ಸಿಂಹ ಸಾವು ಬೆನ್ನ​ಲ್ಲೇ, ತಮಿ​ಳ್ನಾಡಲ್ಲಿ 56 ಆನೆ​ಗ​ಳಿಗೆ ಕೋವಿಡ್‌ ಟೆಸ್ಟ್‌!

* ಹೆಣ್ಣು ಸಿಂಹ​ವೊಂದು ಕೊರೋ​ನಾ​ದಿಂದಾಗಿ ಸಾವು * ಸಿಂಹ ಸಾವು ಬೆನ್ನ​ಲ್ಲೇ, ತಮಿ​ಳ್ನಾಡಲ್ಲಿ 56  ಆನೆ​ಗ​ಳಿಗೆ ಕೋವಿಡ್‌ ಟೆಸ್ಟ್‌ * ಸಮೀಪದ 2 ಉದ್ಯಾನವನಗಳಲ್ಲಿ ಇರುವ 56 ಆನೆ​ಗಳ ಗಂಟಲು ದ್ರವ ಪರೀ​ಕ್ಷೆಗೆ ಸೂಚನೆ  

ಚೆನ್ನೈ(ಜೂ.09): ಇಲ್ಲಿನ ಅರ​ಣ್ಯ​ದಲ್ಲಿ ಹೆಣ್ಣು ಸಿಂಹ​ವೊಂದು ಕೊರೋ​ನಾ​ದಿಂದಾಗಿ ಸಾವಿ​ಗೀ​ಡಾ​ಗಿ​ ಮತ್ತು ಇತರ 9 ಸಿಂಹ​ಗಳು ಕೋವಿ​ಡ್‌ಗೆ ತುತ್ತಾ​ಗಿರುವ ಬೆನ್ನಲ್ಲೇ, ಸಮೀಪದ 2 ಉದ್ಯಾನವನಗಳಲ್ಲಿ ಇರುವ 56 ಆನೆ​ಗಳ ಗಂಟಲು ದ್ರವ ಪರೀ​ಕ್ಷೆಗೆ ತಮಿ​ಳು​ನಾಡು ಮುಖ್ಯ​ಮಂತ್ರಿ ಎಂ.ಕೆ ಸ್ಟಾಲಿನ್‌ ನೇತೃ​ತ್ವದ ಸರ್ಕಾರ ಸೂಚಿ​ಸಿದೆ.

ಹೀಗಾಗಿ 56 ಆನೆ​ಗಳ ಗಂಟಲು ದ್ರವ​ವನ್ನು ಸಂಗ್ರ​ಹಿಸಲಾ​ಗಿದ್ದು, ಕೋವಿಡ್‌ ಪರೀ​ಕ್ಷೆ​ಗಾಗಿ ಉತ್ತರ ಪ್ರದೇ​ಶದ ಇಜ್ಜತ್‌​ನ​ಗ​ರ​ದ​ಲ್ಲಿ​ರುವ ಭಾರ​ತೀಯ ಪಶು ವೈದ್ಯ​ಕೀಯ ಸಂಶೋ​ಧನಾ ಸಂಸ್ಥೆಗೆ ರವಾ​ನಿ​ಸ​ಲಾ​ಗಿದೆ ಎಂದು ಮೂಲ​ಗಳು ತಿಳಿ​ಸಿವೆ.

ಚೆನ್ನೈನ ವಂದ​ಲೂರು ಎಂಬ​ಲ್ಲಿ​ರುವ ಅರಿ​ಗ್‌​ನಾರ್‌ ಅಣ್ಣಾ ಪ್ರಾಣಿ ಸಂಗ್ರ​ಹಾ​ಲ​ಯದ ಉದ್ಯಾ​ನ​ದಲ್ಲಿ ಗುರು​ವಾ​ರ​ವಷ್ಟೇ ಸಿಂಹಿ​ಣಿ​ಯೊಂದು ಕೋವಿ​ಡ್‌ಗೆ ಬಲಿ​ಯಾ​ಗಿತ್ತು. ಅಲ್ಲದೆ 11 ಸಿಂಹ​ಗಳ ಪೈಕಿ 9 ಸಿಂಹ​ಗಳಲ್ಲಿ ಕೋವಿಡ್‌ ದೃಢ​ಪ​ಟ್ಟಿತ್ತು. ಈ ಹಿನ್ನೆ​ಲೆ​ಯಲ್ಲಿ ರಾಜ್ಯ ಅರಣ್ಯ ಸಚಿವ ಕೆ. ರಾಮಚಂದ್ರನ್‌ ಅವರು ಆನೆ​ಗಳ ಕೋವಿ​ಡ್‌ ಪರೀ​ಕ್ಷೆಗೆ ಆದೇ​ಶಿ​ಸಿ​ದ್ದಾರೆ.