ನೆನಪಿನ ಸ್ಪರ್ಧೆ: ಕೇವಲ 13.5 ಸೆಕೆಂಡ್‌, 80 ಸಂಖ್ಯೆಗಳ ನೆನಪು! ಭಾರತದ ಪುದುಚೇರಿಯ 20 ವರ್ಷದ ವಿಶ್ವ ರಾಜಕುಮಾರ್ ಚಾಂಪಿಯನ್!

ಪುದುಚೇರಿಯ ವಿಶ್ವ ರಾಜಕುಮಾರ್ ಮೆಮೊರಿ ಲೀಗ್ ವಿಶ್ವ ಚಾಂಪಿಯನ್​ಶಿಪ್​ನಲ್ಲಿ ಗೆಲುವು ಸಾಧಿಸಿದ್ದಾರೆ. 80 ಸಂಖ್ಯೆಗಳನ್ನು 13.50 ಸೆಕೆಂಡ್‌ಗಳಲ್ಲಿ ಮತ್ತು 30 ಚಿತ್ರಗಳನ್ನು 8.40 ಸೆಕೆಂಡ್‌ಗಳಲ್ಲಿ ನೆನಪಿಟ್ಟುಕೊಂಡು ಈ ಸಾಧನೆ ಮಾಡಿದ್ದಾರೆ.

ನವದೆಹಲಿ (ಫೆ.22): ಪುದುಚೇರಿಯ ವಿಶ್ವ ರಾಜಕುಮಾರ್ ಎಂಬ 20 ವರ್ಷದ ಭಾರತೀಯ ವಿದ್ಯಾರ್ಥಿ ಮೆಮೊರಿ ಲೀಗ್​ ವಿಶ್ವ ಚಾಂಪಿಯನ್​​ಶಿಪ್​ ಜಯಿಸಿದ್ದು 5,000 ಅಂಕಗಳೊಂದಿಗೆ ಪ್ರಥಮ ಸ್ಥಾನ ಪಡೆದಿದ್ದಾರೆ.

ಅವರ ಲಿಂಕ್ಡ್‌ಇನ್ ಪ್ರೊಫೈಲ್ ಪ್ರಕಾರ, ಅವರು ಪುದುಚೇರಿ ಮೂಲದ ಮಣಕುಲ ವಿನಾಯಕರ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ವಿದ್ಯಾರ್ಥಿಯಾಗಿದ್ದಾರೆ. ಈ ಸಾಧನೆ ಮೂಲಕ ಯುವಪೀಳಿಗೆಗೆ ಸ್ಫೂರ್ತಿಯಾಗಿದ್ದಾರೆ.
ವಿಶ್ವ ರಾಜಕುಮಾರ್ 13.50 ಸೆಕೆಂಡ್‌ಗಳಲ್ಲಿ 80 ಸಂಖ್ಯೆಗಳನ್ನು ಮತ್ತು 8.40 ಸೆಕೆಂಡ್‌ಗಳಲ್ಲಿ 30 ಚಿತ್ರಗಳನ್ನು ನೆನಪಿಸಿಕೊಂಡು ಹೇಳುವ ಮೂಲಕ ಈ ಸಾಧನೆಗೈದಿದ್ದಾರೆ.

ಏನಿದು ಸ್ಪರ್ಧೆ?:ಮೆಮೊರಿ ಲೀಗ್​​ ವಿಶ್ವ ಚಾಂಪಿಯನ್​ ಆನ್‌ಲೈನ್‌ನಲ್ಲಿ ನಡೆದಿದ್ದು, ಪರಸ್ಪರ ಇಬ್ಬರ ನಡುವೆ ಸ್ಪರ್ಧೆ ನಡೆಯುತ್ತದೆ. ಸ್ಪರ್ಧಾಳುಗಳಿಗೆ ಹಲವು ವಿಚಾರಗಳನ್ನು ನೆನಪಿಸಿಕೊಳ್ಳುವ ಸವಾಲುಗಳನ್ನು ನೀಡಲಾಗುತ್ತದೆ.

ಇದನ್ನೂ ಓದಿ: ವಿಶ್ವ ಚೆಸ್ ಚಾಂಪಿಯನ್ ಡಿ ಗುಕೇಶ್ ಗಳಿಕೆ ಅಮೆರಿಕಾ ಅಧ್ಯಕ್ಷರಿಗಿಂತ ಡಬಲ್!

ಸ್ಕ್ರೀನ್​ನಲ್ಲಿ 80 ಸಂಖ್ಯೆಗಳನ್ನು ಯಾದೃಚ್ಛಿಕ (ರ್‍ಯಾಂಡಂ) ಕ್ರಮದಲ್ಲಿ ಬರೆದು ನಿಗದಿತ ಸೆಕೆಂಡ್‌ಗಳಲ್ಲಿ ಥಟ್ಟನೆ ಮಾಯ ಮಾಡಲಾಗುತ್ತದೆ. ಸ್ಪರ್ಧಿಗಳಿಗೆ ಸ್ಕ್ರೀನ್​ನಲ್ಲಿ ಮೂಡಿದ ಸಂಖ್ಯೆಗಳನ್ನು ಅದೇ ಕ್ರಮದಲ್ಲಿ ತಪ್ಪಿಲ್ಲದೆ ಹೇಳುವ ಸವಾಲು ನೀಡಲಾಗುತ್ತದೆ. ಇದೇ ರೀತಿ ಚಿತ್ರಗಳನ್ನೂ ನೀಡಲಾಗುತ್ತದೆ. ಯಾವ ಸ್ಪರ್ಧಿ ಎಷ್ಟು ಕಡಿಮೆ ಸಮಯದಲ್ಲಿ ಸ್ಕ್ರೀನ್​ನಲ್ಲಿ ನೋಡಿದ್ದನ್ನು ಸರಿಯಾಗಿ ನೆನಪಿಟ್ಟುಕೊಂಡು ಹೇಳುತ್ತಾನೆ ಎಂಬುದರ ಮೇಲೆ ಗೆಲುವು ನಿರ್ಧಾರವಾಗುತ್ತದೆ