ಹಿಂದೂ ಹುಡುಗನನ್ನು ಮದುವೆಯಾಗಲು ಮುಸ್ಲಿಂ ಯುವತಿಯೊಬ್ಬಳು ಸನಾತನ ಧರ್ಮಕ್ಕೆ ಮತಾಂತರಗೊಂಡಿದ್ದಾಳೆ, ಬಳಿಕ, ತಾನು ಪ್ರೀತಿಸುತ್ತಿದ್ದ ಯುವಕನನ್ನು ಮದುವೆಯಾಗಿದ್ದಾಳೆ.
ರಾಜಸ್ಥಾನದ ಮುಸ್ಲಿಂ ಹುಡುಗಿಯೊಬ್ಬಳು ಶುಕ್ರವಾರ ಮಧ್ಯ ಪ್ರದೇಶದ ಮಂದಸೋರ್‌ನ ಗಾಯತ್ರಿ ದೇವಿಯ ದೇವಸ್ಥಾನದಲ್ಲಿ (Gayatri Devi Temple) ಹಿಂದೂ ಧರ್ಮಕ್ಕೆ (Hindu Religion) ಮತಾಂತರವಾಗಿದ್ದು, ನಂತರ ಹಿಂದೂ ಹುಡುಗನನ್ನು ಮದುವೆಯಾಗಿರುವ ವಿಶಿಷ್ಟ ಘಟನೆ ವರದಿಯಾಗಿದೆ. ರಾಜಸ್ಥಾನದ ಜೋಧ್‌ಪುರ ನಗರದ ಈ ನೂತನ ದಂಪತಿ, ಇತ್ತೀಚೆಗೆ ಮಂದಸೋರ್‌ನಲ್ಲಿ ಸನಾತನ ಧರ್ಮವನ್ನು (Sanatana Dharma) ಸ್ವೀಕರಿಸಿದ ಚೇತನ್ ಸಿಂಗ್ ಅವರ ಎದುರು ಮತ್ತು ದೇವಸ್ಥಾನದಲ್ಲಿದ್ದ ಇತರ ಪುರೋಹಿತರ ಸಮ್ಮುಖದಲ್ಲಿ ಸಂಭ್ರಮದಿಂದ ಇವರ ವಿವಾಹ ನೆರವೇರಿದೆ. ಮಾಹಿತಿಯ ಪ್ರಕಾರ, ಜೋಧ್‌ಪುರ ನಗರದ ನಿವಾಸಿ 19 ವರ್ಷದ ಇಕ್ರಾ ಬೀ (ಈಗ ಇಶಿಕಾ) ಮೂರು ವರ್ಷಗಳ ಹಿಂದೆ ಮಂದಸೋರ್‌ ಪಟ್ಟಣದ ಸ್ಥಳೀಯ ರಾಹುಲ್ ವರ್ಮಾ (21) ಅವರನ್ನು ಭೇಟಿಯಾದರು. ಆ ಸಮಯದಲ್ಲಿ, ಇಬ್ಬರೂ ಅಪ್ರಾಪ್ತರಾಗಿದ್ದರು ಮತ್ತು ಅವರು ಮದುವೆಯ ವಯಸ್ಸನ್ನು ತಲುಪಿದ ನಂತರ ತಮ್ಮ ಕುಟುಂಬಗಳ ಮುಂದೆ ವಿಷಯವನ್ನು ಬಹಿರಂಗಪಡಿಸಲು ನಿರ್ಧರಿಸಿದರು.
