* ಟ್ರಂಪ್‌ರ ‘ಕಾಕ್‌ಟೇಲ್‌ ಇಂಜೆಕ್ಷನ್‌’ ಪಡೆದ ಮುಂಬೈನ 5 ಸೋಂಕಿತರು
* ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ಗೆ ಕೊರೋನಾ ಗುಣಪಡಿಸಿದ್ದ ಔಷಧ
* ಅಮೆರಿಕದ ರೋಚಿಸ್‌ ಕಂಪನಿ ಅಭಿವೃದ್ಧಿಪಡಿಸಿರುವ ಔಷಧವನ್ನು ಭಾರತದಲ್ಲಿ ಬಿಡುಗಡೆ ಮಾಡಿದ ಸಿಪ್ಲಾ ಕಂಪನಿ
ಮುಂಬೈ(ಮೇ.30): ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ಗೆ ಕಳೆದ ಅಕ್ಟೋಬರ್‌ ವೇಳೆ ಕೊರೋನಾ ಸೋಂಕು ತಗುಲಿದ್ದ ವೇಳೆ ಅವರ ಚಿಕಿತ್ಸೆಗೆ ಬಳಸಲಾಗಿದ್ದ ಆ್ಯಂಡಿಬಾಡಿ ಕಾಕ್‌ಟೇಲ್‌ (ಕ್ಯಾಸಿರಿವಿಮ್ಯಾಬ್‌ ಮತ್ತು ಇಮ್‌ಡೆವಿಮ್ಯಾಬ್‌) ಇಂಜೆಕ್ಷನ್‌ ಭಾರತದಲ್ಲಿ ಬಿಡುಗಡೆ ಆದ ಬೆನ್ನಲ್ಲೇ, ಮುಂಬೈನ ಐದು ಮಂದಿ ಈ ಚುಚ್ಚುಮದ್ದು ತೆಗೆದುಕೊಂಡಿದ್ದಾರೆ.
ಅಮೆರಿಕದ ರೋಚಿಸ್‌ ಕಂಪನಿ ಅಭಿವೃದ್ಧಿಪಡಿಸಿರುವ ಔಷಧವನ್ನು ಸಿಪ್ಲಾ ಕಂಪನಿ ಭಾರತದಲ್ಲಿ ಬಿಡುಗಡೆ ಮಾಡಿದ್ದು, ಅದಕ್ಕೆ 59750 ರು. ದರ ನಿಗದಿ ಮಾಡಲಾಗಿದೆ. ಬಾಂದ್ರಾದ ಲೀಲಾವತಿ ಆಸ್ಪತ್ರೆಯ ಇಬ್ಬರು, ಎಂಪಿಸಿಟಿ ಆಸ್ಪತ್ರೆಯ ಇಬ್ಬರು ರೋಗಿಗಳು ಹಾಗೂ ಚೆಂಬುರ್‌ ಆಸ್ಪತ್ರೆಯ ಒಬ್ಬ ರೋಗಿ ಈ ದುಬಾರಿ ಇಂಜೆಕ್ಷನ್‌ ಅನ್ನು ಪಡೆದಿದ್ದಾರೆ.
ಈ ಮುನ್ನ ಗುರುಗ್ರಾಮದ ಮೇದಾಂತ ಆಸ್ಪತ್ರೆಯಲ್ಲಿ ದಾಖಲಾಗಿದ್ದ 84 ರೋಗಿಯೊಬ್ಬರು ಕಾಕ್‌ಟೇಲ್‌ ಇಂಜೆಕ್ಷನ್‌ ಪಡೆದ ಎರಡು ದಿನದಲ್ಲೇ ಆಸ್ಪತ್ರೆಯಿಂದ ಬಿಡುಗಡೆ ಆಗಿದ್ದರು.