ವಾಟ್ಸಾಪ್ ಚಾಟ್‌ನಲ್ಲಿ ಈಗ ₹ ಸಿಂಬಲ್: ಹಣ ಕಳಿಸೋದು ಸುಲಭ
First Published Oct 1, 2021, 4:39 PM IST- ವಾಟ್ಸಪ್(WhatsaApp) ಅಪ್ಡೇಟೆಡ್ ವರ್ಷನ್‌ನಲ್ಲಿ ಹಣ ಕಳಿಸೋದು ಸುಲಭ
- ಇಂಡಿಯನ್ ರುಪೀ ಸಿಂಬಲ್ ಈಗ ಚಾಟ್‌ನಲ್ಲಿ ಲಭ್ಯ
ಮೊಬೈಲ್ ಎಪ್ಲಿಕೇಷನ್‌ಗಳು ಅಪ್ಡೇಟ್ ಆಗುತ್ತಲೇ ಇರುತ್ತವೆ. ಪ್ರತಿಬಾರಿ ಚಿಕ್ಕಪುಟ್ಟ ಬದಲಾವಣೆಗಳೂ ಆಗುತ್ತವೆ. ಈ ಬಾರಿ ವಾಟ್ಸಾಪ್‌ನಲ್ಲಿ ಹೊಸ ಬದಲಾವಣೆಯೊಂದು ಆಗಿದೆ. ಭಾರತದ ರುಪೀ ಸಿಂಬಲ್ ಚಾಟ್‌ನಲ್ಲಿ ಸೇರಿಕೊಂಡಿದೆ.
ವಾಟ್ಸಾಪ್ ತನ್ನ ಚಾಟ್ ಆಪ್ಶನ್‌ನಲ್ಲಿ ಭಾರತೀಯ ರೂಪಾಯಿ ಚಿಹ್ನೆಯನ್ನು ಅನಾವರಣಗೊಳಿಸಿದೆ. ಭಾರತದ ಬಳಕೆದಾರರಿಗೆ ತನ್ನ ಪ್ಲಾಟ್‌ಫಾರ್ಮ್ ಬಳಸಿ ಪಾವತಿಗಳನ್ನು ಸುಲಭವಾಗಿಸಲು ಈ ರೀತಿ ಮಾಡಿದೆ. ಕಂಪನಿಯ ಪ್ರಕಾರ ಇತ್ತೀಚಿನ ಅಪ್‌ಡೇಟ್‌ಗಳೊಂದಿಗೆ ವಾಟ್ಸಾಪ್‌ನಲ್ಲಿನ ಪಾವತಿಗಳು ಹೆಚ್ಚು ಸುಲಭವಾಗಲಿದೆ.
ಈಗ ವಾಟ್ಸಾಪ್ ಚಾಟ್ ಬೇಗನೆ ಗುರುತಿಸಬಹುದಾದ ಎರಡು ಚಿಹ್ನೆಗಳನ್ನು ಬಳಸಿ ಹಣವನ್ನು ಕಳುಹಿಸಬಹುದು. WhatsApp ನಂತಹ ಪ್ಲಾಟ್‌ಫಾರ್ಮ್ ಅನ್ನು ಒಳಗೊಂಡು ಬಳಕೆದಾರರಿಗೆ ಸುಲಭವಾಗಿ ಹಣದ ವ್ಯವಹಾರವನ್ನು ನಡೆಸಬಹುದಾಗಿದೆ.
ಬಳಕೆದಾರರು ಯಾವುದೇ ಕ್ಯೂಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಲು ಕಂಪೋಸರ್‌ನಲ್ಲಿರುವ ಕ್ಯಾಮರಾ ಐಕಾನ್ ಮೂಲಕ ಭಾರತದಲ್ಲಿ 20 ಮಿಲಿಯನ್‌ಗಿಂತ ಹೆಚ್ಚು ಮಳಿಗೆಗಳಲ್ಲಿ ಪಾವತಿಸಲು ಸಾಧ್ಯವಾಗಲಿದೆ ಎಂದು ವಾಟ್ಸಾಪ್ ಘೋಷಿಸಿದೆ.
WhatsApp ತನ್ನ ಭಾರತೀಯ ಬಳಕೆದಾರರಿಗಾಗಿ 'ಕ್ಯಾಶ್ಬ್ಯಾಕ್' ಎಂಬ ಮತ್ತೊಂದು ವೈಶಿಷ್ಟ್ಯದ ಮೇಲೆ ಕಾರ್ಯನಿರ್ವಹಿಸಲಿದೆ. ಇದು ಈಗಾಗಲೇ ಗೂಗಲ್ ಪೇಗಳಂತಹ ಎಪ್ಲಿಕೇಷನ್‌ನಲ್ಲಿ ಜನಪ್ರಿಯವಾಗಿವೆ.
ಬಳಕೆದಾರರು 48 ಗಂಟೆಗಳ ನಂತರ WhatsApp ಪಾವತಿಗಳನ್ನು ಬಳಸಿಕೊಂಡು ಕ್ಯಾಶ್ಬ್ಯಾಕ್ ಪಡೆಯಬಹುದು. ಕಂಪನಿಯು ತನ್ನ ಬಳಕೆದಾರರಲ್ಲಿ WhatsApp ಪಾವತಿ ಪ್ರೋತ್ಸಾಹಿಸಲು ಕ್ಯಾಶ್ಬ್ಯಾಕ್ ಅನ್ನು ಪರಿಚಯಿಸುತ್ತಿದೆ.