50 ದಿನದಲ್ಲಿ 2 ರಿಂದ 3 ಕೋಟಿಗೆ ಏರಿದ ಸೋಂಕಿತರ ಸಂಖ್ಯೆ

ದೇಶದ ಕೋವಿಡ್‌ ಸೋಂಕಿತರ ಸಂಖ್ಯೆ 3 ಕೋಟಿ 50 ದಿನದಲ್ಲಿ 2ರಿಂದ 3 ಕೋಟಿಗೆ ಏರಿಕೆ ನಿನ್ನೆ 50848 ಕೇಸು, 1358 ಜನರ ಸಾವು

ನವದೆಹಲಿ(ಜೂ.24): ಬುಧವಾರ ದೇಶದಲ್ಲಿ 50848 ಜನರಲ್ಲಿ ಹೊಸದಾಗಿ ಕೋವಿಡ್‌ ಸೋಂಕು ದೃಢಪಡುವುದರೊಂದಿಗೆ, ದೇಶದಲ್ಲಿನ ಒಟ್ಟು ಸೋಂಕಿತರ ಸಂಖ್ಯೆ 3 ಕೋಟಿ ಗಡಿ ದಾಟಿದೆ. ಅದರಲ್ಲೂ 2ನೇ ಅಲೆ ತೀವ್ರವಾಗಿದ್ದ ಕಳೆದ 50 ದಿನಗಳಲ್ಲಿ ದೇಶದಲ್ಲಿ ಹೊಸದಾಗಿ 1ಕೋಟಿ ಜನರಲ್ಲಿ ಸೋಂಕು ಪತ್ತೆಯಾಗಿದೆ.

ಇನ್ನು ಕಳೆದ 24 ಗಂಟೆಗಳ ಅವಧಿಯಲ್ಲಿ 1358 ಮಂದಿ ಕೊರೋನಾಕ್ಕೆ ಬಲಿಯಾಗಿದ್ದು, ಕೋವಿಡ್‌ಗೆ ಒಟ್ಟು ಬಲಿಯಾದವರ ಸಂಖ್ಯೆ 3,90,660ರೊಂದಿಗೆ 4 ಲಕ್ಷದ ಹತ್ತಿರಕ್ಕೆ ದಾಪುಗಾಲಿಟ್ಟಿದೆ.

6,43,194 ಮಂದಿಯಲ್ಲಿ ಮಾತ್ರವೇ ಸೋಂಕು ಸಕ್ರಿಯವಾಗಿದೆ. ಇನ್ನು ದೇಶದ ಸೋಂಕಿತರ ಪ್ರಮಾಣ ಶೇ.2.14 ಹಾಗೂ ಗುಣಮುಖರಾದವರ ಪ್ರಮಾಣ ಶೇ.96.56ರಷ್ಟಿದೆ.