ನಾಯಿಗಾಗಿ ಇಡೀ ಏರ್ ಇಂಡಿಯಾ ಬ್ಯುಸಿನೆಸ್ ಕ್ಲಾಸ್ ಕ್ಯಾಬಿನ್ ಬುಕ್ ಮಾಡಿದ ಮಾಲೀಕ

ನಾಯಿಗಾಗಿ ಬುಕ್ ಆಯ್ತು ಬ್ಯುಸಿನೆಸ್ ಕ್ಲಾಸ್ ಕ್ಯಾಬಿನ್ ಶ್ವಾನಕ್ಕೊಂದು ಐಶರಾಮಿ ಪ್ರಯಾಣ  

ಮುಂಬೈ(ಸೆ.18): ಶ್ವಾನ ಮಾಲೀಕರು ತಮ್ಮ ಸಾಕುಪ್ರಾಣಿಗಳಿಗೆ ಐಷಾರಾಮಿಯಾಗಿ ಪ್ರಯಾಣಿಸಲು ಏರ್ ಇಂಡಿಯಾ ವಿಮಾನದ ಸಂಪೂರ್ಣ ಬ್ಯುಸಿನೆಸ್ ಕ್ಲಾಸ್ ಕ್ಯಾಬಿನ್ ಅನ್ನು ಬುಕ್ ಮಾಡಿದ್ದಾರೆ. ನಾಯಿ ಬುಧವಾರ ಮುಂಜಾನೆ ಏರ್ ಇಂಡಿಯಾ ವಿಮಾನ AI-671 ಹತ್ತಿ ಜಾಲಿಯಾಗಿ ಪ್ರಯಾಣಿಸಿದೆ.

ಮುಂಬೈನಿಂದ ಚೆನ್ನೈಗೆ ಎರಡು ಗಂಟೆಗಳ ಅವಧಿಯ ವಿಮಾನಕ್ಕಾಗಿ ಮಾಲೀಕರು 2.5 ಲಕ್ಷಕ್ಕಿಂತ ಹೆಚ್ಚು ಹಣವನ್ನು ಖರ್ಚು ಮಾಡಿದ್ದಾರೆ. ಏರ್ ಇಂಡಿಯಾ ಮುಂಬೈ-ಚೆನ್ನೈ ವಿಮಾನದಲ್ಲಿ ಬ್ಯುಸಿನೆಸ್ ಕ್ಲಾಸ್ ಸೀಟಿನ ದರ ಸುಮಾರು 20,000 ರೂಪಾಯಿ. ಏರ್ ಇಂಡಿಯಾ ಎ 320 ವಿಮಾನದಲ್ಲಿ ಜೆ-ಕ್ಲಾಸ್ ಕ್ಯಾಬಿನ್ 12 ಆಸನಗಳನ್ನು ಹೊಂದಿದೆ, ಆದ್ದರಿಂದ ಮುದ್ದಾದ ಮರಿ ಐಷಾರಾಮಿಯಾಗಿ ಹಾರಿಹೋಯಿತು ಎಂದು ಹೇಳಲಾಗಿದೆ.

ನಾಯಿಗಳು ಈ ಮೊದಲು ಏರ್ ಇಂಡಿಯಾ ಬ್ಯುಸಿನೆಸ್ ಕ್ಲಾಸ್‌ನಲ್ಲಿ ಪ್ರಯಾಣಿಸಿದ್ದವು, ಆದಾರೂ ಸಾಕುಪ್ರಾಣಿಗಳಿಗಾಗಿ ಇಡೀ ಬ್ಯುಸಿನೆಸ್ ಕ್ಯಾಬಿನ್ ಅನ್ನು ಬುಕ್ ಮಾಡಿರುವುದು ಬಹುಶಃ ಇದೇ ಮೊದಲು. ಪ್ರಯಾಣಿಕರ ಕ್ಯಾಬಿನ್‌ನಲ್ಲಿ ದೇಶೀಯ ಸಾಕುಪ್ರಾಣಿಗಳನ್ನು ಅನುಮತಿಸುವ ಏಕೈಕ ಭಾರತೀಯ ವಿಮಾನಯಾನ ಸಂಸ್ಥೆ ಏರ್ ಇಂಡಿಯಾ.

ವಿಮಾನದಲ್ಲಿ ಗರಿಷ್ಠ ಎರಡು ಸಾಕುಪ್ರಾಣಿಗಳನ್ನು ಅನುಮತಿಸಲಾಗುತ್ತದೆ. ಮುಂಗಡ ಬುಕ್ಕಿಂಗ್ ಆದ ಮಾಡಿದ ವರ್ಗದ ಕೊನೆಯ ಸಾಲಿನಲ್ಲಿ ಕೂರಿಸಲಾಗುತ್ತದೆ. ಕಳೆದ ವರ್ಷದ ಜೂನ್ ಮತ್ತು ಸೆಪ್ಟೆಂಬರ್ ನಡುವೆ ಏರ್ ಇಂಡಿಯಾ ತನ್ನ ದೇಶೀಯ ವಿಮಾನಗಳಲ್ಲಿ 2,000 ಸಾಕುಪ್ರಾಣಿಗಳ ಪ್ರಯಾಣಕ್ಕೆ ಅವಕಾಶ ನೀಡಲಾಗಿತ್ತು.

ಕಳೆದ ವರ್ಷ, ಮುಂಬೈ ಮೂಲದ ಸೈಬರ್ ಭದ್ರತಾ ಸಂಶೋಧಕಿ ದೀಪಿಕಾ ಸಿಂಗ್ ಅವರು ದೆಹಲಿಯಲ್ಲಿ ಆರು ಸಾಕುಪ್ರಾಣಿಗಳನ್ನು ತಮ್ಮ ಮಾಲೀಕರೊಂದಿಗೆ ಮತ್ತೆ ಸೇರಿಸುವಲ್ಲಿ ಕ್ರಮವನ್ನು ಕೈಗೊಂಡರು. ಇನ್ನೊಂದು ಘಟನೆಯಲ್ಲಿ, ಕಳೆದ ವರ್ಷ ಡಿಸೆಂಬರ್‌ನಲ್ಲಿ ನ್ಯೂಯಾರ್ಕ್‌ನ ಲಾ ಗಾರ್ಡಿಯಾ ವಿಮಾನ ನಿಲ್ದಾಣದಲ್ಲಿ ದಂಪತಿಗಳು ತಮ್ಮ ನಾಯಿಯೊಂದಿಗೆ ಚಲಿಸುತ್ತಿರುವ ವಿಮಾನದಿಂದ ಜಾರಿದ್ದರು.