ಈ ಮಧ್ಯೆ, ದೇಶದಲ್ಲಿರುವ ಸದ್ಯದ ಪರಿಸ್ಥಿತಿಗೆ ಹೆದರಿ, ದಂಪತಿಗಳು ತಮ್ಮ ಸ್ಥಳದಿಂದ ಓಡಿಹೋಗಲು (Run Away) ನಿರ್ಧರಿಸಿ, ಇದರಿಂದ ಅವರು ಒಟ್ಟಿಗೆ ಸಂತೋಷದಿಂದ ಬದುಕಬಹುದು ಎಂದು ಯೋಚಿಸಿದರು. ಆದರೂ, ರಾಹುಲ್ ಧೈರ್ಯ ಮಾಡಿ ತನ್ನ ಭಾವನೆಗಳನ್ನು ತನ್ನ ಹೆತ್ತವರೊಂದಿಗೆ ಹಂಚಿಕೊಂಡನು, ಅಲ್ಲದೆ, ರಾಹುಲ್ ಅವರ ಪೋಷಕರು ಇಕ್ರಾವನ್ನು ತಮ್ಮ ಸೊಸೆಯಾಗಿ ಸ್ವೀಕರಿಸಲು ಒಪ್ಪಿದರು. ನಂತರ ಇಕ್ರಾ ಕೂಡ ರಾಹುಲ್ ಜೊತೆ ಮದುವೆಯಾಗಲು ಸನಾತನ ಧರ್ಮವನ್ನು ಒಪ್ಪಿಕೊಳ್ಳುವ ನಿರ್ಧಾರ ಮಾಡಿದಳು. ಹೀಗಾಗಿ ಮನೆಯವರು ಮಂದಸೋರ್‌ನ ಗಾಯತ್ರಿ ದೇವಸ್ಥಾನದಲ್ಲಿ ಹಿಂದೂ ಸಂಪ್ರದಾಯದಂತೆ ಉದಯಪುರದಲ್ಲಿ ಇವರ ಮದುವೆ ಮಾಡಲಾಗಿದೆ.
ಮಧ್ಯ ಪ್ರದೇಶದ ಮಂದಸೋರ್‌ನಲ್ಲಿ, ಇಕ್ರಾ ಸನಾತನ ಧರ್ಮ ಸ್ವೀಕರಿಸಿಕೊಂಡು ಇಶಿಕಾ ಆಗುವ ಮೊದಲು ಸ್ನಾನ ಮಾಡಿಕೊಂಡು ಪಂಚತತ್ವವನ್ನು ಆರಾಧಿಸಿದ್ದರು ಎಂದು ತಿಳಿದುಬಂದಿದೆ. ಇನ್ನು, ತನ್ನ ಸ್ವಂತ ಇಚ್ಛೆಯಿಂದಲೇ ಸನಾತನ ಧರ್ಮವನ್ನು ಅಳವಡಿಸಿಕೊಂಡಿದ್ದೇನೆ ಎನ್ನುತ್ತಾರೆ ಇಶಿಕಾ. ಆಕೆಯ ನಿರ್ಧಾರದಿಂದ ಆಕೆಯ ಕುಟುಂಬ ಮತ್ತು ಇತರ ಸಮುದಾಯದ ಸದಸ್ಯರು ತೃಪ್ತರಾಗದ ಕಾರಣ ಜೋಧ್‌ಪುರದಲ್ಲಿ ಆಕೆಯ ಜೀವಕ್ಕೆ ಅಪಾಯವಿದೆ ಮತ್ತು ಭೀಕರ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ತಾನು 9ನೇ ತರಗತಿಯವರೆಗೆ ಓದಿದ್ದೇನೆ, ರಾಹುಲ್ ಇನ್ನೂ ಓದುತ್ತಿದ್ದಾನೆ ಎಂದೂ ಇಶಿಕಾ ಹೇಳಿಕೊಂಡಿದ್ದಾಳೆ.
