ದೆಹಲಿ(ಏ.29): ತೀರ ಗಂಭೀರವಲ್ಲದ, ಲಕ್ಷಣರಹಿತ COVID-19 ಪ್ರಕರಣಗಳನ್ನು ಮನೆಯಲ್ಲಿ ಪ್ರತ್ಯೇಕಿಸಲು ಸರ್ಕಾರವು ಮಾರ್ಗಸೂಚಿಗಳನ್ನು ಪರಿಷ್ಕರಿಸಿದೆ. ಈ ಮಾರ್ಗಸೂಚಿಗಳು ಜುಲೈ 2, 2020 ರಂದು ಹೊರಡಿಸಲಾದ ಮಾರ್ಗಸೂಚಿಗಳಿಗಿಂತ ಭಿನ್ನವಾಗಿದೆ.
ರೋಗಲಕ್ಷಣಗಳಿಲ್ಲದ ಪ್ರಕರಣಗಳಲ್ಲಿ ಕೊರೋನಾ ಪರೀಕ್ಷೆ ಮಾಡಿದಾಗ ಪಾಸಿಟಿವ್ ಬರುತ್ತದೆ. ಆದರೆ ಯಾವುದೇ ರೋಗಲಕ್ಷಣಗಳಿರುವುದಿಲ್ಲ. ಅವರ ಕೊಠಡಿಯಲ್ಲಿ ಇರುವ ಆಮ್ಲಜನಕದ ಶುದ್ಧತೆ ಶೇಕಡಾ 94 ಕ್ಕಿಂತ ಹೆಚ್ಚಿರುತ್ತದೆ ಎಂದು ಕೇಂದ್ರ ಸ್ಪಷ್ಟಪಡಿಸಿದೆ. ಕೊರೋನಾ ಗಂಭೀರದವಲ್ಲದ ಪ್ರಕರಣಗಳಲ್ಲಿ ಜ್ವರ, ಉಸಿರಾಟದ ತೊಂದರೆ ಇಲ್ಲದೆ, ಶೇಕಡಾ 94 ಕ್ಕಿಂತ ಹೆಚ್ಚು ಆಮ್ಲಜನಕದ ಶುದ್ಧತ್ವವನ್ನು ಹೊಂದಿರುತ್ತವೆ.
undefined
ರಾಜ್ಯದಲ್ಲಿ 18 ವರ್ಷ ಮೇಲ್ಪಟ್ಟವರಿಗೆ ಮೇ.01ರಿಂದ ಲಸಿಕೆ ಸಿಗೋದು ಡೌಟ್; ಪೂರೈಕೆ ಕಷ್ಟ ಎಂದ ಕಂಪನಿ!
ಕಳೆದ 24 ಗಂಟೆಗಳಲ್ಲಿ ಭಾರತವು ಸುಮಾರು 3.8 ಲಕ್ಷ ಕರೋನವೈರಸ್ ಪ್ರಕರಣಗಳು ಮತ್ತು 3,645 ಸಾವುಗಳನ್ನು ದಾಖಲಿಸಿದ ಹಿನ್ನೆಲೆಯಲ್ಲಿ ಈಗ ಮಾರ್ಗಸೂಚಿಗಳ ಪರಿಷ್ಕರಣೆ ಮಾಡಲಾಗಿದೆ. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಹೊರಡಿಸಿದ ಪರಿಷ್ಕೃತ ಮಾರ್ಗಸೂಚಿಗಳು ಇಲ್ಲಿವೆ:
ಮನೆಯಲ್ಲೇ ಐಸೋಲೇಟ್ ಆಗಬಹುದಾದ ರೋಗಿಗಳಿಗೆ ಮಾನದಂಡ:
- ರೋಗಿಗೆ ಚಿಕಿತ್ಸೆ ನೀಡಿದ ವೈದ್ಯರು ರೋಗಿಗೆ ಕೊರೋನಾ ಗಂಭೀರ ಸ್ಥಿತಿಯಲ್ಲ ಎಂದು ಪ್ರಮಾಣಿಸಬೇಕು.
