ದೇಶ ಎಂದೂ ಮರೆಯದ ರೈಲು ದುರಂತವಿದು, ಬಿಹಾರದಲ್ಲಿ ಟ್ರೇನ್‌ ಉರುಳಿಬಿದ್ದಾಗ ಸಾವು ಕಂಡಿದ್ದು 800 ಮಂದಿ!

ಜಲಗಾಂವ್‌ನಲ್ಲಿ ರೈಲು ದುರಂತದ ನಂತರ ಹಳೆಯ ರೈಲು ದುರಂತಗಳ ನೆನಪುಗಳು ಮರುಕಳಿಸಿವೆ. 43 ವರ್ಷಗಳ ಹಿಂದೆ ಸಂಭವಿಸಿದ್ದ ರೈಲು ದುರಂತದಲ್ಲಿ ಒಂದೇ ಬಾರಿಗೆ 800 ಮಂದಿ ಜೀವ ಕಳೆದುಕೊಂಡಿದ್ದರು.

ಭಾರತದಲ್ಲಿ ಒಂದಲ್ಲ ಹಲವಾರು ರೈಲು ದುರಂತಗಳು ಸಂಭವಿಸಿವೆ. ಮಹಾರಾಷ್ಟ್ರದ ಜಲಗಾಂವ್‌ವನ್ನು ಬುಧವಾರ ಪರಂದ ನಿಲ್ದಾಣದ ಬಳಿ  ರೈಲು ದುರಂತ ಸಂಭವಿಸಿದೆ. ಬೆಂಕಿ ಹೊತ್ತಿಕೊಂಡ ವದಂತಿ ಬಂದಕಾರಣ ಜನರು ಚಲಿಸುತ್ತಿದ್ದ ರೈಲಿನಿಂದ ಜಿಗಿಯಲು ಪ್ರಾರಂಭಿಸಿದರು. ಇದರಿಂದಾಗಿ ಇನ್ನೊಂದು ಹಳಿಯಲ್ಲಿ ಬರುತ್ತಿದ್ದ ಕರ್ನಾಟಕ ಎಕ್ಸ್‌ಪ್ರೆಸ್‌ ಪ್ರಯಾಣಿಕರ ಮೇಲೆ ಹರಿದು 11 ಮಂದಿ ಸಾವು ಕಂಡಿದ್ದಾರೆ. ಈ ದುರಂತ ಎಲ್ಲರನ್ನೂ ಬೆಚ್ಚಿಬೀಳಿಸಿದೆ. ಆದರೆ, ದೇಶದ ಅತಿ ದೊಡ್ಡ ರೈಲು ದುರಂತ 43 ವರ್ಷಗಳ ಹಿಂದೆ ಬಿಹಾರದಲ್ಲಿ ಸಂಭವಿಸಿತ್ತು, ಇದರಲ್ಲಿ 800 ಜನರು ಸಾವನ್ನಪ್ಪಿದ್ದರು. ಆ ದುರಂತವನ್ನು ಮರೆಯುವುದು ಜನರಿಗೆ ತುಂಬಾ ಕಷ್ಟಕರವಾಗಿತ್ತು. ಈ ದುರಂತ ದೇಶವನ್ನಷ್ಟೇ ಅಲ್ಲ, ಇಡೀ ಜಗತ್ತನ್ನೇ ಬೆಚ್ಚಿಬೀಳಿಸಿತ್ತು.

