‘ಶತದಿನದ ಹೋರಾಟ’: ಮಾ. 13ರಿಂದ ರೈತರಿಂದ ರೈಲು ಬಂದ್!

ಹೆದ್ದಾರಿ ಬಂದ್‌ ಮಾಡಿ ರೈತರ ‘ಶತದಿನದ ಹೋರಾಟ’| ಕಾಯ್ದೆ​ಗ​ಳಿಂದ ಕಾರ್ಪೊ​ರೇಟ್‌ ಕಂಪ​ನಿ​ಗ​ಳಿಗೆ ಲಾಭ: ರೈತ​ರು

ಚಂಡೀ​ಗ​ಢ(ಮಾ.07): ಕೇಂದ್ರ ಸರ್ಕಾ​ರದ 3 ನೂತನ ಕೃಷಿ ಕಾಯ್ದೆ​ಗಳ ವಿರುದ್ಧ ದಿಲ್ಲಿ ಗಡಿ​ಗ​ಳಲ್ಲಿ ರೈತರು ನಡೆ​ಸು​ತ್ತಿ​ರುವ ಪ್ರತಿ​ಭ​ಟ​ನೆಯು ಶನಿ​ವಾರ 100 ದಿನ ಪೂರೈ​ಸಿದೆ. ಈ ಹಿನ್ನೆ​ಲೆ​ಯಲ್ಲಿ ಹರ್ಯಾ​ಣ​ ಹಾಗೂ ಪಂಜಾಬ್‌ನ ಅನೇಕ ಕಡೆ ರೈತರು ಹೆದ್ದಾರಿ ಬಂದ್‌ ಮಾಡಿ ಪ್ರತಿಭಟನೆ ನಡೆಸಿದ್ದಾರೆ.

ದಿಲ್ಲಿ ಹೊರವಲಯದ ಹರಾರ‍ಯಣದ ಕುಂಡ್ಲಿ-ಮಾನೇ​ಸ​ರ್‌-ಪಾಲ್ವಾಲ್‌(ಕೆಎಂಪಿ) ಹೆದ್ದಾ​ರಿ​ಯನ್ನು ತಡೆದ ರೈತರ ಸಂಘ​ಟನೆ ಸಂಯುಕ್ತ ಕಿಸಾನ್‌ ಮೋರ್ಚಾ ಕೇಂದ್ರ ಸರ್ಕಾ​ರದ ವಿರುದ್ಧ ಆಕ್ರೋಶ ವ್ಯಕ್ತ​ಪ​ಡಿ​ಸಿ​ತು.

ಶನಿ​ವಾರ ಬೆಳಗ್ಗೆ 11 ಗಂಟೆಯಿಂದ ಸಂಜೆ 4 ಗಂಟೆ​ವ​ರೆ​ಗೆ ತಮ್ಮ ಟ್ರಾಕ್ಟರ್‌ ಟ್ರಾಲಿ​ಗಳನ್ನು ಅಡ್ಡ​ಲಾಗಿ ನಿಲ್ಲಿಸಿ ಕೆಎಂಪಿ ಹೆದ್ದಾ​ರಿ​ಯನ್ನು ಬಂದ್‌ ಮಾಡಿ​ದರು. ಈ ವೇಳೆ, ‘ಈ ಕರಾಳ ಕಾಯ್ದೆ​ಗಳ ಜಾರಿ​ಯಿಂದ ತಮ್ಮ ಬೆಳೆ​ಗ​ಳಿಗೆ ನೀಡ​ಲಾ​ಗು​ತ್ತಿ​ರುವ ಕನಿಷ್ಠ ಬೆಂಬಲ ಬೆಲೆ ರದ್ದಾ​ಗ​ಲಿದ್ದು, ಕಾರ್ಪೊ​ರೇಟ್‌ ಕಂಪ​ನಿ​ಗ​ಳಿಗೆ ಅನು​ಕೂ​ಲ​ವಾ​ಗ​ಲಿದೆ’ ಎಂದು ರೈತರು ಕಿಡಿ​ಕಾ​ರಿ​ದರು.

ಕಾಂಗ್ರೆಸ್‌ ಕಿಡಿ:

‘ಈ 100 ದಿನಗಳು ಭಾರ​ತ​ದ ಪ್ರಜಾಪ್ರಭುತ್ವದ ಅಧ್ಯಾ​ಯ​ದಲ್ಲಿ ಬಿಜೆ​ಪಿಯ ದಾಷ್ಟ್ರ್ಯದ ಆಡ​ಳಿ​ತದ ಕಪ್ಪು​ಚು​ಕ್ಕೆ​ಗಳು’ ಎಂದು ಕಾಂಗ್ರೆಸ್‌ ಕಿಡಿ​ಕಾ​ರಿದೆ.

ಈ ಬಗ್ಗೆ ಶುಕ್ರ​ವಾರ ಟ್ವೀಟ್‌ ಮಾಡಿ​ರುವ ಕಾಂಗ್ರೆಸ್‌ ಮಾಜಿ ಅಧ್ಯಕ್ಷ ರಾಹುಲ್‌ ಗಾಂಧಿ, ‘ದೇಶದ ಗಡಿ​ಯಲ್ಲಿ ದೇಶದ ರಕ್ಷ​ಣೆ​ಗಾಗಿ ಪ್ರಾಣ​ತ್ಯಾಗ ಮಾಡು​ವ​ವರ ಮಕ್ಕಳ ಪೋಷ​ಕರು ಇಂದು ದೆಹಲಿಯ ಗಡಿ​ಗ​ಳಲ್ಲಿ ಕುಳಿ​ತಿ​ದ್ದಾರೆ. ದೇಶದ ಅನ್ನ​ದಾ​ತರು ತಮ್ಮ ಹಕ್ಕು​ಗ​ಳಿ​ಗಾಗಿ ಒತ್ತಾ​ಯಿ​ಸು​ತ್ತಿ​ದ್ದರೆ, ಇತ್ತ ಸರ್ಕಾರ ಅವರ ಮೇಲೆ ದೌರ್ಜನ್ಯ ಎಸ​ಗು​ತ್ತಿ​ದೆ’ ಎಂದು ವಾಗ್ದಾಳಿ ನಡೆ​ಸಿ​ದ್ದಾರೆ.

ತಿದ್ದುಪಡಿಗೆ ಸಿದ್ಧ:

ಈ ನಡುವೆ, ರೈತರ ಆಗ್ರಹದಂತೆ ಕಾಯ್ದೆ ತಿದ್ದುಪಡಿಗೆ ಸರ್ಕಾರ ಸಿದ್ಧವಿದೆ. ಆದರೆ ವಿಪಕ್ಷವು ರಾಜಕೀಯ ಮಾಡುತ್ತಿದೆ’ ಎಂದು ಕೇಂದ್ರ ಕೃಷಿ ಸಚಿವ ನರೇಂದ್ರ ಸಿಂಗ್‌ ತೋಮರ್‌ ಹೇಳಿದ್ದಾರೆ.