ಕೊರೋನಾ ತಡೆಯುವ ನ್ಯಾನೋಬಾಡಿ ಪತ್ತೆ| ಆ್ಯಂಟಿಬಾಡಿಗಿಂತ ಅತ್ಯಂತ ಸಣ್ಣ, ಪ್ರಭಾವಿ ನ್ಯಾನೋಕಣ
ಲಂಡನ್‌(ಸೆ.06): ದೇಹದ ಜೀವಕೋಶಗಳಿಗೆ ಕೊರೋನಾ ವೈರಸ್ (ಸಾರ್ಸ್‌-ಕೊವ್‌-2) ಪ್ರವೇಶ ಮಾಡದಂತೆ ತಡೆಯುವ ನ್ಯಾನೋಕಣವನ್ನು ಸ್ವೀಡನ್‌ ವಿಜ್ಞಾನಿಗಳು ಪತ್ತೆಹಚ್ಚಿದ್ದಾರೆ. ಇದು ಇಲ್ಲಿಯವರೆಗೆ ವಿಜ್ಞಾನಿಗಳು ಹೇಳುತ್ತಿದ್ದ ಆ್ಯಂಟಿಬಾಡಿ (ಪ್ರತಿಕಾಯ)ಗಿಂತ ಹತ್ತಾರು ಪಟ್ಟು ಸಣ್ಣದಾದ ನ್ಯಾನೋಬಾಡಿ ಆಗಿದ್ದು, ಪ್ರಯೋಗ ಇನ್ನಷ್ಟುಯಶಸ್ವಿಯಾದರೆ ಕಡಿಮೆ ಖರ್ಚಿನಲ್ಲಿ ದೊಡ್ಡ ಪ್ರಮಾಣದಲ್ಲಿ ಈ ಕಣಗಳನ್ನು ಉತ್ಪಾದಿಸಿ ಕೊರೋನಾಕ್ಕೆ ಔಷಧವಾಗಿ ನೀಡಬಹುದಾಗಿದೆ.
undefined
ಒಂದು ಜಾತಿಯ ಒಂಟೆಯಲ್ಲಿ ಈ ನ್ಯಾನೋಬಾಡಿ ನೈಸರ್ಗಿಕವಾಗಿ ಇರುತ್ತದೆ. ಅದನ್ನು ತೆಗೆದು ಇನ್ನೊಂದು ಜಾತಿಯ ಒಂಟೆಗೆ ಕೊರೋನಾ ವೈರಸ್‌ನ ಸ್ಪೈಕ್‌ ಪ್ರೊಟೀನ್‌ನ ಜೊತೆಗೆ ಸೇರಿಸಿ ಫೆಬ್ರವರಿ ತಿಂಗಳಲ್ಲಿ ವಿಜ್ಞಾನಿಗಳು ಇಂಜೆಕ್ಟ್ ಮಾಡಿದ್ದರು. 60 ದಿನಗಳ ನಂತರ ಆ ಪ್ರಾಣಿಯ ರಕ್ತದ ಮಾದರಿ ತೆಗೆದು ಪರೀಕ್ಷಿಸಲಾಗಿದ್ದು, ಅದರ ದೇಹದಲ್ಲಿ ಕೊರೋನಾ ವಿರುದ್ಧ ಅದ್ಭುತವಾದ ರೋಗನಿರೋಧಕ ಶಕ್ತಿ ರೂಪುಗೊಂಡಿದೆ. ಈ ಕಣವನ್ನು ಟಿವೈ1 ಎಂದು ವಿಜ್ಞಾನಿಗಳು ಕರೆದಿದ್ದಾರೆ.
ಮುಂದಿನ ಹಂತದಲ್ಲಿ ಇದನ್ನು ಬೇರೆ ಬೇರೆ ಪ್ರಾಣಿಗಳ ಮೇಲೆ ವಿಜ್ಞಾನಿಗಳು ಪ್ರಯೋಗಿಸಲಿದ್ದಾರೆ. ಅವುಗಳಲ್ಲೂ ಕೊರೋನಾ ಸೋಂಕನ್ನು ತಡೆಯಲು ಟಿವೈ1 ನ್ಯಾನೋಬಾಡಿಗಳು ಯಶಸ್ವಿಯಾದರೆ ಮನುಷ್ಯರ ಮೇಲೆ ಪ್ರಯೋಗಿಸಲಿದ್ದಾರೆ.