ಬೋಧ್‌ಗಯಾದಲ್ಲಿ ಪ್ರತಿಷ್ಠಾಪಿಸಲಾಗುವ ದೇಶದ ಅತೀ ಉದ್ದವಾದ ಬುದ್ಧನ ಪ್ರತಿಮೆ ನಿರ್ಮಿಸುವ ಕಾರ್ಯ ಭರದಿಂದ ಸಾಗಿದೆ. ಮುಂದಿನ ವರ್ಷ ಪ್ರತಿಮೆ ಅನಾವರಣವಾಗಲಿದೆ.
ಕೋಲ್ಕತಾ (ಜ.29) : ಬಿಹಾರದ ಬೋಧ್‌ಗಯಾದಲ್ಲಿ ಪ್ರತಿಷ್ಠಾಪಿಸಲಾಗುವ ದೇಶದ ಅತೀ ಉದ್ದವಾದ 100 ಅಡಿಯ ಬುದ್ಧನ ಪ್ರತಿಮೆ ನಿರ್ಮಿಸುವ ಕಾರ್ಯ ಪಶ್ಚಿಮ ಬಂಗಾಳದಲ್ಲಿ ಭರದಿಂದ ಸಾಗಿದೆ.
2022ರ ಬುದ್ಧ ಪೂರ್ಣಿಮೆಯಂದು ಬೋಧ್‌ಗಯಾದಲ್ಲಿ ಬುದ್ಧನ ಈ ಹೊಸ ಪ್ರತಿಮೆ ಪ್ರತಿಷ್ಠಾಪನೆಯಾಗಲಿದೆ. ಬುದ್ಧ ತಮ್ಮ ಬಲಗೈಯನ್ನು ತಲೆಗೆ ಕೊಟ್ಟು ಮಲಗಿರುವ ಭಂಗಿಯಲ್ಲಿರುವ 100 ಅಡಿಯ ಫೈಬರ್‌ಗ್ಲಾಸ್‌ ಬುದ್ಧನ ಈ ಪ್ರತಿಮೆಯು ದೇಶದ ಅತೀದೊಡ್ಡ ಬುದ್ಧನ ಆಕೃತಿಯಾಗಲಿದೆ ಎಂದು ಜೇಡಿಮಣ್ಣಿನ ಕಲಾವಿದ ಮಿಂಟು ಪಾಲ್‌ ತಿಳಿಸಿದ್ದಾರೆ.
ಬುದ್ಧ ತಮ್ಮ ಕೈ ಮೇಲೆ ತಲೆ ಒರಗಿಕೊಂಡಿರುವ ಆಕೃತಿಯನ್ನು ಬಾರಾನಗರದ ಘೋಶ್ಪುರದಲ್ಲಿ ನಿರ್ಮಿಸಲಾಗುತ್ತದೆ. ಆ ನಂತರ ಉಳಿದ ಭಾಗಗಳನ್ನು ಬಿಹಾರದ ಬೋಧ್‌ಗಯಾಕ್ಕೆ ಕೊಂಡೊಯ್ದು ಜೋಡಿಸಲಾಗುತ್ತದೆ ಎಂದು ಪಾಲ್‌ ತಿಳಿಸಿದ್ದಾರೆ.
ಶಾಂತಿ ಬಯಸಿ ಭಿಕ್ಕುವಾಗಿದ್ದೇನೆ: ಬೌದ್ಧ ಧರ್ಮ ಸ್ವೀಕರಿಸಿದ ಮುಸ್ಲಿಂ ವ್ಯಕ್ತಿ! ..
2015ರಲ್ಲಿ ದೇಶಪ್ರಿಯಾ ಉದ್ಯಾನವನದಲ್ಲಿ ನಿರ್ಮಾಣಗೊಂಡಿರುವ 80 ಅಡಿ ಎತ್ತರದ ದುರ್ಗಾ ಪ್ರತಿಮೆ ಸಹ ಪಾಲ್‌ ಅವರಿಂದ ಮೂಡಿಬಂದ ಕಲಾಕೃತಿಯಾಗಿದೆ.