☰
ಔರಂಗಬೇಜ್, ಬಾಬರ್, ಜಿನ್ನಾ ಅವರನ್ನು ಮಾದರಿಯಾಗಿ ಮುಂದಿಟ್ಟವರಿಂದ ಪಾಠ ಕಲಿಯಲು ಏನೂ ಇಲ್ಲ. ಒಬ್ಬ ಹಿಂದು ಸುರಕ್ಷಿತವಾಗಿದ್ದರೆ, ಮುಸ್ಲಿಮರು ಸುರಕ್ಷಿತ ಎಂದು ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ. ಸಂಭಾಲ್‌ನಲ್ಲಿ ಅಡಗಿರುವ ಹಿಂದೂ ದೇವಾಲಗಳನ್ನು ಹುಡುಕುತ್ತೇವೆ. ಒಲೈಕೆ ನಮ್ಮಲ್ಲಿಲ್ಲ, ಸುಪ್ರೀಂ ಕೋರ್ಟ್ ಆದೇಶದಿಂದ ಭಾರತದಲ್ಲಿ ನಡೆಯುತ್ತಿರುವ ಏಕೈಕ ರಾಜ್ಯ ಯುಪಿ ಎಂದು ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ. ANI ಗೆ ನೀಡಿದ ವಿಶೇಷ ಸಂದರ್ಶನದ ಆಯ್ದ ಭಾಗ ಇಲ್ಲಿದೆ.
ಲಖನೌ(ಮಾ.27) ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್ ಎಎನ್ಐಗೆ ನೀಡಿದ ವಿಶೇಷ ಸಂದರ್ಶನ ಇದೀಗ ಭಾರಿ ಸಂಚಲನ ಸೃಷ್ಟಿಸಿದೆ. ಯೋಗಿ ಆಡಿದ ಒಂದೊಂದು ಮಾತುಗಳು ಇದೀಗ ಚರ್ಚೆಗೆ ಕಾರಣವಾಗಿದೆ. ಔರಂಗಜೇಬ್ ವಿವಾದ, ಸಂಭಾಲ್ ವಿವಾದ, ಮಹಾಕುಂಭದ ಕಾಲ್ತುಳಿತ, ಇಂಡಿಯಾ ಒಕ್ಕೂಟದ ದೇಶದ್ರೋಹಿ ನಡೆ, ರಾಮ ನವಮಿ ಮೆರವಣಿಗೆ, ಧಾರ್ಮಿಕ ಸ್ಥಳದಲ್ಲಿ ಧ್ವನಿವರ್ಧಕ ಬಳಕೆ, ಕಾಂಗ್ರೆಸ್ ಮುಸ್ಲಿಂ ಒಲೈಕೆ ಸೇರಿದಂತೆ ಹಲವು ವಿಚಾರಗಳ ಕುರಿತು ಯೋಗಿ ಆದಿತ್ಯನಾಥ್ ಮುಕ್ತವಾಗಿ ಮಾತನಾಡಿದ್ದಾರೆ. ANI ಸಂದರ್ಶನದ ಪ್ರಮುಖ ಭಾಗ ಇಲ್ಲಿದೆ.
ಯೋಗಿ ಆದಿತ್ಯನಾಥ್ ಸರ್ಕಾರ 8 ವರ್ಷ ಪೂರೈಸಿದ ಹಿನ್ನಲೆಯಲ್ಲಿ ANI ಯುಪಿ ಮುಖ್ಯಮಂತ್ರಿ ಜೊತೆ ವಿಶೇಷ ಸಂದರ್ಶನ ನಡೆಸಿದೆ. ಈ ಸಂದರ್ಶನದಲ್ಲಿ ಕೇಳಿದ ಹಲವು ಪ್ರಶ್ನೆಗಳಿಗೆ ಯೋಗಿ ಖಡಕ್ ಉತ್ತರ ನೀಡಿದ್ದಾರೆ. ಹಿಂದೂಗಳು ಸುರಕ್ಷಿತವಾಗಿದ್ದರೆ ಮುಸ್ಲಿಮರು ಸುರಕ್ಷಿತ. 100 ಹಿಂದೂಗಳ ನಡುವೆ ಒಬ್ಬ ಮುಸ್ಲಿಮ್ ಸುರಕ್ಷಿತ. ಆದೇ ಮುಸ್ಲಿಮರ ನಡುವೆ ಹಿಂದೂಗಳು ಸುರಕ್ಷಿತವಾಗಿದ್ದಾರ? ಬಾಂಗ್ಲಾದೇಶದಲ್ಲಿ ಹಿಂದೂಗಳ ಮೇಲೆ ಏನಾಗುತ್ತಿದೆ ಎಂದು ಯೋಗಿ ಆದಿತ್ಯನಾಥ್ ಪ್ರಶ್ನಿಸಿದ್ದಾರೆ.
