‘ಮಹಾ’ ಮೈತ್ರಿಯಲ್ಲಿ ಬಿರುಕು?: ಶಿವ​ಸೇನೆ, ಎನ್‌​ಸಿ​ಪಿ​ ಪಕ್ಷ​ಗ​ಳಿಂದ ಕಾಂಗ್ರೆಸ್‌ ದೂರ-ದೂರ?

* ಮಹಾರಾಷ್ಟ್ರ ಮೈತ್ರಿಯಲ್ಲಿ ಬಿರುಕು? * ಮುಂಬ​ರುವ ಎಲ್ಲಾ ಚುನಾ​ವ​ಣೆ​ಗ​ಳಲ್ಲಿ ಏಕಾಂಗಿ ಸ್ಪರ್ಧೆ: ಕಾಂಗ್ರೆ​ಸ್‌ * ಶಿವ​ಸೇನೆ, ಎನ್‌​ಸಿ​ಪಿ​ ಪಕ್ಷ​ಗ​ಳಿಂದ ಕಾಂಗ್ರೆಸ್‌ ದೂರ-ದೂರ ಸಾಧ್ಯ​ತೆ

ಮುಂಬೈ(ಜೂ.15): ಮಹಾ​ರಾಷ್ಟ್ರ ಮುಖ್ಯ​ಮಂತ್ರಿ ಉದ್ಧವ್‌ ಠಾಕ್ರೆ ನೇತೃ​ತ್ವದ ಮಹಾ ವಿಕಾಸ್‌ ಅಘಾಡಿ(ಎಂವಿ​ಎ) ಮೈತ್ರಿಯ ಸರ್ಕಾ​ರ​ದಲ್ಲಿ ಬಿಕ್ಕಟ್ಟು ಉದ್ಭ​ವಿ​ಸಿದೆ ಎಂಬ ಮುನ್ಸೂ​ಚ​ನೆ​ಯೊಂದು ಲಭ್ಯ​ವಾ​ಗಿದೆ. ಮುಂಬ​ರುವ 2024ರ ವಿಧಾ​ನ​ಸಭೆ ಚುನಾ​ವ​ಣೆ​ಯಲ್ಲಿ ತಮ್ಮ ಪಕ್ಷವು ಏಕಾಂಗಿ​ಯಾಗಿ ಸ್ಪರ್ಧೆ ಮಾಡ​ಲಿದ್ದು, ಹೈಕ​ಮಾಂಡ್‌ ನಿರ್ಧ​ರಿ​ಸಿ​ದಲ್ಲಿ ಪಕ್ಷದ ಮುಖ್ಯ​ಮಂತ್ರಿ ಅಭ್ಯ​ರ್ಥಿ​ಯಾ​ಗಲು ಸಿದ್ಧ ಎಂದು ಕಾಂಗ್ರೆಸ್‌ ರಾಜ್ಯಾ​ಧ್ಯಕ್ಷ ನಾನಾ ಪಟೋಲೆ ಹೇಳಿ​ದ್ದಾರೆ.

ಅಮರಾ​ವ​ತಿ​ಯಲ್ಲಿ ಸುದ್ದಿ​ಗಾ​ರ​ರೊಂದಿಗೆ ಮಾತ​ನಾ​ಡಿದ ಪಟೋಲೆ ಅವರು, ‘ಪ್ರಸ್ತುತ ಮಹಾ​ರಾಷ್ಟ್ರ ಕಾಂಗ್ರೆಸ್‌ ಘಟ​ಕದ ಅಧ್ಯ​ಕ್ಷ​ನಾ​ಗಿ​ದ್ದೇನೆ. ಹೀಗಾಗಿ ನಮ್ಮ ಪಕ್ಷವು ಮುಂಬ​ರುವ ಸ್ಥಳೀಯ ಸಂಸ್ಥೆ​ಗಳ ಮತ್ತು ವಿಧಾ​ನ​ಸಭೆ ಚುನಾ​ವ​ಣೆ​ಗ​ಳಲ್ಲಿ ಏಕಾಂಗಿ​ಯಾಗಿ ಸ್ಪರ್ಧಿ​ಸಲು ನಿರ್ಧ​ರಿ​ಸ​ಲಾ​ಗಿದೆ. ಆದರೆ ಎನ್‌​ಸಿಪಿ ನಿಲುವು ಏನು ಎಂಬುದು ಗೊತ್ತಿಲ್ಲ. ಕಾಂಗ್ರೆಸ್‌ ಅನ್ನು ಅಧಿ​ಕಾ​ರಕ್ಕೆ ತಂದು ನಾನು ಮುಖ್ಯ​ಮಂತ್ರಿ ಆಗು​ವುದು ಬೇಡ​ವೇ’ ಎಂದು ಪ್ರಶ್ನಿ​ಸಿ​ದರು.

ಇತ್ತೀ​ಚೆ​ಗಷ್ಟೇ ಎನ್‌​ಸಿಪಿ ಮುಖ್ಯಸ್ಥ ಶರದ್‌ ಪವಾರ್‌ ಅವರು ಶಿವ​ಸೇ​ನೆ​ ಬಗ್ಗೆ ಪ್ರಶಂಸಿ​ಸಿ​ದ್ದರು. ಏತ​ನ್ಮಧ್ಯೆ, ಮುಖ್ಯ​ಮಂತ್ರಿ ಉದ್ಧವ್‌ ಠಾಕ್ರೆ ಅವರು ಪ್ರಧಾನಿ ನರೇಂದ್ರ ಮೋದಿ ಅವ​ರನ್ನು ಭೇಟಿ ಮಾಡಿ​ದ್ದರು. ಜೊತೆಗೆ ಚುನಾ​ವಣಾ ರಣ​ತಂತ್ರ​ಗಾರ ಪ್ರಶಾಂತ್‌ ಕಿಶೋರ್‌ ಅವರು, ಪವಾರ್‌ ಅವ​ರನ್ನು ಭೇಟಿ ಮಾಡಿ​ದ್ದರು. ಈ ಎಲ್ಲಾ ಬೆಳ​ವ​ಣಿ​ಗೆ​ಗಳ ಮಧ್ಯೆ ಪಟೋಲೆ ಏಕಾಂಗಿಯಾಗಿ ಸ್ಪರ್ಧಿ​ಸು​ವು​ದಾಗಿ ಹೇಳಿ​ದ್ದಾರೆ.