ಉಕ್ರೇನ್ ಮೇಲಿನ ದಾಳಿಗೆ ಅಸಲಿ ಕಾರಣವೇನು? ಪುಟಿನ್ ನಡೆ ಸಮರ್ಥಿಸಿದ ರಷ್ಯಾದ ಶಾಸಕ, ಬಿಹಾರದ ಅಭಯ್ ಸಿಂಗ್!

ಉಕ್ರೇನ್ ಮತ್ತು ರಷ್ಯಾದಲ್ಲಿ ನಡೆಯುತ್ತಿರುವ ಯುದ್ಧದ ನಡುವೆ ಭಾರತೀಯ ಮೂಲದ ರಷ್ಯಾ ಶಾಸಕ ಡಾ. ಅಭಯ್ ಕುಮಾರ್ ಸಿಂಗ್ ಅವರ ಹೇಳಿಕೆಯು ಹೆಚ್ಚು ಚರ್ಚೆಗೆ ಕಾರಣವಾಗಿದೆ. ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ಪಕ್ಷದ ನಾಯಕ ಅಭಯ್ ಸಿಂಗ್ ಇದನ್ನು ಮಿಲಿಟರಿ ಕಾರ್ಯಾಚರಣೆ ಎಂದು ಕರೆದಿದ್ದಾರೆ. ಉಕ್ರೇನ್ ಮೇಲೆ ನಡೆಯುತ್ತಿರುವ ದಮನವನ್ನು ಅವರು 'ಸರ್ಜಿಕಲ್ ಸ್ಟ್ರೈಕ್'ಗೆ ಹೋಲಿಸಿದ್ದಾರೆ. ರಷ್ಯಾದಂತಹ ದೇಶಕ್ಕೆ ಉಕ್ರೇನ್ ವಶಪಡಿಸಿಕೊಳ್ಳುವುದು ಕೇವಲ ಒಂದು ದಿನದ ಕೆಲಸ ಎಂದು ಅಭಯ್ ಸಿಂಗ್ ಹೇಳಿದರು. ಇಡೀ ಜಗತ್ತು ಇದನ್ನು ಯುದ್ಧ ಎಂದು ಕರೆಯುತ್ತಿದೆ, ಆದರೆ ರಷ್ಯಾ ಮಾತ್ರ ಇದನ್ನು ತನ್ನ ಸೇನೆಯ ಕಾರ್ಯಾಚರಣೆ ಎಂದು ಕರೆಯುತ್ತಿದೆ. ಭಾರತ ಬಾಲಾಕೋಟ್‌ನಲ್ಲಿ ಸರ್ಜಿಕಲ್ ಸ್ಟ್ರೈಕ್ ಮಾಡಿದಂತೆ ಎಂದಿದ್ದಾರೆ. ಉಕ್ರೇನ್‌ನಲ್ಲಿ ಹತ್ಯೆಗೀಡಾದ ಭಾರತೀಯ ವಿದ್ಯಾರ್ಥಿ ವಿಚಾರವಾಗಿ ಪ್ರತಿಕ್ರಿಯಿಸಿದ್ದು, ಇದು ಭಾರತದ ವಿರುದ್ಧ ಉಕ್ರೇನ್ ಪ್ರತೀಕಾರವಾಗಿದೆ ಎಂದಿದ್ದಾರೆ. ಡಾ.ಅಭಯ್ ಸಿಂಗ್ ಅವರ ಈ ಹೇಳಿಕೆಯ ನಂತರ, ಅವರ ಬಗ್ಗೆ ಸಾಕಷ್ಟು ಚರ್ಚೆಯಾಗುತ್ತಿದೆ. ಆದರೆ ಡಾ.ಅಭಯ್ ಸಿಂಗ್ ಮೂಲತಃ ಬಿಹಾರದವರು, ಆದರೀಗ ಅವರು ಪುಟಿನ್ ಸರ್ಕಾರದಲ್ಲಿ ಶಾಸಕರಾಗಿದ್ದಾರೆ.

