ಇನ್ಮುಂದೆ ವಾಟ್ಸಾಪ್‌ ಮೂಲಕ 31 ಜನರಿಗೆ ಗ್ರೂಪ್‌ ಕಾಲ್‌: ಸಾಲು ಸಾಲು ಹಬ್ಬದ ಸಮಯದಲ್ಲಿ ಮೆಟಾದಿಂದ ಸೂಪರ್‌ ಫೀಚರ್

ಮೆಟಾ - ಮಾಲೀಕತ್ವದ ವಾಟ್ಸಾಪ್‌ ಪ್ಲಾಟ್‌ಫಾರ್ಮ್ ಈಗ ಮತ್ತೊಂದು ವೈಶಿಷ್ಟ್ಯವನ್ನು ಹೊರತಂದಿದ್ದು, ಅದು ಗುಂಪು ಕರೆ ಅಥವ ಗ್ರೂಪ್‌ ಕಾಲ್‌ ಮಾಡುವ ಅನುಭವವನ್ನು ಹೆಚ್ಚಿಸುತ್ತದೆ. 

ಪ್ರಖ್ಯಾತ ಸಾಮಾಜಿಕ ಜಾಲತಾಣ ಕಂಪನಿ ಮೆಟಾ ಒಡೆತನದ ವಾಟ್ಸಾಪ್‌ ಇತ್ತೀಚೆಗೆ ಸಾಕಷ್ಟು ಹೊಸ ಫೀಚರ್ಸ್‌, ಅಪ್ಡೇಟ್‌ಗಳನ್ನು ನೀಡುತ್ತಿದೆ. ಇತ್ತೀಚೆಗೆ ಬಳಕೆದಾರರ ಅನುಭವವನ್ನು ಸುಧಾರಿಸುವ ಹಲವು ಆಸಕ್ತಿದಾಯಕ ವೈಶಿಷ್ಟ್ಯಗಳನ್ನು ಪರಿಚಯಿಸಿದೆ. ಮೆಟಾ - ಮಾಲೀಕತ್ವದ ಪ್ಲಾಟ್‌ಫಾರ್ಮ್ ಈಗ ಮತ್ತೊಂದು ವೈಶಿಷ್ಟ್ಯವನ್ನು ಹೊರತಂದಿದ್ದು, ಅದು ಗುಂಪು ಕರೆ ಅಥವ ಗ್ರೂಪ್‌ ಕಾಲ್‌ ಮಾಡುವ ಅನುಭವವನ್ನು ಹೆಚ್ಚಿಸುತ್ತದೆ. 

WhatsApp ಹೊಸ ವೈಶಿಷ್ಟ್ಯವೊಂದನ್ನು ಹೊರತರುತ್ತಿದ್ದು, ಇದು ಬಳಕೆದಾರರಿಗೆ 31 ಭಾಗವಹಿಸುವವರೊಂದಿಗೆ ಗುಂಪು ಕರೆಯನ್ನು ಪ್ರಾರಂಭಿಸಲು ಅನುವು ಮಾಡಿಕೊಡುತ್ತದೆ ಎಂದು ಆನ್‌ಲೈನ್‌ ವರದಿ ಹೇಳುತ್ತಿದೆ. ವಾಟ್ಸಾಪ್‌ ಕರೆಗಳ ಟ್ಯಾಬ್‌ಗೆ ಕೆಲವು ಸಣ್ಣ ಸುಧಾರಣೆಗಳ ಜೊತೆಗೆ 31 ಭಾಗವಹಿಸುವವರೊಂದಿಗೆ ಗುಂಪು ಕರೆಗಳನ್ನು ಪ್ರಾರಂಭಿಸಲು ವೈಶಿಷ್ಟ್ಯವನ್ನು ಹೊರತರುತ್ತಿದೆ ಎಂದು WABteaInfo ವರದಿ ಮಾಡಿದೆ. Android ಬೀಟಾ ಪರೀಕ್ಷಕರಿಗೆ ಲಭ್ಯವಿದ್ದು, ಈ ವೈಶಿಷ್ಟ್ಯವನ್ನು ಅಪ್ಡೇಟ್‌ ವರ್ಷನ್‌ 2.23.19.16 ರಲ್ಲಿ ಲಭ್ಯವಿದೆ ಎಂದು ತಿಳಿದುಬಂದಿದೆ.

ಈ ಹಿಂದೆ, WhatsApp ಬಳಕೆದಾರರಿಗೆ 15 ಭಾಗವಹಿಸುವವರೊಂದಿಗೆ ಗುಂಪು ಕರೆಗಳನ್ನು ಪ್ರಾರಂಭಿಸಲು ಅವಕಾಶ ಮಾಡಿಕೊಟ್ಟಿತ್ತು. ಅದಕ್ಕೂ ಮುನ್ನ ಕೇವಲ 7 ಜನರ ಮಿತಿ ಇತ್ತು. ಆದರೆ ಇದೀಗ ಕಂಪನಿಯು ಈ ಮಿತಿಯನ್ನು 31ಕ್ಕೆ ಹೆಚ್ಚಿಸಿದೆ.

