ಖ್ಯಾತ ನಟಿ, ರೀಲ್ಸ್ ರಾಣಿ ಅಪಹರಣ: ಅಮ್ಮನೊಂದಿಗೆ ಬರುತ್ತಿದ್ದಾಗ ಕಾರಿನಲ್ಲಿ ಬಂದು ಕಿಡ್ನಾಪ್

ಖ್ಯಾತ ಹಾಸ್ಯ ನಟಿ ಹಾಗೂ ಸೋಶಿಯಲ್ ಮೀಡಿಯಾ ಸ್ಟಾರ್ ಯುವತಿ ಅಮ್ಮನೊಂದಿಗೆ ಮಾರುಕಟ್ಟೆಯಿಂದ ಹಿಂತಿರುಗುವಾಗ ಕಿಡಿಗೇಡಿಗಳು ಕಾರಿನಲ್ಲಿ ಬಂದು ಅಪಹರಣ ಮಾಡಿಕೊಂಡು ಹೋಗಿದ್ದಾರೆ. ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.

ಭಾರತದಲ್ಲಿ ಅನೇಕ ಯುವಜಾನರು ಸೋಶಿಯಲ್‌ ಮೀಡಿಯಾ ಸ್ಟಾರ್‌ಗಳಾಗಿ ಮನರಂಜಾನೆ ನೀಡುತ್ತಿದ್ದಾರೆ. ಇವರು ಕಂಡ ಕಂಡಲ್ಲೆಲ್ಲಾ ರೀಲ್ಸ್‌ ಮಾಡುತ್ತಾ ನಿಲ್ಲುತ್ತಾರೆ. ಇನ್ನು ಅವರ ರೀಲ್ಸ್ ನೋಡಿದ ಕೆಲವು ಅಭಿಮಾನಿಗಳು ಪ್ರೋತ್ಸಾಹಿಸಿದರೆ, ಮತ್ತೆ ಕೆಲವರು ಅವರ ರೀಲ್ಸ್ ಕಂಡರೆ ಸಹಿಸಲಾಗದ ಕೆಟ್ಟದಾಗಿ ಮಾತನಾಡುತ್ತಾರೆ. ಆದರೆ, ಇದೀಗ ಅಮ್ಮನ ಜೊತೆಗೆ ನಡೆದುಕೊಂಡು ಹೋಗುತ್ತಿದ್ದ ರೀಲ್ಸ್ ರಾಣಿಯನ್ನು ಕಿಡಿಗೇಡಿಗಳು ಕಾರಿನಲ್ಲಿ ಕಿಡ್ನಾಪ್ ಮಾಡಿಕೊಂಡು ಹೋಗಿದ್ದಾರೆ.

ರಾಜಸ್ಥಾನದ ಬಿಕಾನೇರ್ ಜಿಲ್ಲೆಯ ಪ್ರಸಿದ್ಧ ಸಾಮಾಜಿಕ ಜಾಲತಾರೆ ಮತ್ತು ಹಾಸ್ಯನಟಿ ಜಾನವಿ ಮೋದಿ ಅವರನ್ನು ಅಪಹರಿಸಲಾಗಿದೆ. ಅವರು ತಮ್ಮ ತಾಯಿಯೊಂದಿಗೆ ಮಾರುಕಟ್ಟೆಯಿಂದ ಹಿಂತಿರುಗುತ್ತಿದ್ದರು. ಈ ವೇಳೆ ದುಷ್ಕರ್ಮಿಗಳು ಬಂದು ಜಾನವಿಯನ್ನು ಕಾರಿನಲ್ಲಿ ಎಳೆದೊಯ್ದರು. ಈಗ ಕುಟುಂಬದಿಂದ ಓರ್ವ ಯುವಕನ ವಿರುದ್ಧ ಪೊಲೀಸರಿಗೆ ದೂರು ನೀಡಲಾಗಿದೆ. ಪೊಲೀಸರ ವಿವಿಧ ತಂಡಗಳು ಸಾಮಾಜಿಕ ಜಾಲತಾಣ ತಾರೆಯನ್ನು ಹುಡುಕುತ್ತಿವೆ.