ಹುಟ್ಟಿದ್ದು ಬಿಹಾರದಲ್ಲಿ

ಡಾ. ಅಭಯ್ ಅವರು ಬಿಹಾರದ ಪಾಟ್ನಾದಲ್ಲಿ ಜನಿಸಿದರು. ಅವರು ಪಾಟ್ನಾದ ಲೊಯೊಲಾ ಹೈಸ್ಕೂಲ್‌ನಿಂದ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದರು ಮತ್ತು ವೈದ್ಯಕೀಯ ಅಧ್ಯಯನಕ್ಕಾಗಿ 1990 ರ ದಶಕದ ಆರಂಭದಲ್ಲಿ ರಷ್ಯಾದ ಕುರ್ಸ್ಕ್‌ಗೆ ತೆರಳಿದರು. ಇದರ ನಂತರ ಅವರು ಅಭ್ಯಾಸಕ್ಕಾಗಿ ಭಾರತಕ್ಕೆ ಹಿಂತಿರುಗಿದರು ಆದರೆ ಶೀಘ್ರದಲ್ಲೇ ರಷ್ಯಾಕ್ಕೆ ಮರಳಿದರು. ಅಲ್ಲಿಗೆ ಹೋದ ನಂತರ, ಅವರು ಉದ್ಯಮದಲ್ಲಿ ತಮ್ಮ ಅದೃಷ್ಟ ಪರೀಕ್ಷೆಗಿಳಿದರು. ರಷ್ಯಾದಲ್ಲಿ ಉದ್ಯಮ ಚೆನ್ನಾಗಿ ಮುಂದುವರೆಯಿತು, ವ್ಯಾಪಾರವೂ ಹೆಚ್ಚಾಯಿತು. ಅವರು ಫಾರ್ಮಾ, ರಿಯಲ್ ಎಸ್ಟೇಟ್ನಲ್ಲಿ ಉದ್ಯಮ ಆರಂಭಿಸಿದ್ದರು. ನಂತರ ಹೆಚ್ಚುತ್ತಿರುವ ಜನಪ್ರಿಯತೆಯೊಂದಿಗೆ ರಾಜಕೀಯಕ್ಕೆ ಪ್ರವೇಶಿಸಿದರು.

ಕುರ್ಸ್ಕ್‌ನಿಂದ ಚುನಾವಣೆಯಲ್ಲಿ ಗೆದ್ದರು

2012 ರಲ್ಲಿ ರಷ್ಯಾದ ಆಗಿನ ಭಾರತೀಯ ರಾಯಭಾರಿಯಾಗಿದ್ದ ಅಜಯ್ ಮಲ್ಹೋತ್ರಾ ಅವರು ಕುರ್ಸ್ಕ್ ನಗರದ ಹೃದಯಭಾಗದಲ್ಲಿರುವ ಉರಾಲ್ಸ್ಕಿ ವ್ಯಾಪಾರ ಕೇಂದ್ರವನ್ನು ಉದ್ಘಾಟಿಸಿದಾಗ ಅಭಯ್ ಸಿಂಗ್ ಮೊದಲು ರಾಜಕೀಯವನ್ನು ಎದುರಿಸಿದರು. ಅಭಯ್ ಕುಮಾರ್ ಸಿಂಗ್ ಈ ಮಾಲ್‌ನ ಮಾಲೀಕರಾಗಿದ್ದಾರೆ.ಇತ್ತೀಚೆಗೆ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ದೇಶದ ಸಂಸತ್ತಿಗೆ (ಡುಮಾ) ಶೇಕಡಾ 75 ರಷ್ಟು ಸಂಸದರನ್ನು ಕಳುಹಿಸಿರುವ ರಷ್ಯಾದ ಆಡಳಿತ ಪಕ್ಷ 'ಯುನೈಟೆಡ್ ರಾಶಾ'. ಡಾ.ಅಭಯ್ 2015ರಲ್ಲಿ ಪುಟಿನ್ ಪಕ್ಷಕ್ಕೆ ಸೇರ್ಪಡೆಗೊಂಡರು. ಇದರ ನಂತರ, 2018 ರಲ್ಲಿ ಅವರು ಪಶ್ಚಿಮ ರಷ್ಯಾದ ಕುರ್ಸ್ಕ್‌ನಿಂದ ಚುನಾವಣೆಯಲ್ಲಿ ಗೆದ್ದರು ಮತ್ತು ಉಪನಾಯಕರಾದರು.