- ಇಂತಹ ಪ್ರಕರಣಗಳಲ್ಲಿಸ್ವಯಂ ಕ್ವಾರೆಂಟೈನ್ ಆಗಲು ಮತ್ತು ಕುಟುಂಬವನ್ನು ಪ್ರತ್ಯೇಕಿಸಲು ಸೋಂಕಿತರ ಮನೆಯಲ್ಲಿ ಅಗತ್ಯವಾದ ಸೌಲಭ್ಯವನ್ನು ಹೊಂದಿರಬೇಕು.
- ದಿನಪೂರ್ತಿ ಅವರಿಗೆ ಆರೈಕೆ ನೀಡುವವರು ಲಭ್ಯವಿರಬೇಕು. ಆರೈಕೆದಾರ ಮತ್ತು ಆಸ್ಪತ್ರೆಯ ನಡುವಿನ ಸಂವಹನ ಸಂಪರ್ಕವು
- ನಿರಂತರವಾಗಿರಬೇಕು.
- 60 ವರ್ಷಕ್ಕಿಂತ ಹೆಚ್ಚು ವಯಸ್ಸಿನ ವಯಸ್ಸಾದ ರೋಗಿಗಳು ಮತ್ತು ಅಧಿಕ ರಕ್ತದೊತ್ತಡ, ಮಧುಮೇಹ, ಹೃದ್ರೋಗ, ದೀರ್ಘಕಾಲದ ಶ್ವಾಸಕೋಶ / ಯಕೃತ್ತು / ಮೂತ್ರಪಿಂಡ ಕಾಯಿಲೆ, ಸೆರೆಬ್ರೊ-ನಾಳೀಯ ಕಾಯಿಲೆ ಮುಂತಾದ ಅಸ್ವಸ್ಥ ಸ್ಥಿತಿಯಲ್ಲಿರುವರಿಗೆ ಸರಿಯಾದ ಪರಿಶೀಲನೆ ನಂತರ ಮಾತ್ರ ವೈದ್ಯಕೀಯ ಅಧಿಕಾರಿ ಹೋಂ ಐಸೊಲೇಷನ್ ಅನುಮತಿಸಬಹುದು.
- ಎಚ್‌ಐವಿ, ಕಸಿ ಸ್ವೀಕರಿಸುವವರು, ಕ್ಯಾನ್ಸರ್ ಚಿಕಿತ್ಸೆ ಇತ್ಯಾದಿ ರೋಗವಿದ್ದು ಕೊರೋನಾ ಸೋಂಕಿತರಾದರೆ ಅವರಿಗೆ ಹೋಂ ಐಸೋಲೆಷನ್ ಒಳ್ಳೆಯದಲ್ಲ. ಆದರೆ ಅವರಿಗೆ ಚಿಕಿತ್ಸೆ ನೀಡುವ ವೈದ್ಯಕೀಯ ಅಧಿಕಾರಿಯಿಂದ ಸರಿಯಾದ ಪರಶೀಲನೆಯಾದರೆ ನಂತರ ಅನಮತಿಸಿದರೆ ಹೋಂ ಐಸೊಲೇಷನ್ ಇರಬಹುದು.
- ಆರೈಕೆ ನೀಡುವವರು ಮತ್ತು ಅಂತಹ ಪ್ರಕರಣಗಳ ಎಲ್ಲಾ ನಿಕಟ ಸಂಪರ್ಕದಲ್ಲಿರುವವರು ಪ್ರೋಟೋಕಾಲ್ ಪ್ರಕಾರ ಮತ್ತು ಚಿಕಿತ್ಸೆ ನೀಡುವ ವೈದ್ಯಕೀಯ ಅಧಿಕಾರಿಯ ಸೂಚನೆಯಂತೆ ಹೈಡ್ರಾಕ್ಸಿಕ್ಲೋರೋಕ್ವಿನ್ ರೋಗನಿರೋಧಕವನ್ನು ತೆಗೆದುಕೊಳ್ಳಬೇಕು.
