ಟ್ವಿಟರ್‌ನಲ್ಲಿ ಬೆಡ್ ಬೇಕೆಂದು ಕೇಳಿದ ಪ್ರೊಫೆಸರ್ ಕೊರೋನಾದಿಂದ ಸಾವು

ತಾಯಿ ತೀರಿಕೊಂಡು 10 ದಿನದಲ್ಲಿ ಮಗಳೂ ಸಾವು ಅಸಿಸ್ಟೆಂಟ್ ಪ್ರೊಫೆಸರ್ ಕೊರೋನಾಗೆ ಬಲಿ, ತನಗೆ ಐಸಿಯು ಬೆಡ್ ಬೇಕೆಂದು ಟ್ವೀಟ್ ಮಾಡಿದ್ದ ಮಹಿಳೆ

ದೆಹಲಿ(ಮೇ.19): ಕೊರೋನಾಗೆ ಪಾಸಿಟಿವ್ ದೃಢಪಟ್ಟ ಒಂದು ವಾರದ ನಂತರ ತನಗಾಗಿ ಐಸಿಯು ಬೆಡ್ ಬೇಕೆಂದು ಕೇಳಿದ ಅಸಿಸ್ಟೆಂಟ್ ಪ್ರೊಫೆಸರ್ ಮೃತಪಟ್ಟ ಘಟನೆ ನಡೆದಿದೆ. ಜೆಎನ್‌ಯುವಿನ ಡಾ. ನಬೀಲಾ ಸಾದಿಕ್ ಏಪ್ರಿಲ್ 20ರ ತನಕವೂ ಸಂಶೋಧನಾ ವಿದ್ಯಾರ್ಥಿಗಳಿಗೆ ನೆರವಾಗುತ್ತಿದ್ದರು.

ಇವರ ಸಾವಿಗೂ 10 ದಿನ ಮೊದಲು ಇವರ ತಾಯಿ ಕೊರೋನಾದಿಂದ ಸಾವನ್ನಪ್ಪಿದ್ದಾರೆ. ತಂದೆಯೂ ಕೊರೋನಾದಿಂದಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ನಂತರ ಡಿಸ್ಚಾರ್ಜ್ ಆಗಿ ಹೋಂ ಕ್ವಾರೆಂಟೈನ್ ಆಗಿದ್ದರು. ನಬೀಲಾಗೆ ತಾಯಿಯ ಸಾವಿನ ಬಗ್ಗೆ ತಿಳಿದಿರಲಿಲ್ಲ, ಸಾಯುವಾಗ ತನ್ನ ಪೋಷಕರ ಆರೋಗ್ಯದ ಬಗ್ಗೆ ಚಿಂತಿಸುತ್ತಿದ್ದರು ಎನ್ನಲಾಗಿದೆ.

ಜಾಮಿಯಾದ ಎಂಎ ವಿದ್ಯಾರ್ಥಿನಿ ಲಾರೈಬ್ ನಯಾಜಿ (27), ನಾನು ಅವರ ಆರೋಗ್ಯದ ಬಗ್ಗೆ ತಿಳಿದಾಗ, ಇತರ ವಿದ್ಯಾರ್ಥಿಗಳೊಂದಿಗೆ ಅವರ ಮನೆಗೆ ಧಾವಿಸಿದೆ. ನಾವು ಬೆಡ್ ಹುಡುಕಲಾರಂಭಿಸಿದೆವು. ಅಲ್ಶಿಫಾ ಆಸ್ಪತ್ರೆಯಲ್ಲಿ ಒಂದು ಬೆಡ್ ಸಿಕ್ಕಿತು. ಅಲ್ಲಿ ಅವರಿಗೆ ಕೊರೋನಾ ಪಾಸಿಟಿವ್ ಬಂತು. ಎರಡು ನಾಲ್ಕು ವಿದ್ಯಾರ್ಥಿಗಳು ಯಾವಾಗಲೂ ಆಸ್ಪತ್ರೆಯಲ್ಲಿಯೇ ಇರುತ್ತಿದ್ದರು. ಅವರ ತಾಯಿಯನ್ನು ಸಂಜಯ್ ಗಾಂಧಿ ಆಸ್ಪತ್ರೆಗೆ ಕರೆದೊಯ್ದಿದ್ದೇವೆ ಆದರೆ ಅವರು ತೀರಿಕೊಂಡರು. ನಬಿಲಾ ಅವರಿಗೆ ಹೇಳಲಿಲ್ಲ ಎಂದಿದ್ದಾರೆ.

ಫರಿದಾಬಾದ್‌ನ ಫೋರ್ಟಿಸ್ ಆಸ್ಪತ್ರೆಯಲ್ಲಿ ಹಾಸಿಗೆ ಪಡೆಯಲು ಅವರ ಸ್ನೇಹಿತರು ಸಹಾಯ ಮಾಡಿದರು. ಆದರೂ, ಅವರ ಆಮ್ಲಜನಕದ ಮಟ್ಟವು 32% ಕ್ಕೆ ಇಳಿದಿದೆ. ಸಿಟಿ ಸ್ಕ್ಯಾನ್ ನಂತರ, ಆಕೆಯ ಶ್ವಾಸಕೋಶವು ಹಾನಿಯಾಗಿದೆ ಎಂದು ವೈದ್ಯರು ಹೇಳಿದ್ದಾರೆ.