ಶೀಘ್ರದಲ್ಲೇ ಡ್ರೈವಿಂಗ್‌ ಲೈಸೆನ್ಸ್‌ಗೆ ನೆಗೆಟಿವ್‌ ಪಾಯಿಂಟ್ಸ್‌, 3 ವರ್ಷದಲ್ಲಿ ಇಷ್ಟು ಪಾಯಿಂಟ್‌ ಆದ್ರೆ ಲೈಸೆನ್ಸ್‌ ಕ್ಯಾನ್ಸಲ್‌!

ರಸ್ತೆ ಸುರಕ್ಷತೆ ಹೆಚ್ಚಿಸಲು ಸಾರಿಗೆ ಸಚಿವಾಲಯ ಚಾಲನಾ ಪರವಾನಗಿಗೆ ನೆಗೆಟಿವ್‌ ಪಾಯಿಂಟ್ಸ್‌ ವ್ಯವಸ್ಥೆ ಜಾರಿಗೆ ತರಲಿದೆ. ಸಂಚಾರ ನಿಯಮ ಉಲ್ಲಂಘಿಸುವವರಿಗೆ ನೆಗೆಟಿವ್‌ ಪಾಯಿಂಟ್ಸ್‌ ನೀಡಲಾಗುತ್ತದೆ. ನಿಗದಿತ ಮಿತಿ ಮೀರಿದರೆ ಪರವಾನಗಿ ಅಮಾನತು ಅಥವಾ ರದ್ದತಿಯಾಗುತ್ತದೆ. ಉತ್ತಮ ಚಾಲನೆಗೆ ಮೆರಿಟ್‌ ಪಾಯಿಂಟ್ಸ್‌ ಸಿಗಲಿದೆ. ಪರವಾನಗಿ ನವೀಕರಣಕ್ಕೂ ಕಠಿಣ ನಿಯಮಗಳಿವೆ. ಬಾಕಿ ಇ-ಚಲನ್‌ಗಳನ್ನು ಪಾವತಿಸದಿದ್ದರೆ ಪರವಾನಗಿ ಅಮಾನತುಗೊಳ್ಳಲಿದೆ.

ನವದೆಹಲಿ (ಮೇ.5): ರಸ್ತೆ ಸುರಕ್ಷತೆಯನ್ನು ಹೆಚ್ಚಿಸುವ ಮತ್ತು ಸಂಚಾರ ಉಲ್ಲಂಘನೆಗಳನ್ನು ತಡೆಯುವ ಮಹತ್ವದ ಕ್ರಮದಲ್ಲಿ, ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ (MoRTH) ಡ್ರೈವಿಂಗ್‌ ಲೈಸೆನ್ಸ್‌ಗಳಿಗೆ (DLs) ನೆಗೆಟಿವ್‌ ಪಾಯಿಂಟ್ಸ್‌ ವ್ಯವಸ್ಥೆಯನ್ನು ಪರಿಚಯಿಸಲು ಯೋಜಿಸಿದೆ.  ಈ ಉಪಕ್ರಮವು ವೇಗದ ಚಾಲನೆ, ಸಿಗ್ನಲ್‌ ಜಂಪ್‌ ಮತ್ತು ಅಜಾಗರೂಕ ಚಾಲನೆಯಂತಹ ಅಪರಾಧಗಳಿಗೆ ಚಾಲಕರಿಗೆ ಅವರ ಪರವಾನಗಿಗಳಿಗೆ ನೆಗೆಟಿವ್‌ ಪಾಯಿಂಟ್ಸ್‌ ನೀಡುವ ಮೂಲಕ ದಂಡ ವಿಧಿಸುತ್ತದೆ. ನಿರ್ದಿಷ್ಟಪಡಿಸಲಾದ ಮಿತಿನ್ನು ಮೀರಿ ನೆಗೆಟವಿವ್‌ ಅಂಕ ಸಂಗ್ರಹವಾದಲ್ಲಿ ಲೈಸೆನ್ಸ್‌ ಅಮಾನತು ಅಥವಾ ರದ್ದತಿಗೆ ಕಾರಣವಾಗಲಿದೆ.

ಹೇಗೆ ಸಿಗಲಿದೆ ನೆಗೆಟಿವ್‌ ಪಾಯಿಂಟ್ಸ್‌:

ಪ್ರಸ್ತಾವಿತ ಡಿಮೆರಿಟ್ ಮತ್ತು ಮೆರಿಟ್ ವ್ಯವಸ್ಥೆಯಡಿಯಲ್ಲಿ, ಡ್ರೈವರ್‌ಗಳು ಉಲ್ಲಂಘನೆಗಳಿಗೆ ನೆಗೆಟಿವ್‌ ಪಾಯಿಂಟ್ಸ್‌ ಪಡೆಯುತ್ತಾರೆ. ಉತ್ತಮ ಚಾಲನಾ ನಡವಳಿಕೆಗೆ ಸಕಾರಾತ್ಮಕ ಮೆರಿಟ್ ಅಂಕಗಳನ್ನು ನೀಡಬಹುದು. 2011 ರ ತಜ್ಞರ ಸಮಿತಿಯು ಚಾಲಕ ಮೂರು ವರ್ಷಗಳಲ್ಲಿ 12 ಅಂಕಗಳನ್ನು ಗಳಿಸಿದರೆ ಒಂದು ವರ್ಷದವರೆಗೆ ಪರವಾನಗಿಗಳನ್ನು ಅಮಾನತುಗೊಳಿಸಲು ಶಿಫಾರಸು ಮಾಡಿತ್ತು ಮತ್ತು ಪುನರಾವರ್ತಿತ ಅಪರಾಧಿಗಳು ಐದು ವರ್ಷಗಳವರೆಗೆ ರದ್ದತಿಯನ್ನು ಎದುರಿಸಬೇಕಾಗುತ್ತದೆ. ಹೊಸ ವ್ಯವಸ್ಥೆಗೆ ನಿಖರವಾದ ಮಿತಿಯನ್ನು ಇನ್ನೂ ಅಂತಿಮಗೊಳಿಸಲಾಗಿಲ್ಲವಾದರೂ, ಈ ಬದಲಾವಣೆಗಳನ್ನು ಸಂಯೋಜಿಸಲು ಸಚಿವಾಲಯವು ಮೋಟಾರು ವಾಹನ ಕಾಯ್ದೆಗೆ ತಿದ್ದುಪಡಿಗಳನ್ನು ಸಿದ್ಧಪಡಿಸುತ್ತಿದೆ.

