26 ಬೆರಳುಗಳಿರುವ ಹೆಣ್ಣು ಮಗು ಜನನ: ಲಕ್ಷ್ಮಿಯ ಪ್ರತಿರೂಪವೆಂದ ಕುಟುಂಬ

26 ಬೆರಳುಗಳನ್ನು ಹೊಂದಿರುವ ಹೆಣ್ಣು ಮಗುವೊಂದು ರಾಜಸ್ಥಾನದಲ್ಲಿ ಜನಿಸಿದ್ದು, ಮಗುವಿನ ಕುಟುಂಬದವು ಆಕೆ ದೇವಿಯ ಪ್ರತೀಕವೆಂದು ನಂಬಿದ್ದಾರೆ.  ರಾಜಸ್ಥಾನದ ಡೀಗ್‌ ಜಿಲ್ಲೆಯಲ್ಲಿ ಈ ರೀತಿ 26 ಬೆರಳುಗಳನ್ನು ಹೊಂದಿದ್ದ ಅಪರೂಪದ ಮಗು ಜನಿಸಿದೆ.

ರಾಜಸ್ತಾನ: 26 ಬೆರಳುಗಳನ್ನು ಹೊಂದಿರುವ ಹೆಣ್ಣು ಮಗುವೊಂದು ರಾಜಸ್ಥಾನದಲ್ಲಿ ಜನಿಸಿದ್ದು, ಮಗುವಿನ ಕುಟುಂಬದವು ಆಕೆ ದೇವಿಯ ಪ್ರತೀಕವೆಂದು ನಂಬಿದ್ದಾರೆ.  ರಾಜಸ್ಥಾನದ ಡೀಗ್‌ ಜಿಲ್ಲೆಯಲ್ಲಿ ಈ ರೀತಿ 26 ಬೆರಳುಗಳನ್ನು ಹೊಂದಿದ್ದ ಅಪರೂಪದ ಮಗು ಜನಿಸಿದೆ. ಈ ಮಗುವಿನ ಕೈ ಕಾಲುಗಳ ಬೆರಳುಗಳನ್ನು ಲೆಕ್ಕ ಹಾಕಿದಾಗ ಒಟ್ಟು 26 ಬೆರಳುಗಳಿರುವುದು ಬೆಳಕಿಗೆ ಬಂದಿದೆ. 

ಡೀಗ್ (Deeg)ಜಿಲ್ಲೆಯ ಭರತ್‌ಪುರದಲ್ಲಿ ಈ ಮಗು ಜನಿಸಿದ್ದು, ಪ್ರತಿ ಕೈನಲ್ಲಿ ಹೆಚ್ಚುವರಿ ಎರಡು ಬೆರಳುಗಳಿದ್ದು  ಹಾಗೂ ಕಾಲಿನಲ್ಲಿ ಒಂದು ಹೆಚ್ಚುವರಿ ಬೆರಳಿದ್ದು ಎಲ್ಲವೂ ಸೇರಿ ಒಟ್ಟು 26 ಬೆರಳುಗಳಿವೆ ಎಂದು ವೈದ್ಯರು ಹೇಳಿದ್ದಾರೆ.

ಈ ಹೆಚ್ಚುವರಿ ಬೆರಳುಗಳು ಅನುವಂಶೀಯ ಅಸ್ವಸ್ಥತೆಯಿಂದ ಬಂದಿದೆ ಎಂದು ತಜ್ಞ ವೈದ್ಯರು ಹೇಳಿದ್ದಾರೆ. ಈ ಹೆಚ್ಚುವರಿ ಬೆರಳುಗಳಿಂದ ಮಗುವಿನ ಆರೋಗ್ಯಕ್ಕೆ ಯಾವುದೇ ತೊಂದರೆಯಾಗುವುದಿಲ್ಲ ಎಂದು ವೈದ್ಯೆ ಡಾ. ಸೋನಿ ಹೇಳಿದ್ದಾರೆ.  ಕಮನ್‌ನಲ್ಲಿರು ಸಮುದಾಯ ಆಸ್ಪತ್ರೆಯಲ್ಲಿ ಈ ವಿಶೇಷ ಮಗು ಜನಿಸಿದ್ದು, ಈಗ ಮಗುವಿಗಿರುವ ಈ ಹೆಚ್ಚುವರಿ ಬೆರಳುಗಳಿಂದ ಕುಟುಂಬದವರು ಮಗುವಿಗೆ ಆಧ್ಯಾತ್ಮಿಕ ಆಯಾಮ ನೀಡಿದ್ದಾರೆ. ತಾವು ಪೂಜಿಸುವ ದೋಲಗರ್ ದೇವಿಯ ( Dholagarh Devi) ಕೃಪೆ ಇದು ಎಂದು ಕುಟುಂಬದವರು ಹೇಳುತ್ತಿದ್ದಾರೆ. 

ಭಾನುವಾರ ರಾತ್ರಿ ಕಮನ್ ಸಮುದಾಯ ಆಸ್ಪತ್ರೆಯಲ್ಲಿ ಸರ್ಜು ದೇವಿ (Sarju Devi) ಎಂಬುವವರಿಗೆ ಈ ಮಗು ಜನಿಸಿದೆ. ತಾಯಿ ಹಾಗೂ ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ವೈದ್ಯ ಸೋನಿ ದೀಪಕ್ (Dr. Soni.Deepak) ಹೇಳಿದ್ದಾರೆ. ಈ ಮಗುವಿನ ಆಗಮನದಿಂದ ನಮ್ಮ ಮನೆಗೆ ಲಕ್ಷ್ಮಿ ಬಂದಂತಾಗಿದೆ ಎಂದು ಮಗುವಿನ ಚಿಕ್ಕಪ್ಪ ಸಂತಸ ವ್ಯಕ್ತಪಡಿಸಿದ್ದಾರೆ. ಈಕೆಯ ದೇವತೆಯಂತೆ ನಮ್ಮ ಮನೆಗೆ ಬಂದಿದ್ದಾಳೆ. ನಮ್ಮ ಮನೆಯಲ್ಲಿ ಲಕ್ಷ್ಮಿಯ ಜನನವಾಗಿರುವುದಕ್ಕೆ ನಾವು ಪುಣ್ಯ ಮಾಡಿದ್ದೇವೆ ಎಂದು ಅವರು ಹೇಳಿದ್ದಾರೆ.