ಕೊರೋನಾ ಲಸಿಕೆ ವಿತರಣೆ ಮಾಹಿತಿಗೆ ಕೋವಿನ್ ಆ್ಯಪ್!
ಸಾರಾಂಶ
ಭಾರತದಲ್ಲೂ ಕೊರೋನಾ ಲಸಿಕೆ ವಿತರಣೆಗೆ ಕ್ಷಣಗಣನೆ ಕೋ ವಿನ್ ಆ್ಯಪ್ ಹೇಗೆ ಕೆಲಸ ಮಾಡುತ್ತದೆ?| ಇಲ್ಲಿದೆ ಮಾಹಿತಿ
ನವದೆಹಲಿ(ಡಿ.09): ಭಾರತದಲ್ಲೂ ಕೊರೋನಾ ಲಸಿಕೆ ವಿತರಣೆಗೆ ಕ್ಷಣಗಣನೆ ಆರಂಭವಾಗಿರುವ ಬೆನ್ನಲ್ಲೇ ಕೇಂದ್ರ ಸರ್ಕಾರ, ವಿತರಣೆಯ ಇಡೀ ಪ್ರಕ್ರಿಯೆ ನಿರ್ವಹಣೆ ಮತ್ತು ಕಣ್ಗಾವಲಿಗೆ ಕೋ-ವಿನ್ ಎಂಬ ಆ್ಯಪ್ ಅಭಿವೃದ್ಧಿಪಡಿಸಿದೆ. ಈ ಆ್ಯಪ್ ಬಳಸಿ ಅಧಿಕಾರಿಗಳು ಹೇಗೆ ಕಾರ್ಯನಿರ್ವಹಿಸುತ್ತಾರೆ, ಲಸಿಗೆ ಅಗತ್ಯವಿರುವವರು ಹೆಸರು ನೊಂದಾಯಿಸಿಕೊಳ್ಳುವುದು ಹೇಗೆ ಎಂಬಿತ್ಯಾದಿ ಮಾಹಿತಿ ಇಲ್ಲಿದೆ.
Covid-19 ವಿರುದ್ಧ ಲಸಿಕೆ ಹೋರಾಟ ಆರಂಭ; ಫೈಝರ್ ವ್ಯಾಕ್ಸಿನ್ ಪಡೆದ 2ನೇ ವ್ಯಕ್ತಿ ವಿಲಿಯಂ ಶೇಕ್ಸ್ಪಿಯರ್!
ಕೋ ವಿನ್ ಆ್ಯಪ್ ಹೇಗೆ ಕೆಲಸ ಮಾಡುತ್ತದೆ?
- ಕೋ ವಿನ್ ಆ್ಯಪ್ನಲ್ಲಿ 5 ವಿಭಾಗಗಳಿವೆ: ಅಡ್ಮಿನಿಸ್ಪ್ರೇಟರ್, ರಿಜಿಸ್ಪ್ರೇಶನ್, ವ್ಯಾಕ್ಸಿನೇಶನ್, ಬೆನಿಫೀಶಿಯರಿ ಅಕ್ನಾಲೆಡ್ಜ್ಮೆಂಟ್, ರಿಪೋರ್ಟ್ ಮಾಡ್ಯೂಲ್.
- ‘ಅಡ್ಮಿನಿಸ್ಪ್ರೇಟರ್ ಮಾಡ್ಯೂಲ್’ ಲಸಿಕೆ ಶಿಬಿರ ಆಯೋಜಿಸುವವರಿಗೆ ಸೇರಿದ್ದು. ಇದರಲ್ಲಿ ಅವರು ಶಿಬಿರಗಳು, ವ್ಯಾಕ್ಸಿನೇಟರ್ಗಳ ಬಗ್ಗೆ ವಿವರ ನೀಡುತ್ತಾರೆ.
- ರಿಜಿಸ್ಪ್ರೇಶನ್ ಮಾಡ್ಯೂಲ್ನಲ್ಲಿ ಲಸಿಕೆ ಬಯಸುವವರು ಹೆಸರು ನೋಂದಣಿ ಮಾಡಿಕೊಳ್ಳಬೇಕು. ವ್ಯಕ್ತಿಯ ಪೂರ್ವ ಅನಾರೋಗ್ಯ ವಿವರಗಳು ಇರಲ್ಲಿರುತ್ತವೆ.
- ವ್ಯಾಕ್ಸಿನೇಶನ್ ಮಾಡ್ಯೂಲ್ನಲ್ಲಿ ಫಲಾನುಭವಿಯ ವಿವರಗಳನ್ನು ಹಾಗೂ ಅಪ್ಡೇಟ್ ನೀಡಲಾಗುತ್ತದೆ.
- ಲಸಿಕೆ ಪಡೆದ ಫಲಾನುಭವಿಯ ದೃಢೀಕರಣವನ್ನು ಎಸ್ಸೆಮ್ಮೆಸ್ನಲ್ಲಿ ಕಳಿಸಲಾಗುತ್ತದೆ. ಕ್ಯುಆರ್ ಕೋಡ್ ಆಧರಿತ ಸರ್ಟಿಫಿಕೇಟ್ಗಳೂ ಲಭ್ಯ.
ವಿಶ್ವದ ಮೊದಲ ಫೈಝರ್ ಕೊರೋನಾ ಲಸಿಕೆ ಪಡೆದ 90 ವರ್ಷದ ವೃದ್ಧೆ!
- ವರದಿಯಲ್ಲಿ ವಿಭಾಗದಲ್ಲಿ ಲಸಿಕೆ ಆಂದೋಲನಕ್ಕೆ ಎಷ್ಟುಜನ ಬಂದರು ಹಾಗೂ ಎಷ್ಟುಜನರನ್ನು ಕೈಬಿಡಲಾಗಿದೆ ಎಂಬ ವಿವರ ಇರುತ್ತದೆ.
- ಲಸಿಕೆ ಬೇಕೆಂದವರು ಆ್ಯಪ್ ಡೌನ್ಲೋಡ್ ಮಾಡಿ ರಿಜಿಸ್ಪ್ರೇಷನ್ ಮಾಡ್ಯೂಲ್ನಲ್ಲಿ ಹೆಸರು ನೊಂದಾಯಿಸಿಕೊಳ್ಳಬೇಕು.
- ಒಬ್ಬರಿಗೆ ಲಸಿಕೆ ನೀಡಲು 30 ನಿಮಿಷ ಬೇಕು. ಹೀಗಾಗಿ ಪ್ರತಿ ಸೆಷನ್ನಲ್ಲಿ 100 ಜನರಿಗೆ ಮಾತ್ರವೇ ಕೊರೋನಾ ಲಸಿಕೆ ನೀಡಲಾಗುತ್ತದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