ಇಂಡಿಗೋ 15ನೇ ವರ್ಷದ ಸಂಭ್ರಮ; ಕೇವಲ 915 ರೂಪಾಯಿಗೆ ವಿಮಾನ ಟಿಕೆಟ್ ಆಫರ್!

15ನೇ ವರ್ಷದ ಸಂಭ್ರಮದಲ್ಲಿ ಇಂಡಿಗೋ ಏರ್‌ಲೈನ್ಸ್ 915 ರೂಪಾಯಿಗಿ ವಿಮಾನ ಟಿಕೆಟ್ ಆಫರ್ ನೀಡಿದ ಇಂಡಿಗೋ ಇಂಡಿಗೋ ಆಫರ್ ಕುರಿತು ಹೆಚ್ಚಿನ ವಿವರ ಇಲ್ಲಿದೆ.

ನವದೆಹಲಿ(ಆ.04): ಇಂಡಿಗೋ ಏರ್‌ಲೈನ್ಸ್ 15ನೇ ವರ್ಷದ ಸಂಭ್ರಮದಲ್ಲಿದೆ. ಇದರ ಪ್ರಯುಕ್ತ ಪ್ರಯಾಣಿಕರಿಗೆ ಭರ್ಜರಿ ಆಫರ್ ಘೋಷಿಸಿದೆ. ಕೇವಲ 915 ರೂಪಾಯಿ ಆರಂಭಿಕ ಬೆಲೆಯಿಂದ ಟಿಕೆಟ್ ಕಾಯ್ದಿರಿಸಿಕೊಳ್ಳುವ ಅವಕಾಶ ನೀಡಿದೆ. ಈ ಆಫರ್ ಮೂಲಕ ಪ್ರಯಾಣಿಕರು ಅತೀ ಕಡಿಮೆ ಬೆಲೆಗೆ ಇಂಡಿಗೋ ಟಿಕೆಟ್ ಬುಕ್ ಮಾಡಿಕೊಳ್ಳಬಹುದು. 

ಇಂಡಿಗೋ ಘೋಷಿಸಿದ ಡಿಸ್ಕೌಂಟ್ ಆಫರ್ ಮೂಲಕ 915 ರೂಪಾಯಿ ಆರಂಭಿಕ ಬೆಲೆಯಿಂದ ಟಿಕೆಟ್ ಬುಕ್ ಮಾಡಿಕೊಳ್ಳಬಹುದು. ಆಗಸ್ಟ್ 4 ರಿಂದ 6ರ ವರೆಗೆ ಬುಕಿಂಗ್ ಅವದಿ ನೀಡಲಾಗಿದೆ. ಪ್ರಯಾಣದ ದಿನಾಂಕ ಸೆಪ್ಟೆಂಬರ್ 1, 2021 ರಿಂದ ಮಾರ್ಚ್ 26, 2022ರ ವರೆಗೆ ನೀಡಲಾಗಿದೆ. 

ಡೋಮಿಸ್ಟಿಕ್ ವಿಮಾನ ಪ್ರಯಾಣಕ್ಕೆ ಈ ಆಫರ್ ನೀಡಲಾಗಿದೆ. ಪ್ರಯಾಣಿಕರ ಪ್ರಯಾಣದ ದೂರ, ಕ್ಲಾಸ್ ಸೇರಿದಂತೆ ಹಲವು ಕಾರಣಕ್ಕೆ ಟಿಕೆಟ್ ದರದಲ್ಲಿ ವ್ಯತ್ಯಾಸವಾಗಲಿದೆ. ಆಗಸ್ಟ್ 4 ರಿಂದ 6ರ ವರೆಗೆ ಬುಕ್ ಮಾಡುವ ಡೋಮೆಸ್ಟಿಕ್ ವಿಮಾನದ ಎಲ್ಲಾ ಟಿಕೆಟ್‌ಗೂ ಈ ಡಿಸ್ಕೌಂಟ್ ಆಫರ್ ಅನ್ವಯವಾಗಲಿದೆ. 

ಇಂಡಿಗೋ ವಿಮಾನ ಟಿಕೆಟ್ ಆಫರ್ ಕುರಿತು ಇಂಡಿಗೋ ಟ್ವೀಟ್ ಮಾಡಿದೆ. ಈ ಮೂಲಕ ಪ್ರಯಾಣಿಕರಿಗೆ ಸಿಹಿ ಸುದ್ದಿ ನೀಡಿದೆ. 15ನೇ ವಾರ್ಷಿಕೋತ್ಸವ ಸೇಲ್, ಕೇವಲ 915 ರೂಪಾಯಿಗೆ ಟಿಕೆಟ್ ಎಂದು ಇಂಡಿಗೋ ಘೋಷಿಸಿದೆ. 

ಇದರ ಜೊತೆಗೆ ಇತರ ಕೆಲ ಆಫರ್‌ಗಳು ಲಭ್ಯವಿದೆ. ಏರ್‌ಲೈನ್ಸ್ ವೆಬ್‌ಸೈಟ್ ಅಥವಾ ಆ್ಯಪ್ ಮೂಲಕ ಟಿಕೆಟ್ ಬುಕ್ ಮಾಡಿದರೆ ಶೇಕಡಾ 5 ರಷ್ಟು ಕ್ಯಾಶ್ ಬ್ಯಾಕ್ ನೀಡುತ್ತಿದೆ. ಇನ್ನು HSBC ಕ್ರಿಡಿಟ್ ಕಾರ್ಡ್ ಮೂಲಕ ಟಿಕೆಟ್ ಬುಕ್ ಮಾಡಿದರೂ ಶೇಕಡಾ 5 ರಷ್ಟು ಕ್ಯಾಶ್ ಬ್ಯಾಕ್ ಸಿಗಲಿದೆ. ಆದರೆ ಈ ಆಫರ್ ಗರಿಷ್ಠ 30,000ದ ವರೆಗಿನ ಟಿಕೆಟ್ ಬುಕಿಂಗ್‌ಗೆ ಸಿಗಲಿದೆ. 30 ಸಾವಿರಕ್ಕಿಂತ ಹೆಚ್ಚಿನ ಮೌಲ್ಯದ ಟಿಕೆಟ್ ಬುಕಿಂಗ್‌ಗೆ  ಕ್ಯಾಶ್‌ಬ್ಯಾಕ್ ಆಫರ್ ಅನ್ವಯವಾಗಲ್ಲ.