ಪಾಕ್ ಸಂಪುಟದಲ್ಲಿ 'ಬಾಯ್ಸ್ ಕ್ಲಬ್' ಮಾಯ, ಪ್ರಮುಖ ಹುದ್ದೆಯಲ್ಲಿ ಮಹಿಳೆಯರ ದರ್ಬಾರ್!

* ಇಮ್ರಾನ್ ಸರ್ಕಾರ ಪತನ, ಹೊಸ ಸರ್ಕಾರ ಅಸ್ತಿತ್ವಕ್ಕೆ * ಪಾಕಿಸ್ತಾನದ ಹೊಸ 37 ಸದಸ್ಯರ ಪ್ರಬಲ ಫೆಡರಲ್ ಕ್ಯಾಬಿನೆಟ್ * ಹೊಸ ಕ್ಯಾಬಿನೆಟ್‌ನಲ್ಲಿ ಮಹಿಳಾ ನಾಯಕಿಯರಿಗೆ ಪ್ರಮುಖ ಸ್ಥಾನ

ಇಸ್ಲಮಾಬಾದ್(ಏ.20): ಸಾಕಷ್ಟು ರಾಜಕೀಯ ಬೆಳವಣಿಗೆಗಳ ಬಳಿಕ, ಪಾಕಿಸ್ತಾನದ ಹೊಸ 37 ಸದಸ್ಯರ ಪ್ರಬಲ ಫೆಡರಲ್ ಕ್ಯಾಬಿನೆಟ್ ಮಂಗಳವಾರ ಪ್ರಮಾಣ ವಚನ ಸ್ವೀಕರಿಸಿತು. ಸಂಪುಟ ರಚನೆಯ ವಿಳಂಬದಿಂದಾಗಿ ಸಮ್ಮಿಶ್ರ ಸರ್ಕಾರದೊಳಗಿನ ಭಿನ್ನಾಭಿಪ್ರಾಯಗಳ ಬಗ್ಗೆ ಊಹಾಪೋಹಗಳಿಗೆ ಎಡೆಮಾಡಿಕೊಟ್ಟಿತ್ತು.

ಪ್ರಧಾನ ಮಂತ್ರಿ ಶೆಹಬಾಜ್ ಷರೀಫ್ ಅವರ ಹೊಸ ಫೆಡರಲ್ ಕ್ಯಾಬಿನೆಟ್‌ನಲ್ಲಿ 31 ಫೆಡರಲ್ ಮಂತ್ರಿಗಳಿದ್ದು, ಮೂರು ರಾಜ್ಯ ಸಚಿವರು ಮತ್ತು ಪ್ರಧಾನ ಮಂತ್ರಿಯ ಅನೇಕ ಸಲಹೆಗಾರರನ್ನು ಹೊಂದಿದೆ. ಪ್ರಮುಖ ಸ್ಥಾನಗಳಲ್ಲಿ ಐವರು ಮಹಿಳೆಯರೊಂದಿಗೆ, ಹೊಸ ಮಂತ್ರಿಗಳ ತಂಡ ಸರ್ಕಾರ ರಚಿಸಿದೆ. ಪಾಕಿಸ್ತಾನದ ಹಿಂದಿನ ಕ್ಯಾಬಿನೆಟ್ ತೆಹ್ರೀಕ್-ಇ-ಇನ್ಸಾಫ್ (ಪಿಟಿಐ) ಪುರುಷ ಪ್ರಾಬಲ್ಯ ಹೊಂದಿತ್ತು ಎಂಬುವುದು ಉಲ್ಲೇಖನೀಯ.

