ಮದ್ಯದ ಬದಲಿಗೆ ಹೋಮಿಯೋಪತಿ ಸಿರಪ್ ಕುಡಿದು 9 ಜನ ಸಾವು

ಮದ್ಯದ ಬದಲಿಗೆ ಹೋಮಿಯೋಪತಿ ಸಿರಪ್ ಕುಡಿದು 9 ಜನ ಸಾವು |7 ಜನರ ಸ್ಥಿತಿ ಗಂಭೀರ

ಛತ್ತೀಸ್‌ಗಡ(ಮೇ.07): ಬಿಲಾಸ್ಪುರ ಜಿಲ್ಲೆಯ ಹಳ್ಳಿಯಲ್ಲಿ ಹೋಮಿಯೋಪತಿ ಸಿರಪ್ ಅನ್ನು ಆಲ್ಕೋಹಾಲ್ ಬದಲಿಯಾಗಿ ಸೇವಿಸಿದ ನಂತರ ಕಳೆದ ಮೂರು ದಿನಗಳಲ್ಲಿ ಒಂಬತ್ತು ಜನರು ಸಾವನ್ನಪ್ಪಿದ್ದಾರೆ. ಸಿರಪ್ ಸೇವಿಸಿದ ಇತರ ಏಳು ಮಂದಿಯ ಸ್ಥಿತಿ ಗಂಭೀರವಾಗಿದೆ ಎಂದು ಜಿಲ್ಲೆಯ ಅಧಿಕಾರಿಗಳು ತಿಳಿಸಿದ್ದಾರೆ.

ಬಿಲಾಸ್ಪುರ ಜಿಲ್ಲಾಡಳಿತವು ಜಿಲ್ಲಾ ಕೇಂದ್ರದಿಂದ 10 ಕಿ.ಮೀ ದೂರದಲ್ಲಿರುವ ಕೊರ್ಮಿ ಗ್ರಾಮದಲ್ಲಿ ವೈದ್ಯಕೀಯ ಶಿಬಿರವನ್ನು ಮಾಡಿತ್ತು. ಹೆಚ್ಚಿನ ಜನರು ಔಷಧಿಯನ್ನು ಸೇವಿಸಿದ್ದಾರೆ. ಗ್ರಾಮಸ್ಥರಿಗೆ ಔಷಧಿಯನ್ನು ಮಾರಾಟ ಮಾಡಿದ ವೈದ್ಯರನ್ನು ಈಗ ಪ್ರಶ್ನಿಸಲಾಗುತ್ತಿದೆ.

ಮಂಗಳವಾರ ರಾತ್ರಿ ನಾಲ್ಕು ಜನರು ತಮ್ಮ ಮನೆಗಳಲ್ಲಿ ಸಾವನ್ನಪ್ಪಿದ್ದರೆ, ಇತರ ನಾಲ್ವರು ಬುಧವಾರ ಸಾವನ್ನಪ್ಪಿದ್ದಾರೆ. ಓರ್ವ ವ್ಯಕ್ತಿ ಗುರುವಾರ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕುಟುಂಬ ಸದಸ್ಯರು ಕೋವಿಡ್‌ನಿಂದ ಮೃತಪಟ್ಟಿದ್ದಾರೆ ಎಂದು ಶಂಕಿಸಿ ಮೊದಲ ಎರಡು ಸಾವುಗಳನ್ನು ಪೊಲೀಸರಿಗೆ ವರದಿ ಮಾಡಿಲ್ಲ. ಅದೇ ಸಿರಪ್ ಅನ್ನು ನೀರಿನಲ್ಲಿ ಬೆರೆಸಿದ ಹೆಚ್ಚಿನ ಜನರು ಅನಾರೋಗ್ಯಕ್ಕೆ ಒಳಗಾಗಲು ಮತ್ತು ಸಾಯಲು ಪ್ರಾರಂಭಿಸಿದ ನಂತರ ಪೊಲೀಸರು ಗ್ರಾಮವನ್ನು ತಲುಪಿದರು.