ಡಿಎಲ್‌ ರಿನಿವಲ್‌ ಮೇಲೆಯೂ ಪರಿಣಾಮ: 

ಈ ಪರಿಷ್ಕರಣೆಯು ಕಠಿಣ ನವೀಕರಣ ನೀತಿಗಳನ್ನು ಸಹ ಒಳಗೊಂಡಿದೆ. ಸಂಚಾರ ಉಲ್ಲಂಘನೆಯ ಇತಿಹಾಸ ಹೊಂದಿರುವ ಚಾಲಕರು ತಮ್ಮ ಲೈಸೆನ್ಸ್‌ಅನ್ನು ನವೀಕರಿಸುವಾಗ ಚಾಲನಾ ಪರೀಕ್ಷೆಯನ್ನು ಪುನಃ ತೆಗೆದುಕೊಳ್ಳಬೇಕಾಗುತ್ತದೆ, ಈ ಹಿಂದೆ ಸರಿಯಾದ ಟೈಮ್‌ನಲ್ಲಿ ರಿನಿವಲ್‌ ಮಾಡಿದ್ದಲ್ಲಿ, ಈ ಅವಶ್ಯಕತೆಯಿಂದ ವಿನಾಯಿತಿ ನೀಡಲಾಗಿತ್ತು. ಹೆಚ್ಚುವರಿಯಾಗಿ, ಕಡಿಮೆ-ಶಕ್ತಿಯ ವಿದ್ಯುತ್ ವಾಹನಗಳಿಗೆ (1,500 ವ್ಯಾಟ್‌ಗಳು ಮತ್ತು 25 ಕಿ.ಮೀ.ಗಿಂತ ಕಡಿಮೆ) ಕಲಿಕಾ ಪರವಾನಗಿಗಳನ್ನು ಕಡ್ಡಾಯಗೊಳಿಸಲು ಮತ್ತು ಉತ್ತಮ ತಯಾರಿ ಹೊಂದಿರುವ ಚಾಲಕರನ್ನು ಖಚಿತಪಡಿಸಿಕೊಳ್ಳಲು ಕಲಿಕಾ ಪರವಾನಗಿಗಳಿಗೆ ಶ್ರೇಣೀಕೃತ ಅರ್ಹತೆಯನ್ನು ಪರಿಚಯಿಸಲು ಸಚಿವಾಲಯ ಯೋಜಿಸಿದೆ.

ಸಚಿವಾಲಯವು ಅನ್‌ಪೇಯ್ಡ್‌ ಆಗಿರುವ ಇ-ಚಲನ್‌ಗಳನ್ನು ಸಹ ಪರಿಹರಿಸುತ್ತಿದೆ, ಪ್ರಸ್ತುತ ದಂಡದ ಶೇಕಡಾ 40 ರಷ್ಟು ಮಾತ್ರ ವಸೂಲಿ ಮಾಡಲಾಗುತ್ತಿದೆ. ಪ್ರಸ್ತಾವಿತ ಕ್ರಮದಲ್ಲಿ ಇ-ಚಲನ್‌ಗಳು ಮೂರು ತಿಂಗಳಿಗಿಂತ ಹೆಚ್ಚು ಕಾಲ ಪಾವತಿಸದಿದ್ದರೆ ಮೂರು ತಿಂಗಳವರೆಗೆ ಪರವಾನಗಿಗಳನ್ನು ಅಮಾನತುಗೊಳಿಸುವುದು ಮತ್ತು ಜಾರಿಗೊಳಿಸುವಿಕೆಯನ್ನು ಮತ್ತಷ್ಟು ಬಿಗಿಗೊಳಿಸುವುದು ಸೇರಿದೆ.

ಈ ರೀತಿಯ ವಿಧಾನ ಜಗತ್ತಿನ ಬೇರೆಲ್ಲಿಯಾದರೂ ಇದೆಯೇ?

ಆಸ್ಟ್ರೇಲಿಯಾ, ಯುಕೆ, ಜರ್ಮನಿ, ಬ್ರೆಜಿಲ್, ಫ್ರಾನ್ಸ್ ಮತ್ತು ಕೆನಡಾದಂತಹ ದೇಶಗಳಲ್ಲಿನ ಇದೇ ರೀತಿಯ ನಿಯಮಗಳಿರುವ ನೆಗೆಟಿವ್‌ ಪಾಯಿಂಟ್‌ ವ್ಯವಸ್ಥೆ ಇದೆ. ರಸ್ತೆ ಅಪಘಾತಗಳ ನಿರಂತರ ಸಮಸ್ಯೆಯನ್ನು ಪರಿಹರಿಸುವ ಗುರಿಯನ್ನು ಹೊಂದಿದೆ. ಈ ವ್ಯವಸ್ಥೆಯು ಅಸ್ತಿತ್ವದಲ್ಲಿರುವ ದಂಡಗಳ ಜೊತೆಗೆ ಕಾರ್ಯನಿರ್ವಹಿಸುತ್ತದೆ.