ಪ್ರಧಾನಿ ಮೋದಿ ಕಲಿತ ಶಾಲೆಗೆ ದೇಶದ ಮಕ್ಕಳಿಗೆ ಟೂರ್: 7 ದಿನದ ಪ್ರವಾಸ ಕಾರ್ಯಕ್ರಮಕ್ಕೆ ಕೇಂದ್ರ ನಿರ್ಧಾರ

10 ಹುಡುಗಿಯರು ಮತ್ತು 10 ಹುಡುಗರು ಸೇರಿದಂತೆ 20 ವಿದ್ಯಾರ್ಥಿಗಳ ಬ್ಯಾಚ್ ವರ್ಷವಿಡೀ ಪ್ರತಿ ವಾರ ಈ ಪ್ರವಾಸ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತದೆ. 7 ದಿನದ ಪ್ರವಾಸದ ವೇಳೆ ಮೋದಿ ಅವರ ವಡ್‌ನಗರದ ಶಾಲೆಯಲ್ಲಿ ವಿವಿಧ ಹಂತದ ತರಬೇತಿ ಕಾರ್ಯಕ್ರಮ, ಉಪನ್ಯಾಸಗಳನ್ನು ಹಮ್ಮಿಕೊಳ್ಳಲಾಗುತ್ತದೆ.

ನವದೆಹಲಿ (ಜನವರಿ 5, 2024): ಗುಜರಾತ್‌ನ ವಡ್‌ನಗರ ಪಟ್ಟಣದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಓದಿದ್ದ ಶಾಲೆಗೆ, ವಿದ್ಯಾರ್ಥಿಗಳಿಗಾಗಿ 7 ದಿನಗಳ ಅಧ್ಯಯನ ಪ್ರವಾಸದ ಕಾರ್ಯಕ್ರಮವನ್ನು ಕೇಂದ್ರ ಸರ್ಕಾರ ಆರಂಭಿಸಲಿದೆ. ವಿದ್ಯಾರ್ಥಿಗಳ ಹೆಸರು ನೋಂದಣಿಗಾಗಿ ಆನ್‌ಲೈನ್‌ ಪೋರ್ಟಲ್‌ ಅನ್ನು ಕೂಡ ಆರಂಭಿಸಲಾಗಿದ್ದು, ನೋಂದಾಯಿತ ವಿದ್ಯಾರ್ಥಿಗಳಿಗೆ ನಡೆಯುವ 3 ಹಂತದ ಸ್ಪರ್ಧೆಗಳಲ್ಲಿ ಆಯ್ಕೆಯಾದ ಮಕ್ಕಳನ್ನು ಪ್ರವಾಸಕ್ಕೆ ಕರೆದುಕೊಂಡು ಹೋಗಲಾಗುತ್ತದೆ.

ದೇಶಾದ್ಯಂತದ 9 ರಿಂದ 12 ನೇ ತರಗತಿಯ ಶಾಲಾ ವಿದ್ಯಾರ್ಥಿಗಳಿಗೆ ಅವಕಾಶವಿದೆ. 10 ಹುಡುಗಿಯರು ಮತ್ತು 10 ಹುಡುಗರು ಸೇರಿದಂತೆ 20 ವಿದ್ಯಾರ್ಥಿಗಳ ಬ್ಯಾಚ್ ವರ್ಷವಿಡೀ ಪ್ರತಿ ವಾರ ಈ ಪ್ರವಾಸ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತದೆ. 7 ದಿನದ ಪ್ರವಾಸದ ವೇಳೆ ಮೋದಿ ಅವರ ವಡ್‌ನಗರದ ಶಾಲೆಯಲ್ಲಿ ವಿವಿಧ ಹಂತದ ತರಬೇತಿ ಕಾರ್ಯಕ್ರಮ, ಉಪನ್ಯಾಸಗಳನ್ನು ಹಮ್ಮಿಕೊಳ್ಳಲಾಗುತ್ತದೆ.