ಪಾಕಿಸ್ತಾನ್ ಪೀಪಲ್ಸ್ ಪಾರ್ಟಿಯ (ಪಿಪಿಪಿ) ಹಿನಾ ರಬ್ಬಾನಿ ಖಾರ್ ಅವರನ್ನು ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವರನ್ನಾಗಿ ಮಾಡಲಾಗಿದೆ. ಈ ಹಿಂದೆ, ವಿದೇಶಾಂಗ ಸಚಿವರಾಗಿ ಪಿಪಿಪಿ ಅಧ್ಯಕ್ಷ ಬಿಲಾವಲ್ ಭುಟ್ಟೋ ಜರ್ದಾರಿ ಅವರನ್ನು ನೇಮಿಸಲಾಗುತ್ತದೆ ಎಂಬ ವರದಿ ಸದ್ದು ಮಾಡಿತ್ತು. ಆದರೆ ಸಚಿವರ ಅಂತಿಮ ಪಟ್ಟಿಯಲ್ಲಿ ಭುಟ್ಟೋ ಹೆಸರು ಸೇರ್ಪಡೆಯಾಗಿಲ್ಲ. ಹೊಸ ಸರ್ಕಾರದಲ್ಲಿ ಪಿಪಿಪಿ ಅಧ್ಯಕ್ಷರಿಗೆ ಮಂತ್ರಿಗಿರಿ ಏಕೆ ಸಿಗಲಿಲ್ಲ ಎಂಬುದು ಅಸ್ಪಷ್ಟವಾಗಿದೆ.

ಬಿಲಾವಲ್‌ ಸಂಪುಟದಿಂದ ಹೊರಗೆ

ಶೆಹಬಾಜ್ ಷರೀಫ್ ಅವರ ಅಡಿಯಲ್ಲಿ ಕೆಲಸ ಮಾಡುವ ಬಿಲಾವಲ್ ಬಗ್ಗೆ ಪಕ್ಷದೊಳಗಿನ ಅಸಮಾಧಾನ ಅವರನ್ನು ಹೊರಗಿಡಲು ಕಾರಣವಾಗಿರಬಹುದು. ಆದರೆ ವಿದೇಶಾಂಗ ವ್ಯವಹಾರಗಳ ಸಚಿವಾಲಯವನ್ನು ಖಾಲಿ ಬಿಡಲಾಗಿದೆ (ಇದೀಗ ಹಿನಾ ರಬ್ಬಾನಿ ಅವರು ರಾಜ್ಯ ಸಚಿವರಾಗಿ ಮುನ್ನಡೆಸುತ್ತಿದ್ದಾರೆ), ಆದ್ದರಿಂದ ಬಿಲಾವಲ್ ಅವರ ಪಕ್ಷದೊಳಗಿನ ಭಿನ್ನಾಭಿಪ್ರಾಯಗಳ ಪರಿಹಾರದ ನಂತರ ವಿದೇಶಾಂಗ ಸಚಿವರಾಗುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ.

ಅಮೆರಿಕದಲ್ಲಿ ಪಾಕಿಸ್ತಾನದ ಮಾಜಿ ರಾಯಭಾರಿಯಾಗಿದ್ದ ಶೆರ್ರಿ ರೆಹಮಾನ್ ಅವರನ್ನು ಹವಾಮಾನ ಇಲಾಖೆ ಸಚಿವರನ್ನಾಗಿ ಮಾಡಲಾಗಿದೆ. ಹವಾಮಾನ ಬದಲಾವಣೆಯ ಅಪಾಯವನ್ನು ನಿಭಾಯಿಸಲು ಹಿಂದಿನ ಸರ್ಕಾರವು ಕಡಿಮೆ ಆಸಕ್ತಿ ತೋರಿತು, ಅದಕ್ಕಾಗಿಯೇ ಈ ವಿಷಯದ ಬಗ್ಗೆ ಕಡಿಮೆ ಅಥವಾ ಯಾವುದೇ ಪರಿಣತಿಯನ್ನು ಹೊಂದಿರದ ಪಿಟಿಐ ನಾಯಕ ಜರ್ತಾಜ್ ಗುಲ್‌ಗೆ ಈ ಸಚಿವಾಲಯವನ್ನು ನೀಡಲಾಯಿತು. ಆಹ್ಲಾದಕರ ಹವಾಮಾನವು ಪ್ರಾಮಾಣಿಕ ಆಡಳಿತಗಾರರ ಸಂಕೇತವಾಗಿದೆ ಎಂದು ಗುಲ್ 2019 ರಲ್ಲಿ ಹೇಳಿಕೊಂಡಾಗ ಸಾಮಾಜಿಕ ಜಾಲತಾಣದಲ್ಲಿ ಬಿರುಗಾಳಿ ಬೀಸಿದಂತಾಗಿತ್ತು. ಅಲ್ಲದೇ ಅವರು 'ಕೋವಿಡ್ -19' ಎಂಬುವುದು 19 ಅಂಕಗಳನ್ನು' ಹೊಂದಿದೆ ಎಂದು ಹೇಳಿದಾಗ. ಸಚಿವರ ಹೇಳಿಕೆ ಅಸಂಬದ್ಧ ಹಾಗೂ ಅವರಿಗೆ ಈ ವಿಷಯದ ಬಗ್ಗೆ ಯಾವುದೇ ಜ್ಞಾನವಿಲ್ಲ ಹೀಗಾಗಿ ಅವರು ಪಾಕಿಸ್ತಾನದ ಹವಾಮಾನ ಬದಲಾವಣೆ ನೀತಿಯ ಉಸ್ತುವಾರಿಯನ್ನು ಹೇಗೆ ನಿರ್ವಹಿಸುತ್ತಾನೆ ಎಂಬ ಪ್ರಶ್ನೆಗಳನ್ನು ಹುಟ್ಟುಹಾಕಿತ್ತು.

