* ಕೊರೋನಾದಿಂದ ಅನಾಥರಾದ ಮಕ್ಕಳ ಪುನರ್ವಸತಿಗೆ ಕೇಂದ್ರದ ನಿಯಮ
* ನೇರವಾಗಿ ಯಾರೂ ದತ್ತು ಪಡೆಯಕೂಡದು
* ಮಕ್ಕಳನ್ನು ಮರುವಸತಿ ಕೇಂದ್ರಕ್ಕೆ ದಾಖಲಿಸಬೇಕು
* ದತ್ತು ಪಡೆಯಲು ಇಚ್ಛಿಸಿದಲ್ಲಿ ಸರ್ಕಾರವನ್ನು ಸಂಪರ್ಕಿಸಬೇಕು
ನವದೆಹಲಿ(ಮೇ.18): ಕೊರೋನಾದಿಂದ ತಮ್ಮ ತಂದೆ ತಾಯಂದಿರನ್ನು ಕಳೆದುಕೊಂಡು ಅನಾಥರಾಗಿರುವ ಮಕ್ಕಳ ಪುನರ್ವಸತಿಗೆ ಕೇಂದ್ರ ಮಹಿಳಾ ಹಾಗೂ ಮಕ್ಕಳ ಕಲ್ಯಾಣ ಸಚಿವಾಲಯ ನಿಯಮಗಳನ್ನು ರೂಪಿಸಿದೆ. ಇತ್ತೀಚೆಗೆ ಕೊರೋನಾದಿಂದ ತಂದೆ-ತಾಯಿಯರನ್ನು ಕಳೆದುಕೊಂಡು ಅನಾಥರಾಗಇರುವ ಮಕ್ಕಳನ್ನು ದತ್ತು ತೆಗೆದುಕೊಳ್ಳಿ ಎಂಬ ಸಂದೇಶಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿವೆ. ಆದರೆ ಈ ರೀತಿ ನೇರವಾಗಿ ದತ್ತು ನೀಡಿಕೆ/ಪಡೆಯುವಿಕೆಯು ನಿಯಮಗಳಿಗೆ ವಿರುದ್ಧವಾದುದು. ಹೀಗಾಗಿ ಇಂಥದ್ದಕ್ಕೆ ಪ್ರೋತ್ಸಾಹ ನೀಡದೇ ಮಕ್ಕಳನ್ನು ಕಾನೂನುಬದ್ಧವಾಗಿ ಪುನರ್ವಸತಿ ಕೇಂದ್ರಕ್ಕೆ ಸೇರಿಸಬೇಕು ಎಂದು ಸಚಿವಾಲಯ ಸೂಚಿಸಿದೆ.
- ಮಕ್ಕಳು ಅನಾಥರಾಗಿದ್ದು ಗೊತ್ತಾದ ಕೂಡಲೇ ಚೈಲ್ಡ್‌ಲೈನ್‌ ಸಹಾಯವಾಣಿ 1098ಗೆ ಕರೆ ಮಾಡಬೇಕು.
undefined
- ಚೈಲ್ಡ್‌ಲೈನ್‌ ಸಹಾಯವಾಣಿಯವರು 24 ತಾಸಿನೊಳಗೆ ಮಕ್ಕಳನ್ನು ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿ ಮುಂದೆ ಹಾಜರುಪಡಿಸಬೇಕು.
- ಅಥವಾ ಸಂಬಂಧಿಸಿದವರೇ, ಮಕ್ಕಳು ತಬ್ಬಲಿಯಾದ 24 ತಾಸಿನೊಳಗೆ ಮಕ್ಕಳ ಕಲ್ಯಾಣ ಸಮಿತಿ ಮುಂದೆ ನೇರವಾಗಿ ಹಾಜರುಪಡಿಸಬಹುದು.
- ಸಮಿತಿಯು ಮಕ್ಕಳನ್ನು ಸಾಂಸ್ಥಿಕ ಅಥವಾ ಅಸಾಂಸ್ಥಿಕ ಶಿಶುಪಾಲನಾ ಕೇಂದ್ರಕ್ಕೆ ಕಳಿಸಬೇಕು ಅಥವಾ ಸಂಬಂಧಿಸಿದ ಶಿಶುಪಾಲಕರಿಗೆ ಕಳಿಸಬಹುದು.
- ಶಿಶುಪಾಲನಾ ಕೇಂದ್ರಕ್ಕೆ ದಾಖಲು ಬಳಿಕ ಮಕ್ಕಳ ಯೋಗಕ್ಷೇಮವನ್ನು ಮಕ್ಕಳ ಕಲ್ಯಾಣ ಸಮಿತಿಯು ಕಾಲಕಾಲಕ್ಕೆ ವಿಚಾರಿಸುತ್ತಿರಬೇಕು.
- ಖುದ್ದು ಯೋಗಕ್ಷೇಮ ವಿಚಾರಣೆ ಸಾಧ್ಯವಾಗದಿದ್ದರೆ ವಿಡಿಯೋ ಸಂವಾದದ ಮೂಲಕ ಯೋಗಕ್ಷೇಮ ವಿಚಾರಿಸ ಬೇಕು
- ಕಾನೂನು ಪ್ರಕಾರ ದತ್ತು ಪಡೆಯಲು ಯಾರಾದರೂ ಇಚ್ಛಿಸಿದ್ದಲ್ಲಿ ಕೇಂದ್ರೀಯ ದತ್ತು ಸಂಪನ್ಮೂಲ ಪ್ರಾಧಿಕಾರದ ವೆಬ್‌ಸೈಟ್‌ (cara.nic.in) ಸಂಪರ್ಕಿಸಬಹುದು.
ಸೂಚನೆ: ಕೊರೋನಾ ಮಹಾಮಾರಿ ಎಲ್ಲೆಡೆ ಹರಡುತ್ತಿದೆ. ಹೀಗಿರುವಾಗ ಎಲ್ಲರೂ ತಪ್ಪದೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಲಸಿಕೆ ಪಡೆಯಿರಿ ಎಂಬುವುದು ಏಷ್ಯಾನೆಟ್‌ ನ್ಯೂಸ್‌ ಕಳಕಳಿಯ ವಿನಂತಿ. ಒಗ್ಗಟ್ಟಿನಿಂದ ನಾವು ಈ ಕೊರೋನಾ ಸರಪಳಿ ಮುರಿಯೋಣ #ANCares #IndiaFightsCorona