- ಹೆಚ್ಚುವರಿಯಾಗಿ ಇರುವ ಇತರ ಸದಸ್ಯರಿಗೆ ಹೋಂ ಕ್ವಾರೆಂಟೈನ್ ಮಾರ್ಗಸೂಚಿಗಳನ್ನು ಇಲ್ಲಿ ನೋಡಬಹುದು. https://www.mohfw.gov.in/pdf/Guidelinesforhomequarantine.pdf
ರೋಗಿಗಳಿಗೆ ಸೂಚನೆಗಳು ಹೀಗಿವೆ:
- ರೋಗಿಯು ಇತರ ಮನೆಯ ಸದಸ್ಯರಿಂದ ತನ್ನನ್ನು ಪ್ರತ್ಯೇಕಿಸಿಕೊಳ್ಳಬೇಕು, ನಿಗದಿತ ಕೋಣೆಯಲ್ಲಿ ಇರಬೇಕು. ಮನೆಯಲ್ಲಿರುವ ಇತರ ಜನರಿಂದ ದೂರವಿರಬೇಕು, ವಿಶೇಷವಾಗಿ ವಯಸ್ಸಾದವರು ಮತ್ತು ಅಧಿಕ ರಕ್ತದೊತ್ತಡ, ಹೃದಯ ಸಂಬಂಧಿ ಕಾಯಿಲೆ, ಮೂತ್ರಪಿಂಡ ಕಾಯಿಲೆ ಇತ್ಯಾದಿ ಅಸ್ವಸ್ಥ ಸ್ಥಿತಿ ಇರುವವರಿಂದ ದೂರವಿರಬೇಕು.
- ರೋಗಿ ಇರುವ ಕೋಣೆಯಲ್ಲಿ ಚೆನ್ನಾಗಿ ಗಾಳಿ ಇರಬೇಕು. ತಾಜಾ ಗಾಳಿ ಬರಲು ಕಿಟಕಿಗಳನ್ನು ತೆರೆದಿಡಬೇಕು.
- ರೋಗಿಯು ಎಲ್ಲಾ ಸಮಯದಲ್ಲೂ ಟ್ರಿಪಲ್ ಲೇಯರ್ ಮೆಡಿಕಲ್ ಮಾಸ್ಕ್ ಬಳಸಬೇಕು. 8 ಗಂಟೆಗಳ ಬಳಕೆಯ ನಂತರ ಅಥವಾ ಮುಂಚೆಯೇ ಅವು ಒದ್ದೆಯಾಗಿದ್ದರೆ ಅಥವಾ ಕೊಳೆಯಾದರೆ ಮುಖವಾಡವನ್ನು ಬದಲಿಸಬೇಕು. ಆರೈಕೆ ನೀಡುವವರು ಕೋಣೆಗೆ ಪ್ರವೇಶಿಸುವ ಸಂದರ್ಭದಲ್ಲಿ, ಆರೈಕೆ ನೀಡುವವರು ಮತ್ತು ರೋಗಿಗಳು ಎನ್ 95 ಮಾಸ್ಕ್ ಬಳಸುವುದನ್ನು ಅಗತ್ಯ
- ಮಾಸ್ಕ್ ಅನ್ನು 1% ಸೋಡಿಯಂ ಹೈಪೋಕ್ಲೋರೈಟ್ನೊಂದಿಗೆ ಸೋಂಕುರಹಿತಗೊಳಿಸಿದ ನಂತರ ಮಾತ್ರ ಎಸೆಯಬಹುದು.
- ರೋಗಿ ವಿಶ್ರಾಂತಿ ತೆಗೆದುಕೊಳ್ಳಬೇಕು ಮತ್ತು ಸಾಕಷ್ಟು ನೀರು ಕುಡಿಯಬೇಕು
- ಎಲ್ಲಾ ಸಮಯದಲ್ಲೂ ಉಸಿರಾಟದ ಶಿಷ್ಟಾಚಾರಗಳನ್ನು ಅನುಸರಿಸಿ.