ಉಕ್ರೇನ್ ಮೇಲೆ ರಷ್ಯಾದ ಕ್ರಮದ ಬಗ್ಗೆಯೂ ಹೇಳಿಕೆ

ಬಾಂಗ್ಲಾದೇಶದಲ್ಲಿ ಚೀನಾ ತನ್ನ ಸೇನಾ ನೆಲೆಯನ್ನು ಸ್ಥಾಪಿಸಿದರೆ ಭಾರತ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂದು ಅಭಯ್ ಸಿಂಗ್ ಹೇಳಿದ್ದಾರೆ. ಯಾವುದೇ ಸಂದರ್ಭದಲ್ಲಿ ಭಾರತ ಇದನ್ನು ಇಷ್ಟಪಡುವುದಿಲ್ಲ ಎಂಬುದು ಸ್ಪಷ್ಟವಾಗಿದೆ. ಅದೇ ರೀತಿ ರಷ್ಯಾದ ವಿರುದ್ಧ ನ್ಯಾಟೋವನ್ನು ರಚಿಸಲಾಯಿತು ಮತ್ತು ಸೋವಿಯತ್ ಒಕ್ಕೂಟದ ವಿಭಜನೆಯ ಹೊರತಾಗಿಯೂ ವಿಘಟಿಸಲಿಲ್ಲ. ಇದು ಕ್ರಮೇಣ ರಷ್ಯಾಕ್ಕೆ ಹತ್ತಿರವಾಯಿತು. ಉಕ್ರೇನ್ NATO ಗೆ ಸೇರಿದರೆ ಅದು NATO ಪಡೆಗಳನ್ನು ನಮಗೆ ಹತ್ತಿರ ತರುತ್ತದೆ, ಏಕೆಂದರೆ ಉಕ್ರೇನ್ ನಮ್ಮ ನೆರೆಯ ರಾಷ್ಟ್ರವಾಗಿದೆ. ಇದು ಒಪ್ಪಂದದ ಉಲ್ಲಂಘನೆಯಾಗುತ್ತದೆ. ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಮತ್ತು ರಷ್ಯಾದ ಸಂಸತ್ತಿಗೆ ಕಾರ್ಯಾಚರಣೆ ಬಿಟ್ಟು ಬೇರೆ ಆಯ್ಕೆ ಇರಲಿಲ್ಲ.

ಉಕ್ರೇನ್‌ನಲ್ಲಿ ಪರಮಾಣು ಶಸ್ತ್ರಾಸ್ತ್ರಗಳನ್ನು ಬಳಸಲಾಗುವುದಿಲ್ಲ

ಡಾ. ಸಿಂಗ್ ಉಕ್ರೇನ್ ಮೇಲೆ ಪರಮಾಣು ದಾಳಿಯ ಊಹಾಪೋಹಗಳನ್ನು ತಳ್ಳಿಹಾಕಿದರು. ರಷ್ಯಾದ ಮೇಲೆ ದಾಳಿ ಮಾಡುವ ಮತ್ತೊಂದು ದೇಶಕ್ಕೆ ಪ್ರತ್ಯುತ್ತರ ನೀಡುವುದು ಪರಮಾಣು ಶಸ್ತ್ರಾಸ್ತ್ರಗಳ ಅಭ್ಯಾಸದ ಉದ್ದೇಶವಾಗಿದೆ ಎಂದು ಅವರು ಹೇಳಿದರು. ಪರಮಾಣು ಶಸ್ತ್ರಾಸ್ತ್ರಗಳ ಬಗ್ಗೆ ಚಿಂತಿಸಬೇಕಾಗಿಲ್ಲ ಎಂದು ಅವರು ಹೇಳಿದರು. ಅಧ್ಯಕ್ಷ ಪುಟಿನ್ ಅವರು ಪರಮಾಣು ಡ್ರಿಲ್ಗಳು ರಷ್ಯಾದ ಮೇಲೆ ದಾಳಿ ಮಾಡಲು ಉದ್ದೇಶಿಸಿರುವವರಿಗೆ ಪ್ರತಿಕ್ರಿಯಿಸಲು ಮಾತ್ರ ಎಂದು ಘೋಷಿಸಿರುವುದಾಗಿಯೂ ಹೇಳಿದ್ದಾರೆ.

ರಷ್ಯಾ ನಾಗರಿಕರ ಮೇಲೆ ದಾಳಿ ಮಾಡುವುದಿಲ್ಲ

ಉಕ್ರೇನ್ ಜನರನ್ನು ಎಚ್ಚರಿಸಲು ಅಲ್ಲಿ ಸೈರನ್ ಮೊಳಗಿಸಲಾಗುತ್ತಿದೆ ಎಂದು ಅಭಯ್ ಸಿಂಗ್ ಹೇಳಿದ್ದಾರೆ. ಇದು ತಂತ್ರದ ಭಾಗವಾಗಿದೆ. ಅಲ್ಲಿನ ಸೈನಿಕರು ತಮ್ಮ ನಾಗರಿಕರ ಹಿಂದೆ ಅಡಗಿಕೊಂಡು ದಾಳಿ ಮಾಡದಿದ್ದರೆ ರಷ್ಯಾ ವಸತಿ ಪ್ರದೇಶದ ಮೇಲೆ ಎಂದಿಗೂ ದಾಳಿ ಮಾಡುವುದಿಲ್ಲ. ಸೈನಿಕರು ಹೀಗೆ ಮಾಡಿದರೆ ಅವರ ವಿರುದ್ಧ ಸಂಪೂರ್ಣ ಪ್ರತೀಕಾರ ತೆಗೆದುಕೊಳ್ಳಲಾಗುವುದು ಎಂದಿದ್ದಾರೆ.