ಆಯಸ್ಸು ಗಟ್ಟಿ ಇದ್ರೆ ಹೀಗೂ ಆಗತ್ತೆ! ವಾಟರ್​ ಟ್ಯಾಂಕ್​ ಬಿದ್ದರೂ ಮಹಿಳೆ ಜಸ್ಟ್​ ಮಿಸ್​: ಶಾಕಿಂಗ್​ ವಿಡಿಯೋ ವೈರಲ್

ಆಯಸ್ಸು ಗಟ್ಟಿ ಇದ್ರೆ ಏನೆಲ್ಲಾ  ಪವಾಡ ನಡೆಯಬಹುದು ಎನ್ನುವುದಕ್ಕೆ ಸಾಕ್ಷಿಯಾಗಿದೆ  ಸಾವಿನ ದವಡೆಯಿಂದ ಮಹಿಳೆ ಜಸ್ಟ್​ ಮಿಸ್​ ಆಗಿರೋ ಈ ವಿಡಿಯೋ   

ಆಯಸ್ಸು ಗಟ್ಟಿ ಇದ್ರೆ ಏನಾದ್ರೂ ಪವಾಡ ನಡೆಯತ್ತೆ, ಆಯಸ್ಸು ಮುಗಿದಿದ್ರೆ ಏನೇ ಮಾಡಿದ್ರೂ ಜೀವ ಉಳಿಸಲು ಸಾಧ್ಯವಿಲ್ಲ ಎನ್ನುವ ಮಾತು ಹಲವಾರು ಬಾರಿ ಸಾಬೀತು ಆಗುತ್ತಲೇ ಇರುತ್ತದೆ. ತುಂಬಾ ಚೆನ್ನಾಗಿರೋ ವ್ಯಕ್ತಿ, ಜೀವನ ಪೂರ್ತಿ ಕಾಯಿಲೆಗಳಿಗೆ ತುತ್ತಾಗದೇ ಇರುವಾತ ದಿಢೀರ್​ ಎಂದು ಸಾವನ್ನಪ್ಪುವ ಘಟನೆಗಳು ಆಗಾಗ್ಗೆ ನಡೆಯುತ್ತಲೇ ಇರುತ್ತವೆ, ಆಯಸ್ಸು ಮುಗಿದರೆ ಹೀಗೆಲ್ಲಾ ಆಗುತ್ತದೆ. ಅದೇ ಇನ್ನೊಂದೆಡೆ, ಆಯಸ್ಸು ಗಟ್ಟಿಯಿದ್ದರೆ ಭಯಾತಿಭಯಂಕರ ಘಟನೆ ನಡೆದರೂ ಕೂದಲೆಳೆ ಅಂತರದಲ್ಲಿ ಪವಾಡಸದೃಶವಾಗಿ ಬದುಕುವ ಘಟನೆಗಳೂ ನಡೆಯುತ್ತವೆ. ಇದೀಗ ಮಹಿಳೆಯೊಬ್ಬರು ಪ್ರಾಣಾಪಾಯದಿಂದ ಜಸ್ಟ್​ ಮಿಸ್​ ಆಗಿರೋ ಕುತೂಹಲದ ಘಟನೆಯೊಂದು ನಡೆದಿದ್ದು, ಅದರ ವಿಡಿಯೋ ಈಗ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