- ಕನಿಷ್ಠ 40 ಸೆಕೆಂಡುಗಳ ಕಾಲ ಸಾಬೂನು ಮತ್ತು ನೀರಿನಿಂದ ಕೈ ತೊಳೆಯುವುದು ಅಥವಾ ಆಲ್ಕೋಹಾಲ್ ಆಧಾರಿತ ಸ್ಯಾನಿಟೈಜರ್‌ನಿಂದ ಕೈಗಳನ್ನು ಸ್ವಚ್ಛ ಗೊಳಿಸುಬೇಕು.
- ಮನೆಯ ಇತರ ಜನರೊಂದಿಗೆ ವೈಯಕ್ತಿಕ ವಸ್ತುಗಳನ್ನು ಹಂಚಿಕೊಳ್ಳಬಾರದು.
- 1% ಹೈಪೋಕ್ಲೋರೈಟ್ ದ್ರಾವಣದೊಂದಿಗೆ ಆಗಾಗ ಸ್ಪರ್ಶಿಸುವ ವಸ್ತು, ಫರ್ನೀಚನರ್ ಮೇಲ್ಮೈಗಳನ್ನು ಸ್ವಚ್ಛ ಮಾಡಬೇಕು.
- ನಾಡಿ ಆಕ್ಸಿಮೀಟರ್ನೊಂದಿಗೆ ರಕ್ತದ ಆಮ್ಲಜನಕದ ಶುದ್ಧತ್ವವನ್ನು ಪರಿಶೀಲಿಸುತ್ತಿರಬೇಕು
- ರೋಗಿಯು ಆರೋಗ್ಯವನ್ನು ಗಮನಿಸುತ್ತಿದ್ದು ಅಗತ್ಯ ಬಂದಾಗ ವೈದ್ಯರನ್ನು ಸಂಪರ್ಕಿಸಬೇಕು
ಯಾವಾಗ ವೈದ್ಯಕೀಯ ಚಿಕಿತ್ಸೆ ಪಡೆಯಬೇಕು:
ರೋಗಿಯಲ್ಲಿ ಗಂಭೀರ ಲಕ್ಷಣಗಳು ಕಂಡುಬಂದರೆ ತಕ್ಷಣ ವೈದ್ಯಕೀಯ ಚಿಕಿತ್ಸೆ ಪಡೆಯಬೇಕು. ಆ ಲಕ್ಷಣ ಹೀಗಿರಬಹುದು:
- ಉಸಿರಾಟದ ತೊಂದರೆ
- ಆಮ್ಲಜನಕದ ಶುದ್ಧತ್ವ ಏ.94ಕ್ಕಿಂತ ಕಡಿಮೆ
- ಎದೆಯಲ್ಲಿ ನಿರಂತರ ನೋವು / ಒತ್ತಡ
- ಮಾನಸಿಕ ಗೊಂದಲ ಅಥವಾ ಎಚ್ಚರಗೊಳ್ಳಲು ಸಾಧ್ಯವಾಗದಿರುವುದು.
ಸೂಚನೆ: ಕೊರೋನಾ ಮಹಾಮಾರಿ ಎಲ್ಲೆಡೆ ಹರಡುತ್ತಿದೆ. ಹೀಗಿರುವಾಗ ಎಲ್ಲರೂ ತಪ್ಪದೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಲಸಿಕೆ ಪಡೆಯಿರಿ ಎಂಬುವುದು ಏಷ್ಯಾನೆಟ್ ನ್ಯೂಸ್ ಕಳಕಳಿಯ ವಿನಂತಿ. ಒಗ್ಗಟ್ಟಿನಿಂದ ನಾವು ಈ ಕೊರೋನಾ ಸರಪಳಿ ಮುರಿಯೋಣ #ANCares #IndiaFightsCorona