ಲೇಸರ್-ಹೈ ಪವರ್ ಅತ್ಯಾಧುನಿಕ ಯುದ್ಧ ಶಸ್ತ್ರಾಸ್ತ್ರ ನಿರ್ಣಾಕ್ಕೆ ಮುಂದಾದ DRDO!

ಭಾರತದಲ್ಲಿ ಯುದ್ಧ ಶಸ್ತ್ರಾಸ್ತ್ರ ಉತ್ಪಾದಿಸಲು ಕೇಂದ್ರ ಸರ್ಕಾರ ಹೆಚ್ಚು ಒಲವು ತೋರಿದೆ. ಇದಕ್ಕಾಗಿ ಆತ್ಮನಿರ್ಭರ್ ಭಾರತ್ ಪರಿಕಲ್ಪನೆ ಅಡಿಯಲ್ಲಿ ವಿಶೇಷ ಅನುದಾನಗಳನ್ನು ನೀಡಲಾಗಿದೆ. ಇದರ ಪರಿಣಾಮವಾಗಿ ಇದೀಗ DRDO ಭವಿಷ್ಯದ ಅತ್ಯಾಧುನಿಕ ಯುದ್ಧ ಶಸ್ತ್ರಾಸ್ರ ಉತ್ಪಾದನೆಗೆ ಮುಂದಾಗಿದೆ  

ನವದೆಹಲಿ(ಸೆ.14): ಎರಡನೇ ವಿಶ್ವ ಮಹಾ ಯುದ್ಧದ ಸಂದರ್ಭಕ್ಕೂ ಈಗಿನ ಯುದ್ಧಗಳಿಗೂ ಹಲವು ವ್ಯತ್ಯಾಸಗಳಿವೆ. ಸದ್ಯ ಯುದ್ಧ ಸಾಮಾಗ್ರಿಗಳೆಲ್ಲಾ ಆಧುನಿಕವಾಗಿದೆ. ತಂತ್ರಜ್ಞಾನದ ಮೂಲಕವೇ ಎದುರಾಳಿಗಳ ಮೇಲೆ ದಾಳಿ ಮಾಡುವ ಯುದ್ಧ ಸಾಮಾಗ್ರಿ ಬಹುತೇಕ ಎಲ್ಲಾ ರಾಷ್ಟ್ರದಲ್ಲಿದೆ. ಇದೀಗ ಡೆಫೆನ್ಸ್ ರಿಸರ್ಚ ಅಂಡ್ ಡೆವಲಪ್ಮೆಂಟ್ ಸಂಸ್ಥೆ(DRDO) ಭವಿಷ್ಯದ ಯುದ್ಧ ಸಾಮಾಗ್ರಿ ಉತ್ಪಾದನೆಗೆ ಮುಂದಾಗಿದೆ.

ಭವಿಷ್ಯದ ಯುದ್ಧದ ಸ್ವರೂಪವೇ ಬದಲಾಗಲಿದೆ. ಅತ್ಯಾಧುನಿಕ ತಂತ್ರಜ್ಞಾನ ಮೂಲಕ ಯುದ್ಧ ಸಾಮಾಗ್ರಿ ನಿರ್ಮಾಣಕ್ಕೆ DRDO ಯೋಜನೆ ಹಾಕಿಕೊಂಡಿದೆ. ಹೈ ಎನರ್ಜಿ ಲೇಸರ್ ಹಾಗೂ ಹೈ ಪವರ್ ಮೋಕ್ರೋವೇವ್ಸ್ (ಡೈರೆಕ್ಟೆಡ್ ಎನರ್ಜಿ ವೆಪನ್ಸ್)  ಉತ್ಪಾದನ ಮಾಡಲು  DRDO ಪ್ಲಾನ್ ಮಾಡಿದೆ.

ಅತ್ಯಾಧುನಿಕ ಶಸ್ತ್ರಾಸ್ತ್ರ ಉತ್ಪಾದನೆ ಯೋಜನೆಯಡಿ DRDO ಕೆಮಿಕಲ್ ಆಕ್ಸಿಜನ್ ಐಯೋಡಿನ್, ಹೈಪವರ್ ಫೈಬರ್ ಲೇಸರ್,  ಬೀಮ್ ವೆಪನ್ ಸೇರಿದಂತೆ ಹಲವು ಯುದ್ಧ ಸಾಮಾಗ್ರಿ ಉತ್ಪಾದನೆಗೆ ಮುಂದಾಗಿದೆ. ಈ ಎಲ್ಲಾ ಯುದ್ಧ ಸಾಮಾಗ್ರಿಗಳನ್ನು ಕುಳಿತಲ್ಲಿಂದಲೇ ನಿಯಂತ್ರಿಸಬಹುದು. ಯುದ್ಧದ ವೇಳೆ ಗಡಿಯಲ್ಲಿ ನಿಂತು ಹೋರಾಡಬೇಕಾದ ಅವಶ್ಯಕತೆ ಇಲ್ಲ.