ಶೆರ್ರಿ ರೆಹಮಾನ್ ವ್ಯವಹಾರಗಳ ಚುಕ್ಕಾಣಿ ಹಿಡಿದಿರುವುದರಿಂದ, ಹವಾಮಾನ ಬದಲಾವಣೆ ಸಚಿವಾಲಯವು ಖಂಡಿತವಾಗಿಯೂ ಹೊಸ ದಿಕ್ಕನ್ನು ಪಡೆಯುತ್ತದೆ. ರೆಹಮಾನ್ ಅತ್ಯುತ್ತಮ ಖ್ಯಾತಿಯನ್ನು ಹೊಂದಿದ್ದಾರೆ ಮತ್ತು ಯುಎಸ್‌ಗೆ ಪಾಕಿಸ್ತಾನದ ರಾಯಭಾರಿಯಾಗಿ ಮತ್ತು ಮೊದಲು ಮಾಹಿತಿ ಮಂತ್ರಿಯಾಗಿ ಅವರು ದೇಶಕ್ಕೆ ಮಾಡಿದ ಸೇವೆಗಳನ್ನು (ಮಾಧ್ಯಮ ಸೆನ್ಸಾರ್‌ಶಿಪ್‌ನಲ್ಲಿ ತಮ್ಮದೇ ಸರ್ಕಾರದೊಂದಿಗೆ ಭಿನ್ನಾಭಿಪ್ರಾಯಗಳನ್ನು ಬೆಳೆಸಿದ ನಂತರ ಅವರು 2019 ರಲ್ಲಿ ರಾಜೀನಾಮೆ ನೀಡಿದರು) PPP ಯ ಪ್ರತಿಸ್ಪರ್ಧಿಗಳು ಸಹ ಒಪ್ಪಿಕೊಂಡಿದ್ದಾರೆ. ಜರ್ತಾಜ್ ಗುಲ್‌ನಿಂದ ಶೆರ್ರಿ ರೆಹಮಾನ್‌ಗೆ ಪರಿವರ್ತನೆಯು ಮುಂಬರುವ ಉತ್ತಮ ದಿನಗಳ ಸಂಕೇತವಾಗಿದೆ.

