ಕಾಶ್ಮೀರಕ್ಕೆ ರಾಜ್ಯ ಸ್ಥಾನಮಾನ: 24ಕ್ಕೆ ಮೋದಿ ಸಭೆ!

* ಜಮ್ಮು-ಕಾಶ್ಮೀರ ವಿಚಾ​ರಕ್ಕೆ ಪುನಃ ರಾಜ್ಯ ಸ್ಥಾನಮಾನ ನೀಡುವ ಮಾತುಕತೆ * ಕಾಶ್ಮೀರಕ್ಕೆ ರಾಜ್ಯ ಸ್ಥಾನಮಾನ: 24ಕ್ಕೆ ಮೋದಿ ಸಭೆ? * 2019ರಲ್ಲಿ ಜಮ್ಮು-ಕಾಶ್ಮೀ​ರ​ಕ್ಕಿದ್ದ ವಿಶೇಷ ಸ್ಥಾನ​ಮಾನ ರದ್ದು​, ಕೇಂದ್ರಾಡಳಿತ ಪ್ರದೇಶ ಅಸ್ತಿತ್ವ

ಶ್ರೀನ​ಗ​ರ(ಜೂ.19): ಜಮ್ಮು-ಕಾಶ್ಮೀರ ವಿಚಾ​ರಕ್ಕೆ ಪುನಃ ರಾಜ್ಯ ಸ್ಥಾನಮಾನ ನೀಡುವ ಸಂಬಂಧ ಚರ್ಚಿಸಲು ಪ್ರಧಾನಿ ನರೇಂದ್ರ ಮೋದಿ ಅವರು ಜೂನ್‌ 24ರಂದು ಸರ್ವ​ಪ​ಕ್ಷ​ಗಳ ಸಭೆ ಕರೆ​ಯುವ ಸಾಧ್ಯ​ತೆ​ಯಿದೆ.

2019ರಲ್ಲಿ ಜಮ್ಮು-ಕಾಶ್ಮೀ​ರ​ಕ್ಕಿದ್ದ ವಿಶೇಷ ಸ್ಥಾನ​ಮಾನ ರದ್ದು​ಗೊ​ಳಿಸಿದ ಬಳಿಕ ರಾಜ್ಯ ಸ್ಥಾನಮಾನ ರದ್ದಾಗಿತ್ತು ಹಾಗೂ ಕೇಂದ್ರಾಡಳಿತ ಪ್ರದೇಶ ಅಸ್ತಿತ್ವಕ್ಕೆ ಬಂದಿತ್ತು.

ಈ ಬಗ್ಗೆ ಖಾಸಗಿ ಮಾಧ್ಯ​ಮ​ವೊಂದಕ್ಕೆ ಪ್ರತಿ​ಕ್ರಿಯೆ ನೀಡಿದ ಜಮ್ಮು-ಕಾಶ್ಮೀ​ರದ ಹಿರಿಯ ಮುಖಂಡ​ರೊ​ಬ್ಬರು, ‘ಮುಂದಿನ ವಾರ ಸರ್ವ​ಪ​ಕ್ಷ​ಗಳ ಸಭೆ ಇದೆ ಎಂಬ ಮಾಹಿತಿಯನ್ನು ನಮ​ಗೆ ನೀಡ​ಲಾ​ಗಿದೆ. ಇದೀಗ ಆಹ್ವಾನ ಪತ್ರಿ​ಕೆಯ ನಿರೀ​ಕ್ಷೆ​ಯ​ಲ್ಲಿ​ದ್ದೇ​ವೆ’ ಎಂದಿ​ದ್ದಾರೆ.

ಈ ಹಿನ್ನೆ​ಲೆ​ಯಲ್ಲಿ ಜಮ್ಮು-ಕಾಶ್ಮೀ​ರ​ ಮತ್ತು ಲಡಾಖ್‌ ಎಂಬ 2 ಕೇಂದ್ರಾ​ಡ​ಳಿತ ಪ್ರದೇ​ಶ​ಗ​ಳ​ನ್ನಾಗಿ ವಿಂಗ​ಡಿ​ಸಲಾ​ಗಿ​ರುವ ಜಮ್ಮು-ಕಾಶ್ಮೀ​ರಕ್ಕೆ ಮತ್ತೆ ರಾಜ್ಯ ಸ್ಥಾನ​ಮಾನ ಕಲ್ಪಿ​ಸಲು ಕೇಂದ್ರ ಸರ್ಕಾರ ಚರ್ಚೆ ನಡೆ​ಸ​ಬ​ಹುದೇ ಎಂಬ ವರ​ದಿ​ಗ​ಳಿಗೆ ರೆಕ್ಕೆ ಪುಕ್ಕ ಬಂದಿದೆ.