ಆಗ್ರಾ ಮೊಘಲರಿಗೆ ಹೆಸರುವಾಸಿಯಲ್ಲ,ಛತ್ರಪತಿ ಶಿವಾಜಿ ಮಹಾರಾಜರಿಗೆ: ಸಿಎಂ ಯೋಗಿ
ಔರಂಗಜೇಬ್ ಕ್ರೌರ್ಯಕ್ಕೆ ಸಾಕ್ಷಿ ಬೇಕೆ?
ಔರಂಗಜೇಬ್ ಮಾಡಿದ ಕ್ರೌರ್ಯಕ್ಕೆ ಸಾಕ್ಷಿಗಳು ಬೇಕೆ? ಮಹಾರಾಣಾ ಪ್ರತಾಪ್, ರಾಣಾ ಸಂಗ, ಛತ್ರಪತಿ ಶಿವಾಜಿ ಮಹಾರಾಜ್, ಗುರು ಗೋಬಿಂದ್ ಸಿಂಗ್ ಇವರ ಮೇಲೆ ನಡೆದಿದ್ದೇನು? ಔರಂಗಜೇಬ್, ಬಾಬರ್, ಮೊಹಮ್ಮದ್ ಆಲಿ ಜಿನ್ನಾ ಮಾದರಿಯಾಗಿಟ್ಟುಕೊಂಡರಿಂದ ಕಲಿಯಲು ಏನೂ ಇಲ್ಲ. ಅವರು ನಮಗೆ ಇತಿಹಾಸದ ಪಾಠ ಮಾಡುವ ಅಗತ್ಯವಿಲ್ಲ ಎಂದು ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ.
ವಕ್ಫ್ ಮಸೂದೆ ವಿರೋಧಕ್ಕೆ ಯೋಗಿ ಉತ್ತರವೇನು?
ಮಸೀದಿಗಳು ಮತ್ತು ವಕ್ಫ್ ಆಸ್ತಿಗಳ ಬಗ್ಗೆ, ಬಿಜೆಪಿ ಉದ್ದೇಶಗಳ ಬಗ್ಗೆ ತಪ್ಪು ಮಾಹಿತಿ ಹರಡುತ್ತಿರುವ ವಿರೋಧ ಪಕ್ಷಗಳನ್ನು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಟೀಕಿಸಿದ್ದಾರೆ. ಯುಪಿ ಸಿಎಂ ಯೋಗಿ ಆದಿತ್ಯನಾಥ್ ವಿರೋಧ ಪಕ್ಷದ ಉದ್ದೇಶಗಳನ್ನು ಪ್ರಶ್ನಿಸಿದ್ದಾರೆ. ವಕ್ಫ್ ಹೆಸರಿನಲ್ಲಿ ಅವರು ಎಷ್ಟು ಭೂಮಿಯನ್ನು ವಶಪಡಿಸಿಕೊಂಡಿದ್ದಾರೆ? ವಕ್ಫ್ ಆಸ್ತಿಗಳನ್ನು ಬಳಸಿ ಅವರು ಯಾವ ಕಲ್ಯಾಣ ಉಪಕ್ರಮಗಳನ್ನು ಕೈಗೊಂಡಿದ್ದಾರೆ ಎಂದು ಕೇಳಿದರು.