ಪಾಕಿಸ್ತಾನ್ ಮುಸ್ಲಿಂ ಲೀಗ್-ಎನ್ (ಪಿಎಂಎಲ್-ಎನ್) ನ ನಿಷ್ಠುರ ನಾಯಕಿ ಮರಿಯುಮ್ ಔರಂಗಜೇಬ್ ಅವರು ಹೊಸ ಮಾಹಿತಿ ಸಚಿವರಾಗಿದ್ದಾರೆ. ಇಬ್ಬರು ಮೊದಲ ಬಾರಿಗೆ ಪಿಪಿಪಿಯ ಶಾಜಿಯಾ ಮರ್ರಿ ಮತ್ತು ಪಿಎಂಎಲ್-ಎನ್‌ನ ಆಯಿಷಾ ಗೌಸ್ ಪಾಶಾ ಅವರು ಕ್ರಮವಾಗಿ ಬೆನಜೀರ್ ಆದಾಯ ಬೆಂಬಲ ಕಾರ್ಯಕ್ರಮ (ಬಿಐಎಸ್‌ಪಿ) ಸಚಿವರಾಗಿ ಮತ್ತು ರಾಜ್ಯ ಹಣಕಾಸು ಸಚಿವರಾಗಿ ಕಾರ್ಯನಿರ್ವಹಿಸಲಿದ್ದಾರೆ.

ಇನ್ನು ಕ್ಯಾಬಿನೆಟ್‌ಗೆ ಹೆಚ್ಚಿನ ಮಹಿಳೆಯರ ಸೇರ್ಪಡೆ ಖುಷಿಯ ವಿಚಾರವಾದರೂ, ವಜೀರಿಸ್ತಾನ್‌ನ ಪ್ರತಿನಿಧಿ ಎಂಎನ್‌ಎ ಮೊಹ್ಸಿನ್ ದಾವರ್ ಅವರು ಈ ಹಿಂದೆ ಮಾನವ ಹಕ್ಕುಗಳ ಸಚಿವರಾಗುತ್ತಾರೆ ಎಂದು ಹೇಳಲಾಗಿತ್ತು. ಆದರೆ ಅವರಿಗೆ ಕ್ಯಾಬಿನೆಟ್ ಸಚಿವ ಸ್ಥಾನ ಸಿಗಲಿಲ್ಲ. ವರದಿಗಳ ಪ್ರಕಾರ, ಕ್ಯಾಬಿನೆಟ್‌ನಲ್ಲಿ ಅವರನ್ನು ಸೇರಿಸಿಕೊಳ್ಳಲು ಆಕ್ಷೇಪವಿತ್ತು ಎನ್ನಲಾಗಿದೆ. ಈ ಸಂದರ್ಭದಲ್ಲಿ 'ತಟಸ್ಥತೆ'ಯ ಹಕ್ಕು ಪ್ರಶ್ನಾರ್ಹವಾಗುತ್ತದೆ.

ಖೈಬರ್ ಪಕ್ತುಂಖ್ವಾ (ಕೆಪಿ) ವಿಷಯಗಳ ಕುರಿತಾದ ಭಿನ್ನಾಭಿಪ್ರಾಯಗಳಿಂದಾಗಿ ದಾವರ್ ಅವರನ್ನು ತನ್ನ ಪರಮಾಪ್ತ ಪ್ರತಿಸ್ಪರ್ಧಿ ಎಂದು ಪರಿಗಣಿಸುವ ಜಮಿಯತ್ ಉಲೇಮಾ-ಎ-ಇಸ್ಲಾಂ (ಜೆಯುಐ-ಎಫ್) ಮುಖ್ಯಸ್ಥ ಮೌಲಾನಾ ಫಜ್ಲುರ್ ರೆಹಮಾನ್ ಅವರನ್ನು ಕ್ಯಾಬಿನೆಟ್‌ನಲ್ಲಿ ಕಾಣಲು ಇಷ್ಪಡುವುದಿಲ್ಲ ಎಂದು ವರದಿಯಾಗಿದೆ. MNA ಮೊಹ್ಸಿನ್ ದಾವರ್‌ಗೆ ಸಚಿವಾಲಯವು ಜನಾಂಗೀಯ ಅಲ್ಪಸಂಖ್ಯಾತರಿಗೆ ಉಂಟಾದ ಗಾಯಗಳನ್ನು ಗುಣಪಡಿಸುವ ಸರ್ಕಾರದ ಗುರಿಯ ಬಗ್ಗೆ ಪ್ರಬಲ ಸಂದೇಶವನ್ನು ಕಳುಹಿಸುತ್ತದೆ ಎಂದಿದೆ.