ಈ ಘಟನೆ ಸೂರತ್​ನಲ್ಲಿ ನಡೆದಿದೆ. ಮಹಿಳೆಯೊಬ್ಬರು ಹಣ್ಣನ್ನು ತಿನ್ನುತ್ತಾ ಬರುವುದನ್ನು ವಿಡಿಯೋದಲ್ಲಿ ನೋಡಬಹುದು. ಇದ್ದಕ್ಕಿದ್ದಂತೆಯೇ ಅವರ ಮೈಮೇಲೆ ಖಾಲಿಯಾಗಿರುವ ವಾಟರ್​ಟ್ಯಾಂಕ್​ ಬಿದ್ದಿದೆ. ಆದರೆ ಅಚ್ಚರಿ ಎನ್ನಬೇಕೋ, ಪವಾಡ ಎನ್ನಬೇಕೋ, ದೈವಲೀಲೆ ಎನ್ನಬೇಕೋ... ಒಟ್ಟಿನಲ್ಲಿ ಆ ವಾಟರ್​ಟ್ಯಾಂಕ್​ ಯಾವ ರೀತಿ ಬಿದ್ದಿದೆ ಎಂದರೆ ಇದು ಯಾವುದೋ ಶೂಟಿಂಗ್​ ದೃಶ್ಯವಿರಬೇಕು ಎನ್ನಿಸದೇ ಇರಲಾರದು. ಮಹಿಳೆ ಆ ವಾಟರ್​ಟ್ಯಾಕ್​ ಒಳಗೆ ಇರುವಂತೆ ಅದು ಬಿದ್ದಿದೆ. ಅಂದರೆ ವಾಟರ್​ಟ್ಯಾಂಕ್​ ಮಹಿಳೆಯ ಸುತ್ತಲೂ ಬಿದ್ದಿರುವ ಕಾರಣ, ಆ ಟ್ಯಾಂಕ್​ ಒಳಗೆ ಮಹಿಳೆ ಹೊಕ್ಕಿದ್ದಾಳೆ. ಒಂದು ಹೆಜ್ಜೆ ಆಚೀಚೆ ಆಗಿದ್ದರೂ ಬಹುಶಃ ಮಹಿಳೆಯ ಜೀವಕ್ಕೆ ಅದು ಕುತ್ತು ತರುವಂತಿತ್ತು.

ಟ್ಯಾಂಕ್​ ಬಿದ್ದ ರಭಸದ ಶಬ್ದಕ್ಕೆ ಎಲ್ಲರೂ ಓಡೋಡಿ ಬಂದಿದ್ದಾರೆ. ಏನಾಯಿತು ಎಂದು ಯಾರಿಗೂ ತಿಳಿಯದ ರೀತಿಯಲ್ಲಿ ಮಹಿಳೆ ಅದರ ಒಳಗೆ ಸಿಲುಕಿದ್ದಾರೆ. ಕೊನೆಗೆ ಎಲ್ಲರೂ ಟ್ಯಾಂಕ್​ ಎಲ್ಲಿಂದ ಬಿತ್ತು ಎಂದು ನೋಡಿದ್ದಾರೆ. ಮಹಿಳೆ ಕೂಡ ಯಾವುದೇ ಹಾನಿಗೆ ಒಳಗಾಗದೇ ಚೆನ್ನಾಗಿ ಇರುವುದನ್ನು ಈ ವಿಡಿಯೋದಲ್ಲಿ ನೋಡಬಹುದು. 

ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆಯೇ ಹಲವರು ದೇವರು ದೊಡ್ಡವನು ಎಂದಿದ್ದರೆ, ಮತ್ತೆ ಕೆಲವರು ಇದು ಮಹಿಳೆ ತಿನ್ನುತ್ತಿರುವ ಆ್ಯಪ್ಪಲ್​ ಪ್ರಭಾವ ಎಂದು ತಮಾಷೆ ಮಾಡಿದ್ದಾರೆ. ಮೈಮೇಲೆ ಟ್ಯಾಂಕ್​ ಬಿದ್ದರೂ ಆಂಟಿ ಆ್ಯಪ್ಪಲ್​ ತಿನ್ನುತ್ತಲೇ ಇದ್ದಾರೆ ಎಂದು ಮತ್ತೆ ಕೆಲವರು ಕಾಲೆಳೆಯುತ್ತಿದ್ದಾರೆ. ಮೈಮೇಲೆ ಇಂಥ ಟ್ಯಾಂಕ್​ ಬಿದ್ದರೂ ಆರಾಮಾಗಿ ಅದರ ಒಳಗಿನಿಂದ ಎದ್ದು ಬಂದು ಸಮಚಿತ್ತ ಕಾಯ್ದುಕೊಂಡ ಮಹಿಳೆಯನ್ನು ಕೆಲವರು ಶ್ಲಾಘಿಸಿದರೆ, ಈ ಆಂಟಿಗೆ ತಾನು ಬಚಾವಾದೆ ಎನ್ನುವ ಖುಷಿ ಪಡುವ ಬದಲು ಆಗಲೂ ಕಾಲುಕೆರೆದು ಜಗಳಕ್ಕೆ ಹೋಗಿದ್ದಾಳೆ ಎಂದು ಮತ್ತೆ ಕೆಲವರು ಹೇಳುತ್ತಿದ್ದಾರೆ.