ಚೀನಾ​ದ​ಲ್ಲಿನ ಕೊನೆಯ ಭಾರ​ತೀಯ ಪತ್ರ​ಕ​ರ್ತ​ನಿಗೂ ಗೇಟ್‌​ಪಾ​ಸ್‌ ನೀಡಿದ ಚೀನಾ

ಪತ್ರ​ಕ​ರ್ತ​ರಿಗೆ ಸಂಬಂಧಿ​ಸಿ​ದಂತೆ ಭಾರತ ಹಾಗೂ ಚೀನಾ ನಡು​ವಿನ ಸಂಘರ್ಷ ಮುಂದು​ವ​ರಿ​ದಿದ್ದು, ಚೀನಾ​ದಲ್ಲಿ ಬಾಕಿ ಉಳಿ​ದಿದ್ದ ಕೊನೆಯ ಭಾರ​ತೀಯ ಪತ್ರಕರ್ತ​ನಿಗೂ ಸ್ವದೇ​ಶಕ್ಕೆ ತೆರ​ಳು​ವಂತೆ ಕ್ಸಿ ಜಿನ್‌​ಪಿಂಗ್‌ ಸರ್ಕಾರ ಸೂಚಿ​ಸಿ​ದೆ.

ಬೀಜಿಂಗ್‌: ಪತ್ರ​ಕ​ರ್ತ​ರಿಗೆ ಸಂಬಂಧಿ​ಸಿ​ದಂತೆ ಭಾರತ ಹಾಗೂ ಚೀನಾ ನಡು​ವಿನ ಸಂಘರ್ಷ ಮುಂದು​ವ​ರಿ​ದಿದ್ದು, ಚೀನಾ​ದಲ್ಲಿ ಬಾಕಿ ಉಳಿ​ದಿದ್ದ ಕೊನೆಯ ಭಾರ​ತೀಯ ಪತ್ರಕರ್ತ​ನಿಗೂ ಸ್ವದೇ​ಶಕ್ಕೆ ತೆರ​ಳು​ವಂತೆ ಕ್ಸಿ ಜಿನ್‌​ಪಿಂಗ್‌ ಸರ್ಕಾರ ಸೂಚಿ​ಸಿ​ದೆ.  ಭಾರ​ತದ ದೊಡ್ಡ ಸುದ್ದಿ​ಸಂಸ್ಥೆ​ಯಾದ ಪ್ರೆಸ್‌ ಟ್ರಸ್ಟ್‌ ಆಫ್‌ ಇಂಡಿಯಾ (ಪಿ​ಟಿ​ಐ) ವರ​ದಿ​ಗಾರ ಕೆಜೆಎಂ ವರ್ಮಾ ಅವ​ರಿಗೆ ಇದೇ ತಿಂಗಳು ದೇಶ ತೊರೆ​ಯು​ವಂತೆ ಚೀನಾ ಸರ್ಕಾರ ಆದೇ​ಶಿ​ಸಿದೆ. ಇದ​ರೊಂದಿಗೆ ಚೀನಾ​ದಲ್ಲಿ ಇನ್ನು ಯಾವುದೇ ಭಾರ​ತದ ಮಾಧ್ಯಮ ಪ್ರತಿ​ನಿಧಿಯ ಉಪ​ಸ್ಥಿತಿ ಇರು​ವು​ದಿ​ಲ್ಲ.

ಈ ಮುನ್ನ ಪಿಟಿಐ (PTI), ಹಿಂದು​ಸ್ತಾ​ನ ಟೈಮ್ಸ್‌ (Hindustan Times), ದ ಹಿಂದೂ (The Hindu) ಹಾಗೂ ಪ್ರಸಾರ ಭಾರ​ತಿ ಪತ್ರ​ಕ​ರ್ತರು (ನಾ​ಲ್ವ​ರು) ಚೀನಾ​ದಲ್ಲಿ ಇರು​ತ್ತಿ​ದ್ದರು. ಕಳೆದ 2 ತಿಂಗ​ಳ​ಲ್ಲಿ 3 ಪತ್ರ​ಕ​ರ್ತ​ರಿಗೆ ಗೇಟ್‌​ಪಾಸ್‌ ನೀಡಿದ್ದ ಚೀನಾ, ಈಗ ಕೊನೆಯ ಪತ್ರ​ಕ​ರ್ತ​ನನ್ನೂ ಹೊರ​ಹಾ​ಕಲು ತೀರ್ಮಾ​ನಿ​ಸಿ​ದೆ.

ಕಾರಣ ಏನು?:

ಭಾರ​ತ​ದಲ್ಲಿನ ಇಬ್ಬರು ಚೀನಾ ಪತ್ರ​ಕ​ರ್ತರ ವೀಸಾ ನವೀ​ಕ​ರ​ಣಕ್ಕೆ (Visa Renovation) ಭಾರತ ನಿರಾ​ಕ​ರಿ​ಸಿತ್ತು. ಇದರ ಬೆನ್ನ​ಲ್ಲೇ ಚೀನಾ ಮಾಧ್ಯಮ ಪ್ರತಿ​ನಿ​ಧಿಗ​ಳನ್ನು ಸರಿ​ಯಾಗಿ ನಡೆ​ಸಿ​ಕೊ​ಳ್ಳು​ತ್ತಿಲ್ಲ ಎಂದು ಕ್ಸಿ ಜಿನ್‌​ಪಿಂಗ್‌ ಸರ್ಕಾರ ದೂರಿ​ತ್ತು. ಇದರ ಬೆನ್ನಲ್ಲೇ ಪ್ರತೀ​ಕಾರ ಕ್ರಮ ಆರಂಭಿ​ಸಿ​ತ್ತು. ಆದರೆ ಚೀನಾ ಪತ್ರ​ಕ​ರ್ತ​ರನ್ನು ಸೌಜ​ನ್ಯ​ದಿಂದ ನೋಡಿ​ಕೊಂಡಿ​ದ್ದೇವೆ ಎಂದು ಭಾರತ ಸರ್ಕಾರ ಸ್ಪಷ್ಟ​ಪ​ಡಿ​ಸಿ​ತ್ತು. ಇದೇ ವೇಳೆ, ಚೀನಾ​ದ​ಲ್ಲಿನ ಭಾರ​ತೀಯ ಪತ್ರ​ಕ​ರ್ತ​ರು ಚೀನಾ ಮೂಲದ ಪತ್ರ​ಕ​ರ್ತ​ರನ್ನು ತಮ್ಮ ಸಹಾ​ಯಕ ವರ​ದಿ​ಗಾ​ರ​ರ​ನ್ನಾಗಿ ನೇಮಿ​ಸಿ​ಕೊಂಡಿ​ದ್ದರು ಎನ್ನ​ಲಾ​ಗಿದೆ. ಇದು ಕ್ಸಿ ಸರ್ಕಾ​ರದ ಕೆಂಗ​ಣ್ಣಿಗೆ ಗುರಿ​ಯಾ​ಗಿ​ತ್ತು.