ವಕ್ಫ್ ಆಸ್ತಿಗಳನ್ನು ವೈಯಕ್ತಿಕ ಲಾಭಕ್ಕಾಗಿ ದುರುಪಯೋಗಪಡಿಸಿಕೊಳ್ಳಲಾಗಿದೆ ಎಂದು ಯೋಗಿ ಆದಿತ್ಯನಾಥ್ ಆರೋಪಿಸಿದ್ದಾರೆ. ಕೆಲವು ಆಸ್ತಿಗಳನ್ನು ಅನೇಕ ಖರೀದಿದಾರರಿಗೆ ಮಾರಾಟ ಮಾಡಲಾಗಿದೆ. ಎಷ್ಟು ಭೂಮಿಯನ್ನು ವಶಪಡಿಸಿಕೊಳ್ಳುತ್ತೀರಿ? ಎರಡನೆಯದಾಗಿ, ಅವರು ವಕ್ಫ್ ಹೆಸರಿನಲ್ಲಿ ಯಾವುದೇ ಕಲ್ಯಾಣವನ್ನು ಮಾಡಿದ್ದಾರೆಯೇ? ನೀವು ಒಂದನ್ನು ಹೆಸರಿಸಲು ಸಾಧ್ಯವಿಲ್ಲ. ನೋಡಿ, ಅವರು ಆ ಆಸ್ತಿಯನ್ನು ತಮ್ಮ ವೈಯಕ್ತಿಕ ಸ್ವಾರ್ಥಕ್ಕಾಗಿ ದುರುಪಯೋಗಪಡಿಸಿಕೊಂಡಿದ್ದಾರೆ. ಅದನ್ನು ಯಾವುದೇ ಬೆಲೆಗೆ ಮಾರಾಟ ಮಾಡಲಾಗಿದೆ. ಇಂದು ಪರಿಸ್ಥಿತಿ ಏನು? ಅವರು ಒಂದು ಆಸ್ತಿಯನ್ನು ಅನೇಕ ಜನರಿಗೆ ಮಾರಾಟ ಮಾಡಿದ್ದಾರೆ. ಈಗ ಅದರಿಂದ ವಿವಾದವಿದೆ." ಎಂದು ಯೋಗಿ ಆದಿತ್ಯನಾಥ್ ಹೇಳಿದರು. ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳಲು ವಕ್ಫ್ ಮಂಡಳಿಗೆ ಇರುವ ಅಧಿಕಾರವನ್ನು ಆದಿತ್ಯನಾಥ್ ಪ್ರಶ್ನಿಸಿದ್ದಾರೆ. ಸರ್ಕಾರಗಳನ್ನು ಬ್ಲ್ಯಾಕ್ಮೇಲ್ ಮಾಡಲು ತಮ್ಮ ಅಧಿಕಾರವನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ ಎಂದು ಆರೋಪಿಸಿದ್ದಾರೆ. ಆಸ್ತಿಗಳನ್ನು ಮತ್ತು ಸಾರ್ವಜನಿಕ ಭೂಮಿಯನ್ನು ಸಮರ್ಥನೆಯಿಲ್ಲದೆ ವಶಪಡಿಸಿಕೊಂಡು ಆಘಾತಕಾರಿ ನಿರ್ಧಾರಗಳನ್ನು ತೆಗೆದುಕೊಂಡಿದ್ದಾರೆ ಎಂದು ಹೇಳಿದರು.
ಮೃತ್ಯಕುಂಭ ಆರೋಪಕ್ಕೆ ಯೋಗಿ ಮೃತ್ಯುಂಜಯ ಮಹಾಕುಂಭ ಉತ್ತರ
ಪ್ರಯಾಗ್‌ರಾಜ್‌ನಲ್ಲಿ ನಡೆದ ಮಹಾಕುಂಭ ಕಾರ್ಯಕ್ರಮದಲ್ಲಿ ನಡೆದ ಅವಘಡವನ್ನು ಆಧಾರವಾಗಿಟ್ಟುಕೊಂಡು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಹಾಕುಂಭ ಅಲ್ಲ ಮೃತ್ಯು ಕುಂಭ ಎಂದು ಟೀಕಿಸಿದ್ದರು. ಪಶ್ಚಿಮ ಬಂಗಾಳ ಸರ್ಕಾರವು ಬಂಗಾಳದಿಂದ ಪ್ರಯಾಗ್‌ರಾಜ್‌ಗೆ ಭಕ್ತರ ದೊಡ್ಡ ಸಂಖ್ಯೆಯ ಆಗಮನದಿಂದ ಭಯಭೀತವಾಗಿತ್ತು. ಜನವರಿ 13 ರಿಂದ ಫೆಬ್ರವರಿ 26 ರವರೆಗೆ ಪ್ರತಿದಿನ 50,000 ರಿಂದ 100,000 ಯಾತ್ರಿಕರು ಬರುತ್ತಿದ್ದರು. ಕಾಂಗ್ರೆಸ್, ಆರ್‌ಜೆಡಿ ಮತ್ತು ಸಮಾಜವಾದಿ ಪಕ್ಷ ಸೇರಿದಂತೆ ವಿರೋಧ ಪಕ್ಷಗಳ ನಕಾರಾತ್ಮಕ ಟೀಕೆಗಳನ್ನು ಅವರು "ಭಾರತದ ನಂಬಿಕೆಗೆ ಮಾಡಿದ ಅವಮಾನ" ಮತ್ತು "ತುಷ್ಟೀಕರಣ ಎಂದು ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ.
