುಭಾಶಯಗಳನ್ನು ಅಪ್‌ಲೋಡ್ ಮಾಡಲು ಅಥವಾ ರೆಕಾರ್ಡ್ ಮಾಡಲು 'ವೀಡಿಯೊ ಅಪ್‌ಲೋಡ್ ಮಾಡಿ' ಬಟನ್ ಕ್ಲಿಕ್ ಮಾಡಿ.

ಹಂತ 3: ನಿಮ್ಮ ವೀಡಿಯೊವನ್ನು ರೆಕಾರ್ಡ್ ಮಾಡಿದ ನಂತರ, 'ಮುಂದೆ' ಕ್ಲಿಕ್ ಮಾಡಿ.

ಹಂತ 4: ವೀಡಿಯೊ ಶುಭಾಶಯ ವಿಭಾಗವನ್ನು ಆಯ್ಕೆಮಾಡಿ. ನಿಮ್ಮ ವೀಡಿಯೊ ಶುಭಾಶಯಗಳನ್ನು ಹಂಚಿಕೊಳ್ಳಲು 'ಪೋಸ್ಟ್ ವಿಡಿಯೋ' ಕ್ಲಿಕ್ ಮಾಡಿ.

ಹಂತ 6: ನಾಗರಿಕರು ಪೋಸ್ಟ್ ಮಾಡಿದ ಶುಭಾಶಯಗಳನ್ನು ನೋಡಲು 'ವೀಡಿಯೊ ವಾಲ್' ಮೇಲೆ ಕ್ಲಿಕ್ ಮಾಡಿ.

ಪ್ರಧಾನಿ ಮೋದಿಯವರಿಗೆ ಕುಟುಂಬದ ಶುಭಾಶಯಗಳು
ಒಂದು ವಿಶಿಷ್ಟ ಉಪಕ್ರಮದಲ್ಲಿ, ಜನರು ತಮ್ಮ ಇಡೀ ಕುಟುಂಬದ ಶುಭಾಶಯವನ್ನು ಪ್ರಧಾನಿಯವರಿಗೆ ತಿಳಿಸಬಹುದು. 'ಫ್ಯಾಮಿಲಿ ಇ ಕಾರ್ಡ್' ಮೂಲಕ ದೇಶಾದ್ಯಂತ ಲಕ್ಷಾಂತರ ಜನರು ಕುಟುಂಬ ಸಮೇತರಾಗಿ ಪ್ರಧಾನಿಗೆ ಶುಭ ಹಾರೈಸುವ ನಿರೀಕ್ಷೆಯಿದೆ. 

ಪ್ರಧಾನಿ ಮೋದಿಗೆ 'ಫ್ಯಾಮಿಲಿ ಇ ಕಾರ್ಡ್' ಕಳುಹಿಸುವುದು ಹೇಗೆ?

ಹಂತ 1: NaMo ಆಪ್‌ನಲ್ಲಿ ಸೇವಾ ಪಖ್ವಾಡಾ ಅಭಿಯಾನದ ಮುಖಪುಟದಿಂದ 'ಫ್ಯಾಮಿಲಿ ಇ ಕಾರ್ಡ್' ಬ್ಯಾನರ್ ಮೇಲೆ ಕ್ಲಿಕ್ ಮಾಡಿ.

ಹಂತ 2: 'ಕ್ರಿಯೇಟ್ ಎ ಫ್ಯಾಮಿಲಿ ಇ ಕಾರ್ಡ್' ಮೇಲೆ ಕ್ಲಿಕ್ ಮಾಡಿ.

ಹಂತ 3: ನೀಡಿರುವ ಟೆಂಪ್ಲೇಟ್‌ಗಳಿಂದ ನಿಮ್ಮ ಆಯ್ಕೆಯ ಟೆಂಪ್ಲೇಟ್ ಅನ್ನು ಆಯ್ಕೆಮಾಡಿ ಮತ್ತು ಮುಂದುವರೆಯಲು 'ಮುಂದೆ' ಬಟನ್ ಮೇಲೆ ಕ್ಲಿಕ್ ಮಾಡಿ.

ಹಂತ 4: ಆಯಾ ವಿಭಾಗಗಳಲ್ಲಿ ನಿಮ್ಮ ಕುಟುಂಬದ ಹೆಸರು ಮತ್ತು ವೈಯಕ್ತಿಕಗೊಳಿಸಿದ ಹುಟ್ಟುಹಬ್ಬದ ಶುಭಾಶಯಗಳನ್ನು ನಮೂದಿಸಿ ಮತ್ತು 'ಮುಂದೆ' ಕ್ಲಿಕ್ ಮಾಡಿ.

ಹಂತ 5: ಇ-ಕಾರ್ಡ್ ಅನ್ನು ಯಶಸ್ವಿಯಾಗಿ ಪೋಸ್ಟ್ ಮಾಡಲಾಗಿದೆ. ನಿಮ್ಮ ಕುಟುಂಬವನ್ನು ಇಷ್ಟಪಡಲು ಮತ್ತು ನಿಮ್ಮ ಕಾರ್ಡ್‌ಗೆ ಶುಭಾಶಯಗಳನ್ನು ಸೇರಿಸಲು ಆಹ್ವಾನಿಸಲು 'ನಿಮ್ಮ ಕುಟುಂಬವನ್ನು ಆಹ್ವಾನಿಸಿ' ಕ್ಲಿಕ್ ಮಾಡಿ.

ಹಂತ 6: ಇ-ಕಾರ್ಡ್‌ಗಳನ್ನು ಜನಪ್ರಿಯಗೊಳಿಸಲು ವಿವಿಧ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹಂಚಿಕೊಳ್ಳಿ.

ವರ್ಚುವಲ್ ಎಕ್ಸಿಬಿಷನ್ ಕಾರ್ನರ್
NaMo ಆ್ಯಪ್‌ನಲ್ಲಿ ಪ್ರಧಾನಿ ಮೋದಿಯವರ ಜೀವನದ ಕುರಿತು 'ವರ್ಚುವಲ್ ಎಕ್ಸಿಬಿಷನ್ ಕಾರ್ನರ್' ಎಂಬ ವರ್ಚುವಲ್ ಪ್ರದರ್ಶನವೂ ಇರುತ್ತದೆ. ಅವರು ಎದುರಿಸಿದ ಸವಾಲುಗಳು, ಅವುಗಳನ್ನು ಜಯಿಸಲು ಅವರು ಬಳಸಿದ ನವೀನ ಆಲೋಚನೆಗಳು ಮತ್ತು ಬೆಳವಣಿಗೆಗೆ ಅವರು ಹೇಗೆ ಪ್ರಮುಖ ಪಾತ್ರ ವಹಿಸಿದರು ಎಂಬ ಬಗ್ಗೆ ಮಾಹಿತಿಯಿದೆ ಮೊದಲು ಗುಜರಾತ್‌ನಲ್ಲಿ ಮುಖ್ಯಮಂತ್ರಿಯಾಗಿ ಮತ್ತು ನಂತರ ಭಾರತಕ್ಕೆ ಪ್ರಧಾನಿಯಾದ ಅವರ ಜೀವನ ಕಥಾನಕವನ್ನು ತೋರಿಸಲಾಗಿದೆ.