ಪ್ರೇಯಸಿಗಾಗಿ ಗ್ರಾಹಕರ 31 ಕೋಟಿ ರೂ ಉಡಾಯಿಸಿದ ಬ್ಯಾಂಕ್ ಮ್ಯಾನೇಜರ್!
First Published | Aug 23, 2020, 5:15 PM ISTಪ್ರೀತಿಯಲ್ಲಿ ಬಿದ್ದವರಿಗೆ ಯಾವುದು ಸರಿ? ಯಾವುದು ತಪ್ಪು ಎಂದು ತಿಳಿಯುವುದಿಲ್ಲ. ಆಗ ಕೇವಲ ತನ್ನ ಪ್ರೀತಿಯನ್ನು ಪಡೆಯಬೇಕೆಂಬ ಹುಚ್ಚು ಆಸೆ ತಲೆಯಲ್ಲಿರುತ್ತದೆ. ಆದರೆ ಯಾವಾಗ ತಮ್ಮ ತಪ್ಪಿನ ಅರಿವಾಗುತ್ತದೋ, ಆಗ ಬಹಳ ತಡವಾಗಿರುತ್ತದೆ. ಸದ್ಯ ಇಂತಹುದೇ ಹುಚ್ಚು ಮನಸ್ಸಿನ ವ್ಯಕ್ತಿಯೊಬ್ಬ ಮೆಲ್ಬರ್ನ್‌ನಲ್ಲಿ ಅರೆಸ್ಟ್ ಆಗಿದ್ದಾನೆ. ಈತ ದೇಶದ ಪ್ರತಿಷ್ಠಿತ ಬ್ಯಾಂಕ್‌ನ ಮ್ಯಾನೇಜರ್ ಆಗಿದ್ದ. ಉತ್ತಮ ಸಂಪಾದನೆ ಇದ್ದ ಆತನ ದಿನಗಳ ಆರಾಮಾಗಿ ಕಳೆಯುತ್ತಿದ್ದವು. ಆದರೆ ಅಷ್ಟರಲ್ಲೇ ಆತನ ಜೀವನಕ್ಕೆ ಓರ್ವ ಹೆಣ್ಣು ಎಂಟ್ರಿ ಕೊಡುತ್ತಾಳೆ. ಇದಾದ ಬಳಿಕ ಆಕೆಯನ್ನು ಇಂಪ್ರೆಸ್ ಮಾಡುವ ಹುಚ್ಚು ಅದೆಷ್ಟು ಹಿಡಿದಿದೆ ಎಂದರೆ ಆತ ತನ್ನ ಬ್ಯಾಂಕ್ ಗ್ರಾಹಕರ ಖಾತೆಯಲ್ಲಿದ್ದ ಲಕ್ಷಾಂತರವಲ್ಲ, ಕೋಟ್ಯಾಂತರ ರೂಪಾಯಿ ಆಕೆಯ ಮೇಲೆ ವ್ಯಯಿಸಿದ್ದಾನೆ. ಆತ ಈ ಹಣದಲ್ಲಿ ಆಕೆಗೆ ದುಬಾರಿ ಗಿಫ್ಟ್ ಹಾಗೂ ಐಷಾರಾಮಿತನಕ್ಕೆ ಖರ್ಚು ಮಾಡತೊಡಗಿದ್ದ. ಇಷ್ಟೇ ಅಲ್ಲದೇ ಆತ ಅದೇ ಹಣದಿಂದ ಅದ್ಧೂರಿಯಾಗಿ ವಿವಾಹವಾಗಿದ್ದಾನೆ. ಆದರೆ ಸತ್ಯ ಎಷ್ಟು ದಿನ ಮುಚ್ಚಿರಲು ಸಾಧ್ಯ? ಕೊನೆಗೂ ಆತನ ಬಂಡವಾಳ ಬಯಲಾಗಿದೆ. ಒಂದೆಡೆ ಜೈಲು ಶಿಕ್ಷೆಯಾದರೆ, ಮತ್ತೊಂದೆಡೆ ಹುಡುಗಿಯೂ ಟೋಪಿ ಹಾಕಿ ಪರಾರಿಯಾಗಿದ್ದಾಳೆ. ಇಲ್ಲಿದೆ ಸಂಪೂರ್ಣ ವಿವರ