ಇದನ್ನು ಓದಿ: ಭಾರತದ ಪ್ರಗತಿ ಬಗ್ಗೆ ಚೀನಾ ಭಾರಿ ಮೆಚ್ಚುಗೆ: ಮೋದಿ ಹಣಕಾಸು, ವಿದೇಶಾಂಗ ನೀತಿಗೆ ಶ್ಲಾಘನೆ

3 ಹಂತದ ಜಿಲ್ಲಾವಾರು ಆಯ್ಕೆ
ಮೊದಲ ಹಂತದಲ್ಲಿ, ದೇಶದ ಯಾವುದೇ ಮಾನ್ಯತೆ ಪಡೆದ ಶಾಲೆಯಲ್ಲಿ 9 ರಿಂದ 12 ನೇ ತರಗತಿಗೆ ದಾಖಲಾದ ವಿದ್ಯಾರ್ಥಿಗಳು ತಮ್ಮ ಮಾಹಿತಿಯನ್ನು ನೀಡುವ ಮೂಲಕ https://prerana.education.gov.in ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು.

ವಿದ್ಯಾರ್ಥಿಗಳು ಒದಗಿಸಿದ ವಿವರಗಳು ಮತ್ತು ಅವರ ವಿಶೇಷ ಸಾಧನೆಗಳ ಆಧಾರದ ಮೇಲೆ ಪ್ರತಿ ಜಿಲ್ಲೆಯಲ್ಲಿ 200 ವಿದ್ಯಾರ್ಥಿಗಳನ್ನು ಶಾರ್ಟ್‌ಲಿಸ್ಟ್‌ ಮಾಡಲಾಗುತ್ತದೆ, ಅವರಲ್ಲಿ ಶೇ.50 ಹುಡುಗಿಯರು ಇರುತ್ತಾರೆ.

ಇದನ್ನು ಓದಿ: ಲಕ್ಷದ್ವೀಪದಲ್ಲಿ ಪ್ರಧಾನಿ ಮೋದಿ ಸ್ನೋರ್ಕೆಲಿಂಗ್, ಸಮುದ್ರ ಸೌಂದರ್ಯಕ್ಕೆ ಮಂತ್ರಮುಗ್ಧ

ಎರಡನೇ ಹಂತದಲ್ಲಿ, ವಿದ್ಯಾರ್ಥಿಗಳು ಕಿರು ವಿಡಿಯೋ ರೆಕಾರ್ಡಿಂಗ್, ಪ್ರಬಂಧ/ಕವಿತೆ/ಕಥೆ ಮತ್ತು ಇತರ ಸೃಜನಶೀಲ ಅಭಿವ್ಯಕ್ತಿ (ಚಿತ್ರಕಲೆ/ವ್ಯಂಗ್ಯಚಿತ್ರ ಇತ್ಯಾದಿ) ಮುಂತಾದ ಬಹು-ಮಾದರಿಯ ಚಟುವಟಿಕೆಗಳಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಬೇಕು.

ಮೂರನೇ ಹಂತದಲ್ಲಿ, ವೈಯಕ್ತಿಕ ಸಂದರ್ಶನ, ಸಾಧನೆಗಳನ್ನು ಆಧರಿಸಿ ಇಬ್ಬರು ಮಕ್ಕಳನ್ನು (ಒಬ್ಬ ಹುಡುಗ, ಒಬ್ಬ ಹುಡುಗಿ) ಆಯ್ಕೆ ಮಾಡಲಾಗುತ್ತದೆ. ಇವರ ಜತೆಗೆ ಮೀಸಲು ಕೆಟಗರಿಯಲ್ಲಿ ಇಬ್ಬರನ್ನು ಆಯ್ಕೆ ಮಾಡಲಾಗುತ್ತದೆ.

ಇದನ್ನು ಓದಿ: ಮೋದಿ ಗ್ಯಾರಂಟಿಯೆದುರು ಬೇರಾವ ಗ್ಯಾರಂಟಿಯೂ ಇಲ್ಲ: ಕೇಂದ್ರ ಸಚಿವ ಕ್ರಿಶನ್ ಪಾಲ್‌