ಜಾನವಿ ಮೋದಿ ಯಾರು?
ಅಪಹರಣಕ್ಕೊಳಗಾದ ಹುಡುಗಿಯ ಹೆಸರು ಜಾನವಿ ಮೋದಿ. ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಇದರೊಂದಿಗೆ ಜಾನವಿ ಮೋದಿ ಹಲವಾರು ಮಾರ್ವಾಡಿ ಕಿರುಚಿತ್ರಗಳಲ್ಲಿಯೂ ನಟಿಸಿದ್ದಾರೆ. ಇದರಲ್ಲಿ ಅವರು ಸೊಸೆ ಅಥವಾ ಮಗಳ ಪಾತ್ರವನ್ನು ನಿರ್ವಹಿಸುತ್ತಾರೆ. ಸಾಮಾಜಿಕ ಜಾಲತಾಣಗಳಲ್ಲಿಯೂ ಸಾಕಷ್ಟು ರೀಲ್‌ಗಳನ್ನು ಅಪ್‌ಲೋಡ್ ಮಾಡುತ್ತಾರೆ. ಅವರ ಸಾಮಾಜಿಕ ಜಾಲತಾಣಗಳಲ್ಲಿ ಸಾವಿರಾರು ಅನುಯಾಯಿಗಳಿದ್ದಾರೆ.

ಇದನ್ನೂ ಓದಿ: ಮದುವೆ ಮನೆಗೆ ಅತಿಥಿಯಂತೆ ಬಂದು 7 ವರ್ಷದ ಬಾಲಕಿಯನ್ನ ಹೊತ್ತೊಯ್ದ ಪಾತಕಿ!

ಮಗಳ ಅಪಹರಣದ ಕಥೆ ಬಿಚ್ಚಿಟ್ಟ ತಾಯಿ: ಜಾನವಿಯ ತಾಯಿ ಪುಷ್ಪಾ ಅವರು ತಮ್ಮ ಮಗಳೊಂದಿಗೆ ಮಾರುಕಟ್ಟೆಯಿಂದ ಹಿಂತಿರುಗುತ್ತಿದ್ದರು ಎಂದು ಹೇಳಿದರು. ಈ ವೇಳೆ ಬೈಕ್‌ನಲ್ಲಿ ಇಬ್ಬರು ದುಷ್ಕರ್ಮಿಗಳು ಬಂದು ಪುಷ್ಪಾ ಅವರನ್ನು ತಳ್ಳಿ, ಹತ್ತಿರದಲ್ಲೇ ನಿಲ್ಲಿಸಿದ್ದ ಕಾರಿನಲ್ಲಿ ಜಾನವಿಯನ್ನು ಎಳೆದೊಯ್ದರು. ಅಪಹರಣಕಾರರಲ್ಲಿ ಒಬ್ಬನ ಹೆಸರು ತರುಣ್, ಅವನು ಬಿಕಾನೇರ್‌ನವನು. ಆ ಹುಡುಗನ ಮೊಬೈಲ್ ಸಂಖ್ಯೆಯನ್ನು ಪೊಲೀಸರಿಗೆ ನೀಡಲಾಗಿದೆ. ಪೊಲೀಸರು ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ ಎಂದು ತಾಯಿ ಹೇಳಿದ್ದಾರೆ.

ಪೊಲೀಸರಿಂದ ವಿಶೇಷ ತಂಡ ರಚನೆ: ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಕೈಲಾಶ್ ಅವರು ಯುವತಿ ಕುಟುಂಬದಿಂದ ಒಬ್ಬ ಯುವಕನ ಹೆಸರು ಹೇಳಿ ದೂರು ದಾಖಲಿಸಲಾಗಿದೆ. ಇದರ ಆಧಾರದ ಮೇಲೆ ಇಡೀ ಪ್ರಕರಣದ ತನಿಖೆ ನಡೆಯುತ್ತಿದೆ. ಹುಡುಗಿ ಮತ್ತು ಆರೋಪಿಯನ್ನು ಹುಡುಕಲು ವಿವಿಧ ತಂಡಗಳನ್ನು ರಚನೆ ಮಾಡಲಾಗಿದ್ದು, ಆಕೆಗಾಗಿ ಹುಡುಕಾಟ ನಡೆಸುತ್ತಿವೆ ಎಂದು ಮಾಹಿತಿ ನೀಡಿದರು.

ಇದನ್ನೂ ಓದಿ: ಬಾಲಿವುಡ್​ಗೆ ಮೊನಾಲಿಸಾ: ನಿರ್ದೇಶಕ ಸನೋಜ್​ ಮಿಶ್ರಾ ಆಫರ್​- ರಾಣು ಸ್ಥಿತಿ ಆಗದಿರಲಿ ಅಂತಿರೋ ಫ್ಯಾನ್ಸ್​