ಈ ಮಧ್ಯೆ, ತಮ್ಮ ಕಥೆಯನ್ನು ವಿವರಿಸಿದ ಕುಟುಂಬ ಸದಸ್ಯರು, ರಾಹುಲ್‌ನ ತಂದೆ ಮಂದಸೋರ್‌ಲ್ಲಿ ವಾಸಿಸುತ್ತಿದ್ದ. ಅವನು ಮಗುವಾಗಿದ್ದಾಗ, ಅವನ ತಂದೆ ಇನ್ನೊಬ್ಬ ಮಹಿಳೆಯನ್ನು ಮದುವೆಯಾದರು ಮತ್ತು ಅವನ ತಾಯಿಯ ಅಜ್ಜಿ ಅವನನ್ನು ಜೋಧ್‌ಪುರಕ್ಕೆ ಕರೆದೊಯ್ದರು, ಅಲ್ಲಿ ರಾಹುಲ್ ಮತ್ತು ಇಕ್ರಾ ಇಬ್ಬರೂ ನೆರೆಹೊರೆಯವರಾಗಿದ್ದರು ಎಂದು ಹೇಳಿದ್ದಾರೆ. ಮಂದಸೌರ್ ಶಾಸಕ ಮತ್ತು ಬಿಜೆಪಿ ರಾಜ್ಯ ವಕ್ತಾರ ಯಶಪಾಲ್‌ ಸಿಂಗ್ ಸಿಸೋಡಿಯಾ ಅವರು ಈ ಮದುವೆಯ ಬಗ್ಗೆ ಸಂತೋಷ ವ್ಯಕ್ತಪಡಿಸಿದ್ದಾರೆ ಮತ್ತು ದಂಪತಿಗೆ ಶುಭ ಹಾರೈಸಿದ್ದಾರೆ.
ರಾಹುಲ್ ಕುಟುಂಬಕ್ಕೆ ಚೈತನ್ಯ ಸಿಂಗ್ ದಂಪತಿ ಸಹಾಯ
ರಾಹುಲ್ ಮತ್ತು ಇಶಿಕಾ ಇಬ್ಬರೂ ವಯಸ್ಕರು ಮತ್ತು ಅವರು ಈಗಾಗಲೇ ಉದಯಪುರ ನ್ಯಾಯಾಲಯದಲ್ಲಿ ಮದುವೆ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ ಎಂದು ಚೈತನ್ಯ ಸಿಂಗ್ ಹೇಳಿದ್ದಾರೆ “ಈಗ ಇಬ್ಬರೂ ಹಿಂದೂ ಸಂಸ್ಕೃತಿಯನ್ನು ಅನುಸರಿಸಿ ಮಂದಸೋರ್‌ಲ್ಲಿ ವಿವಾಹವಾದರು. ಮದುವೆಯ ಸಂದರ್ಭದಲ್ಲಿ ಎಲ್ಲಾ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು” ಎಂದೂ ಅವರು ಹೇಳಿದರು. ರಾಹುಲ್ ಕುಟುಂಬದವರು ತಮ್ಮನ್ನು ಸಂಪರ್ಕಿಸಿದ್ದಾರೆ. ಇದಾದ ಬಳಿಕ ಸಿಟಿ ಕೊತ್ವಾಲಿ ಪೊಲೀಸ್ ಠಾಣೆಗೆ ಲಿಖಿತ ಮಾಹಿತಿ ನೀಡಿದ್ದೇವೆ. ಗಾಯತ್ರಿ ಮಂದಿರದಲ್ಲಿ ಪೊಲೀಸರ ಮಾಹಿತಿಯ ಪ್ರತಿಯನ್ನು ತೋರಿಸಲಾಯಿತು. ಇದಾದ ನಂತರ ಸಂಪೂರ್ಣ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು. ಇನ್ನೊಂದೆಡೆ, ಚೈತನ್ಯ ಸಿಂಗ್ ಸಹ ಈ ಹಿಂದೆ ಮುಸಲ್ಮಾನರಾಗಿದ್ದು, ಇವರು ಸುಮಾರು ಮೂರು ತಿಂಗಳ ಹಿಂದೆ ಮಂದಸೋರ್‌ನಲ್ಲಿ ಸನಾತನ ಧರ್ಮವನ್ನು ಸ್ವೀಕರಿಸಿದ್ದರು.