ಕಾಲ್ತುಳಿತದ ಘಟನೆಯಲ್ಲಿ ಸಾವು ಸಂಭವಿಸಿದೆ. ಈ ಘಟನೆ ಕುರಿತು ನ್ಯಾಯಾಂಗ ಆಯೋಗವನ್ನು ರಚಿಸಲಾಗಿದೆ. ನಾವು ಒಂದು ತಿಂಗಳ ಸಮಯವನ್ನು ನೀಡಿದ್ದೇವೆ, ಆದರೆ ಉಚ್ಚ ನ್ಯಾಯಾಲಯವು ವಿಸ್ತರಣೆಗೆ ಕೇಳಿದೆ. ಆದ್ದರಿಂದ, ನಾವು ಆ ಸಮಯದ ಪ್ರಕಾರ ಮುಂದುವರಿಯುತ್ತಿದ್ದೇವೆ. ಆಯೋಗವು ಎಲ್ಲಾ ಕಡೆಯಿಂದ ಹೇಳಿಕೆಗಳನ್ನು ಪಡೆಯುತ್ತಿದೆ ಮತ್ತು ಸತ್ಯಗಳನ್ನು ಸಂಗ್ರಹಿಸುತ್ತಿದೆ - ರಾಜ್ಯ ಸರ್ಕಾರವು ಏನು ಒದಗಿಸಿದೆ ಎಂಬುದನ್ನು ಒಳಗೊಂಡಂತೆ, ತೀರ್ಮಾನಗಳನ್ನು ಸಲ್ಲಿಸುತ್ತದೆ. ಅದರ ನಂತರ, ನಾವು ವರದಿಯ ಆಧಾರದ ಮೇಲೆ ಮುಂದುವರಿಯುತ್ತೇವೆ" ಎಂದು ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ. ಈ ಕಾರ್ಯಕ್ರಮವು ನಿಜಕ್ಕೂ "ಮೃತ್ಯುಂಜಯ ಮಹಾಕುಂಭ" ಆಗಿತ್ತು ಎಂದು ಯೋಗಿ ಹೇಳಿದ್ದಾರೆ.
ಸಿಎಂ ಯೋಗಿ ವಿಮಾನದಲ್ಲಿ ತಾಂತ್ರಿಕ ದೋಷದಿಂದ ಎದುರಾದ ಆತಂಕ, ಖೇರಿಯಾದಲ್ಲಿ ತುರ್ತು ಭೂಸ್ಪರ್ಶ
ಇಂಡಿಯಾ ಒಕ್ಕೂಟದಿಂದ ಜಾರ್ಜ್ ಸೊರೊಸ್ ಹಣ ಬಳಕೆ
ಕಾಂಗ್ರೆಸ್ ಮತ್ತು INDIA ಮೈತ್ರಿಕೂಟದ ಮಿತ್ರಪಕ್ಷಗಳು ಶತಕೋಟ್ಯಾಧಿಪತಿ ಜಾರ್ಜ್ ಸೋರೋಸ್ ಅವರ ಹಣವನ್ನು 2024 ರ ಲೋಕಸಭಾ ಚುನಾವಣೆಗಳ ಮೇಲೆ ಪ್ರಭಾವ ಬೀರಲು ಬಳಸಿಕೊಂಡಿವೆ ಎಂದು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಗಂಭೀರ ಆರೋಪ ಮಾಡಿದ್ದಾರೆ. ಲೋಕಸಭಾ ಚುನಾವಣೆಗಳಲ್ಲಿ ಇಡೀ ದೇಶದಲ್ಲಿ ವಿದೇಶಿ ಹಣವು ಭಾಗಿಯಾಗಿತ್ತು, ಇದರಲ್ಲಿ ಕಾಂಗ್ರೆಸ್ ಮತ್ತು INDIA ಮೈತ್ರಿಕೂಟದ ಇತರ ಪಕ್ಷಗಳು ನೇರವಾಗಿ ಅಥವಾ ಪರೋಕ್ಷವಾಗಿ ಭಾಗಿಯಾಗಿದ್ದವು ಮತ್ತು ಇದರ ಮೂಲಕ ಅವರು ಚುನಾವಣೆಗಳ ಮೇಲೆ ಪ್ರಭಾವ ಬೀರಲು ಪ್ರಯತ್ನಿಸಿದರು ಎಂದು ನಾನು ಹೇಳುತ್ತಿದ್ದೇನೆ. ಇದು ದೇಶದ್ರೋಹದ ವ್ಯಾಪ್ತಿಗೆ ಬರುತ್ತದೆ." ಎಂದಿದ್ದಾರೆ. ಇಂಡಿಯಾ ಒಕ್ಕೂಟ ಮಾಡಿದ ಅಪಪ್ರಚಾರದಲ್ಲಿ ವಿದೇಶಿ ಹಣವೂ ಸೇರಿತ್ತು. ಜಾರ್ಜ್ ಸೋರೋಸ್ ಬಹಳ ಹಿಂದೆಯೇ ಇದನ್ನು ಘೋಷಿಸಿದ್ದರು... ಲೋಕಸಭಾ ಚುನಾವಣೆಗಳಲ್ಲಿ ಇಡೀ ದೇಶದಲ್ಲಿ ವಿದೇಶಿ ಹಣವು ಭಾಗಿಯಾಗಿತ್ತು, ಇದರಲ್ಲಿ ಕಾಂಗ್ರೆಸ್ ಮತ್ತು INDIA ಮೈತ್ರಿಕೂಟದ ಇತರ ಪಕ್ಷಗಳು ನೇರವಾಗಿ ಅಥವಾ ಪರೋಕ್ಷವಾಗಿ ಭಾಗಿಯಾಗಿದ್ದವು ಮತ್ತು ಇದರ ಮೂಲಕ ಅವರು ಚುನಾವಣೆಗಳ ಮೇಲೆ ಪ್ರಭಾವ ಬೀರಲು ಪ್ರಯತ್ನಿಸಿದರು ಎಂದು ನಾನು ಹೇಳುತ್ತಿದ್ದೇನೆ.
ಕರ್ನಾಟಕ ಕಾಂಗ್ರೆಸ್ ತಂದ ಮುಸ್ಲಿಂ ಮೀಸಲಾತಿ ವಿರುದ್ದ ಯೋಗಿ ಕಿಡಿ
ಕಾಂಗ್ರೆಸ್ ನೇತೃತ್ವದ ಕರ್ನಾಟಕ ಸರ್ಕಾರವು ಧರ್ಮದ ಆಧಾರದ ಮೇಲೆ ಮೀಸಲಾತಿ ನೀಡುವುದು ಬಾಬಾಸಾಹೇಬ್ ಭೀಮರಾವ್ ಅಂಬೇಡ್ಕರ್ ಅವರ ಸಂವಿಧಾನಕ್ಕೆ ಮಾಡಿದ ಅವಮಾನ ಎಂದು ಹೇಳಿದರು.
ಲಾಠಿ ಶೈಲಿಯ ಆಡಳಿತದ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಮುಖ್ಯಮಂತ್ರಿಗಳು, "ಈ ಲಾಠಿ ನಮ್ಮ ಸಹೋದರಿಯರು, ಹೆಣ್ಣುಮಕ್ಕಳು, ವ್ಯಾಪಾರಿಗಳನ್ನು ರಕ್ಷಿಸುವುದಲ್ಲದೆ, ಮಾಫಿಯಾ ಮತ್ತು ಗೂಂಡಾಗಳನ್ನು ನಿಭಾಯಿಸುತ್ತದೆ. ಇದು ನಮ್ಮ ದಬಾಂಗ್ ಶೈಲಿಯಲ್ಲ, ಇದು ನಮ್ಮ ಸಜ್ಜನಿಕೆಯ ಶೈಲಿ ಎಂದಿದ್ದಾರೆ.
