ವಿಮಾನದಲ್ಲಿ ನೋ ಇಂಟರ್ನೆಟ್ ಟೆನ್ಷನ್; ಸಿಗಲಿದೆ ವೈಫೈ!
ಸಾರಾಂಶ
ವಿಮಾನದಲ್ಲೇ ಇನ್ನು ವೈಫೈ! ಕೇಂದ್ರ ಸರ್ಕಾರದ ಅನುಮೋದನೆ | ಇದರ ಬೆನ್ನಲ್ಲೇ ವಿಸ್ತಾರಾ ಏರ್ಲೈನ್ಸ್ನಲ್ಲಿ ವೈಫೈ
ನವದೆಹಲಿ (ಮಾ. 03): ವಿಮಾನ ಏರಿದಾಗ ‘ಮೊಬೈಲ್ ಸ್ವಿಚ್ಆಫ್ ಮಾಡಿ’ ಅಥವಾ ‘ಫ್ಲೈಟ್ ಮೋಡ್ನಲ್ಲಿಡಿ’ ಎಂಬ ಸಂದೇಶ ಬರುವುದು ಮಾಮೂಲು. ಆದರೆ ಇನ್ನು ವಿಮಾನ ಏರಿದಾಗಲೂ ಇಂಟರ್ನೆಟ್ ಲಭ್ಯವಾಗಲಿದ್ದು, ಪ್ರಯಾಣಿಕರು ತಮ್ಮ ಮೊಬೈಲ್, ಟ್ಯಾಬ್ಲೆಟ್, ಸ್ಮಾರ್ಟ್ವಾಚ್ ಹಾಗೂ ಲ್ಯಾಪ್ಟಾಪ್ನಲ್ಲಿ ತಮಗಿಷ್ಟವಾದ ಜಾಲತಾಣಗಳನ್ನು ನೋಡಬಹುದು.
ಎಚ್ಎಎಲ್ನಿಂದಲೂ ಅಪಾಚೆ ಸಾಮರ್ಥ್ಯದ ಕಾಪ್ಟರ್ ತಯಾರಿಕೆ
ಮಾರ್ಚ್ 2 ರಂದು ಕೇಂದ್ರ ಸರ್ಕಾರ ಭಾರತದಲ್ಲಿ ಹಾರಾಡುವ ವಿಮಾನಗಳಲ್ಲಿ ವೈಫೈ ಸೇವೆ ನೀಡಬಹುದು ಎಂದು ಅನುಮತಿ ಕೊಟ್ಟಿದೆ. ‘ಲ್ಯಾಪ್ಟಾಪ್, ಸ್ಮಾರ್ಟ್ಫೋನ್, ಟ್ಯಾಬ್ಲೆಟ್, ಸ್ಮಾರ್ಟ್ವಾಚ್, ಇ-ರೀಡರ್ ಅಥವಾ ಪಾಯಿಂಟ್ ಆಫ್ ಸೇಲ್ ಯಂತ್ರಗಳು ಫ್ಲೈಟ್ ಮೋಡ್ ಅಥವಾ ಏರ್ಪ್ಲೇನ್ ಮೋಡ್ನಲ್ಲಿದ್ದಾಗಲೂ ಪ್ರಯಾಣಿಕರು ಅಂತರ್ಜಾಲ ಸೇವೆ ಪಡೆಯಬಹುದು’ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.
ದೊಡ್ಡ ಹಕ್ಕಿಯೊಳಗೆ ಸಣ್ಣ ಹಕ್ಕಿ! ವಿಮಾನದೊಳಗೆ ಪಾರಿವಾಳ ನುಗ್ಗಿ ಅವಾಂತರ!
ಇದರ ಬೆನ್ನಲ್ಲೇ ಟಾಟಾ ಸಹಭಾಗಿತ್ವದ ವಿಸ್ತಾರಾ ಏರ್ಲೈನ್ಸ್, ವಿಮಾನದಲ್ಲಿ ವೈಫೈ ಸೇವೆ ಒದಗಿಸಲು ಮುಂದಾಗಿದೆ. ಈ ಮೂಲಕ ವಿಮಾನದಲ್ಲಿ ವೈಫೈ ಒದಗಿಸುವ ಮೊದಲ ಕಂಪನಿ ಇದಾಗಲಿದೆ.
ವಿದೇಶಿ ವಿಮಾನಗಳಲ್ಲಿ ವೈಫೈ ಸೌಲಭ್ಯವಿದೆ. ಆದರೆ ಅವು ಭಾರತದ ವಾಯುವಲಯ ಪ್ರವೇಶಿಸಿದರೆ ವೈಫೈ ಕಡಿತ ಮಾಡಬೇಕು ಎಂಬ ನಿಯಮ ಈವರೆಗೂ ಜಾರಿಯಲ್ಲಿತ್ತು.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