ವಾಟ್ಸಾಪ್ ಕರೆಗಳ ಟ್ಯಾಬ್‌ಗೆ ಕೆಲವು ಸಣ್ಣ ಬದಲಾವಣೆಗಳನ್ನೂ ಮಾಡಿದೆ. ನಿರ್ದಿಷ್ಟವಾಗಿ ಹೇಳುವುದಾದರೆ, ಈ ಸ್ಕ್ರೀನ್‌ನೊಳಗೆ ಕರೆ ಲಿಂಕ್‌ಗಳನ್ನು ಇನ್ನು ಮುಂದೆ ಉಲ್ಲೇಖಿಸಲಾಗುವುದಿಲ್ಲ. ಇದು ಈಗ ಒಂದು ಅಥವಾ ಹೆಚ್ಚಿನ ಸಂಪರ್ಕಗಳಿಗೆ ಕರೆ ಮಾಡಲು ಸಾಧ್ಯವಿದೆ ಎಂದು ಹೇಳುತ್ತದೆ. ಜೊತೆಗೆ, ಫ್ಲೋಟಿಂಗ್ ಆಕ್ಷನ್ ಬಟನ್ ಅನ್ನು ಪ್ಲಸ್ ಐಕಾನ್‌ನೊಂದಿಗೆ ನವೀಕರಿಸಲಾಗಿದೆ.

ಭಾರತದಲ್ಲಿ ಪ್ರಾರಂಭವಾಯ್ತು ವಾಟ್ಸಾಪ್‌ ಚಾನೆಲ್‌
ಈ ವರ್ಷದ ಜೂನ್‌ನಲ್ಲಿ, WhatsApp ತನ್ನ ಚಾನೆಲ್‌ಗಳ ವೈಶಿಷ್ಟ್ಯವನ್ನು ಪರಿಚಯಿಸಿದ್ದು, ಇದು Instagram ನಿಂದ ಪ್ರೇರಿತವಾಗಿದೆ. ಮೆಟಾ ಒಡೆತನದ, ಪ್ಲಾಟ್‌ಫಾರ್ಮ್ ಈಗ ಭಾರತದಲ್ಲಿ ಸಹ ಪರಿಚಯಿಸಿದ್ದು, ಈ ವೈಶಿಷ್ಟ್ಯದ ಜಾಗತಿಕ ವಿಸ್ತರಣೆಯನ್ನು ಪ್ರಾರಂಭಿಸಿದೆ. ಕಂಪನಿಯ ಪ್ರಕಾರ, WhatsApp ಚಾನೆಲ್‌ಗಳು WhatsApp ಪರಿಸರ ವ್ಯವಸ್ಥೆಯೊಳಗಿನ ವ್ಯಕ್ತಿಗಳು ಮತ್ತು ಸಂಸ್ಥೆಗಳಿಂದ ಪ್ರಮುಖ ನವೀಕರಣಗಳನ್ನು ಸ್ವೀಕರಿಸಲು ಸುಲಭ, ವಿಶ್ವಾಸಾರ್ಹ ಮತ್ತು ಖಾಸಗಿ ಮಾರ್ಗವನ್ನು ಒದಗಿಸುತ್ತದೆ.

“ಇಂದು ನಾವು 150 ಕ್ಕೂ ಹೆಚ್ಚು ದೇಶಗಳಿಗೆ WhatsApp ಚಾನೆಲ್‌ಗಳನ್ನು ಪ್ರಾರಂಭಿಸಲು ಉತ್ಸುಕರಾಗಿದ್ದೇವೆ ಮತ್ತು ನಿಮಗೆ ಬೇಕಾದ ಮುಖ್ಯವಾದ ಅಪ್ಡೇಟ್‌ ಸ್ವೀಕರಿಸಲು ಖಾಸಗಿ ಮಾರ್ಗವನ್ನು ತಲುಪಿಸುತ್ತೇವೆ. WhatsApp ನಲ್ಲಿಯೇ ಜನರು ಅನುಸರಿಸಬಹುದಾದ ಸಾವಿರಾರು ಸಂಸ್ಥೆಗಳು, ಕ್ರೀಡಾ ತಂಡಗಳು, ಕಲಾವಿದರು ಮತ್ತು ಚಿಂತನೆಯ ನಾಯಕರನ್ನು ನಾವು ಸ್ವಾಗತಿಸುತ್ತಿದ್ದೇವೆ’’ ಎಂದು ಕಂಪನಿಯು ಬ್ಲಾಗ್ ಪೋಸ್ಟ್‌ನಲ್ಲಿ ತಿಳಿಸಿದೆ.