1981 ಜೂನ್ 6ರಂದು ಈ ದುರಂತ ಸಂಭವಿಸಿದ ಸಮಯದಲ್ಲಿ ಸಂಜೆಯ ಮಳೆಯ ವಾತಾವರಣ. 9 ಬೋಗಿಗಳ ಪ್ಯಾಸೆಂಜರ್ ರೈಲು ಪ್ರಯಾಣಿಕರಿಂದ ತುಂಬಿ ತುಳುಕುತ್ತಿತ್ತು. ರೈಲು ಸಂಖ್ಯೆ 416ಡಿಎನ್ ಮಾನ್ಸಿಯಿಂದ ಸಹರ್ಸಾ ಕಡೆಗೆ ಹೋಗುತ್ತಿತ್ತು. ಈ ಎರಡೂ ಮಾರ್ಗಗಳಲ್ಲಿ ಚಲಿಸುವ ಏಕೈಕ ರೈಲು ಇದಾಗಿತ್ತು, ಇದರಿಂದಾಗಿ ರೈಲಿನಲ್ಲಿ ಹೆಚ್ಚಿನ ಸಂಖ್ಯೆಯ ಪ್ರಯಾಣಿಕರಿದ್ದರು. ರೈಲಿನಲ್ಲಿ ಕುಳಿತುಕೊಳ್ಳಲು ಸ್ಥಳ ಸಿಗದವರು ರೈಲಿನ ಬಾಗಿಲು ಅಥವಾ ಕಿಟಕಿಗಳ ಮೇಲೆ ತೂಗಾಡುತ್ತಾ ಪ್ರಯಾಣಿಸುತ್ತಿದ್ದರು. ರೈಲಿನ ಛಾವಣಿಯ ಮೇಲೂ ಪ್ರಯಾಣಿಕರು ಕುಳಿತಿದ್ದರು.\

ಪುಷ್ಪಕ್ ಎಕ್ಸ್‌ಪ್ರೆಸ್- ಕರ್ನಾಟಕ ಎಕ್ಸ್‌ಪ್ರೆಸ್ ದುರಂತ; ಪ್ರಯಾಣಿಕರ ಮೇಲೆ ಹರಿದ ರೈಲು

ರೈಲು ದುರಂತದಲ್ಲಿ ಒಂದೇ ಹೊಡೆತಕ್ಕೆ ೮೦೦ ಜನರ ಸಾವು: ರೈಲು ಬದ್ಲಾ ಘಾಟ್ ಮತ್ತು ಧಮಾರಾ ಘಾಟ್ ನಿಲ್ದಾಣದ ಮೂಲಕ ಹಾದುಹೋಗುತ್ತಿದ್ದಾಗ ಒಂದು ದೊಡ್ಡ ದುರಂತ ಸಂಭವಿಸಿತು. ರೈಲಿನ 9 ರಿಂದ 7 ಬೋಗಿಗಳು ಉಕ್ಕಿ ಹರಿಯುತ್ತಿದ್ದ ನದಿಗೆ ಬಿದ್ದವು. ಭಯಾನಕ ಕಿರುಚಾಟ ಪ್ರಾರಂಭವಾಯಿತು. ಜನರು ತಮ್ಮ ಪ್ರಾಣ ಉಳಿಸಿಕೊಳ್ಳಲು ಕಿರುಚಲು ಪ್ರಾರಂಭಿಸಿದರು. ಈ ದುರಂತದಲ್ಲಿ ಜನರಿಗೆ ತಕ್ಷಣ ಪರಿಹಾರ ದೊರೆಯಲಿಲ್ಲ. ಈ ದುರಂತದಲ್ಲಿ ಸುಮಾರು 800 ಜನರು ಸಾವನ್ನಪ್ಪಿದರು. ಆದರೆ ಸರ್ಕಾರಿ ಅಂಕಿಅಂಶಗಳ ಪ್ರಕಾರ ಈ ದುರಂತದಲ್ಲಿ 300 ಜನರು ಸಾವನ್ನಪ್ಪಿದ್ದಾರೆ. ದುರಂತ ಎಷ್ಟು ಭಯಾನಕವಾಗಿತ್ತೆಂದರೆ ಹಲವರ ಶವಗಳು ಸಹ ಸಿಗಲಿಲ್ಲ. ಹಲವು ದಿನಗಳವರೆಗೆ ಶೋಧ ಕಾರ್ಯಾಚರಣೆ ನಡೆಸಲಾಯಿತು. ಕೊನೆಗೆ ಶವ ಸಿಗದೆ ಕಾರ್ಯಾಚರಣೆಯನ್ನು ಕೈಬಿಡಲಾಗಿತ್ತು.