ಬಾಹ್ಯಾಕಾಶದಿಂದ ಭೂಮಿಯ ಚಿತ್ರ ತೆಗೆದ ಗಗನಯಾತ್ರಿ ಶುಭಾಂಶು ಶುಕ್ಲಾ!

ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿರುವ ಭಾರತೀಯ ಗಗನಯಾತ್ರಿ ಶುಭಾಂಶು ಶುಕ್ಲಾ ಅವರು ಭೂಮಿಯ ಚಿತ್ರಗಳನ್ನು ಸೆರೆಹಿಡಿದಿದ್ದಾರೆ. ಈ ಚಿತ್ರಗಳನ್ನು ಆಕ್ಸಿಯಮ್ ಸ್ಪೇಸ್ ಬಿಡುಗಡೆ ಮಾಡಿದೆ. ಶುಕ್ಲಾ ಮತ್ತು ಇತರ ಗಗನಯಾತ್ರಿಗಳು 14 ದಿನಗಳ ಕಾರ್ಯಾಚರಣೆಯಲ್ಲಿದ್ದಾರೆ.

ಭಾರತೀಯ ಗಗನಯಾತ್ರಿ (Indian astronaut) ಶುಭಾಂಶು ಶುಕ್ಲಾ (Shubhanshu Shukla) ಅವರು ಅಂತರರಾಷ್ಟ್ರೀಯ ಬಾಹ್ಯಾಕಾಶ (ISS) ನಿಲ್ದಾಣದಿಂದ ಸೆರೆಹಿಡಿದ ಭೂಮಿಯ ಚಿತ್ರಗಳನ್ನು ಆಕ್ಸಿಯಮ್ ಸ್ಪೇಸ್ (Axiom Space) ಬಿಡುಗಡೆ ಮಾಡಿದೆ. ಶುಕ್ಲಾ ಅವರ ಸಹ ಗಗನಯಾತ್ರಿಗಳು ಸೆರೆಹಿಡಿದ ಚಿತ್ರಗಳನ್ನು ಬಾಹ್ಯಾಕಾಶ ಮೂಲಸೌಕರ್ಯ ಅಭಿವೃದ್ಧಿಕಾರರು ಸಹ ಹಂಚಿಕೊಂಡಿದ್ದಾರೆ. ಶುಕ್ಲಾ ಮತ್ತು ಇತರ ಮೂವರು ಗಗನಯಾತ್ರಿಗಳು ಬಾಹ್ಯಾಕಾಶ ನಿಲ್ದಾಣಕ್ಕೆ 14 ದಿನಗಳ ಕಾರ್ಯಾಚರಣೆಯಲ್ಲಿದ್ದಾರೆ.

ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿರುವ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾಗುವ ಮೂಲಕ ಇತಿಹಾಸ ಬರೆದ ಗ್ರೂಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಅವರು ಬಾಹ್ಯಾಕಾಶ ನಿಲ್ದಾಣದಿಂದ ಭೂಮಿಯನ್ನು ವೀಕ್ಷಿಸುತ್ತಿರುವ ಚಿತ್ರಗಳನ್ನು ಭಾರತ ಸರ್ಕಾರ ಬಿಡುಗಡೆ ಮಾಡಿದೆ.

ಭೂಮಿಯ ಸುತ್ತ 28 ಗಂಟೆಗಳ ಪ್ರಯಾಣದ ನಂತರ ಶುಕ್ಲಾ ಮತ್ತು ಇತರ ಮೂವರು ಸಿಬ್ಬಂದಿ ಜೂನ್ 26 ರಂದು ISS ಸೇರಿದರು. ಅನುಭವಿ ಗಗನಯಾತ್ರಿ ಪೆಗ್ಗಿ ವಿಟ್ಸನ್ ಮಿಷನ್ ಕಮಾಂಡರ್ ಆಗಿದ್ದರೆ, ಶುಕ್ಲಾ ಆಕ್ಸಿಯಮ್ -4 ಮಿಷನ್‌ಗೆ ಮಿಷನ್ ಪೈಲಟ್ ಆಗಿದ್ದಾರೆ.

ಆನ್‌ಲೈನ್‌ನಲ್ಲಿ ಹಂಚಿಕೊಳ್ಳಲಾದ ಚಿತ್ರಗಳಲ್ಲಿ, ಶುಕ್ಲಾ ಅವರು ISS ನಲ್ಲಿರುವ 7 ವಿಂಡೋ ಕುಪೋಲಾ ಮಾಡ್ಯೂಲ್‌ನ ಅಂಚಿನಲ್ಲಿ ಕುಳಿತಿರುವುದು ಕಂಡುಬರುತ್ತದೆ, ಅವರ ಹಿನ್ನೆಲೆಯಲ್ಲಿ ಭೂಮಿ ಗೋಚರಿಸುತ್ತದೆ. “ಬಾಹ್ಯಾಕಾಶದಿಂದ ಭೂಮಿ ನೋಡುವುದು! ಗ್ರೂಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಅವರು ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿರುವ 7 ವಿಂಡೋ ಕುಪೋಲಾ ಮಾಡ್ಯೂಲ್‌ನಿಂದ ಭೂಮಿಯ ಅದ್ಭುತ ದೃಶ್ಯಾವಳಿಯನ್ನು ಆನಂದಿಸುತ್ತಾರೆ. ನಕ್ಷತ್ರಗಳ ನಡುವೆ ಭಾರತವನ್ನು ಪ್ರತಿನಿಧಿಸುತ್ತಾ ಅವರು ಕಕ್ಷೆಯಲ್ಲಿ ಒಂದು ವಾರವನ್ನು ಪೂರೈಸುತ್ತಿರುವುದು ಗಮನಾರ್ಹ ಪ್ರಯಾಣವಾಗಿದೆ, ”ಎಂದು ಬರೆದಿದೆ.

#Ax4 ನ ಲೆನ್ಸ್ ಮೂಲಕ ಭೂಮಿಯ ಲೋಅರ್ತ್‌ ಆರ್ಬಿಟ್‌ ನೋಡಿ. Ax4 ಸಿಬ್ಬಂದಿ ಸೆರೆಹಿಡಿದ ದೃಶ್ಯಗಳನ್ನು ಅನ್ವೇಷಿಸಿ ಎಂದು ಶುಭಾಂಶು ಶುಕ್ಲಾ ಚಿತ್ರ ತೆಗೆಯುತ್ತಿರುವ ಫೋಟೋವನ್ನು ಅಕ್ಸಿಯಂ ತನ್ನ ಅಧಿಕೃತ ಟ್ವಿಟರ್‌ ಪೇಜ್‌ನಲ್ಲಿ ಬರೆದುಕೊಂಡಿದೆ.