ಶನಿಗ್ರಹದಂತೆ ಭೂಮಿಗೂ ಉಂಗುರಗಳಿದ್ದವು, ವಿಜ್ಞಾನಿಗಳ ಸಂಶೋಧನೆಯಿಂದ ಬಹಿರಂಗ!

ಭೂಮಿಯ ಇತಿಹಾಸದ ಬಗ್ಗೆ ವಿಜ್ಞಾನಿಗಳು ದೊಡ್ಡ ಸುದ್ದಿ ಬಹಿರಂಗಪಡಿಸಿದ್ದಾರೆ. ಶನಿಗ್ರಹದಂತೆ ಭೂಮಿಯೂ ಉಂಗುರಗಳನ್ನು ಹೊಂದಿದ್ದು, ಇವು 460 ಮಿಲಿಯನ್ ವರ್ಷಗಳ ಹಿಂದೆ ರೂಪುಗೊಂಡಿದ್ದವು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ಸೌರಮಂಡಲದ ಅತ್ಯಂತ ಸುಂದರ ಗ್ರಹಗಳಲ್ಲಿ ಶನಿಗೆ ಮೊದಲ ಸ್ಥಾನ. ಶನಿಗ್ರಹಕ್ಕೆ ಇರುವ ಉಂಗುರ ವ್ಯವಸ್ಥೆ ಇನ್ನಷ್ಟು ಸುಂದರವಾಗಿರುವಂತೆ ಕಾಣುವಂತೆ ಮಾಡಿದೆ. ಒಂದು ವೇಳೆ ಭೂಮಿಗೂ ಶನಿಗ್ರಹದಂತೆ ಉಂಗುರ ವ್ಯವಸ್ಥೆ ಇದ್ದಿದ್ದರೆ ಹೇಗಿರುತ್ತಿತ್ತು  ಭೂಮಿಯ ಹೇಗಿರುತ್ತಿತ್ತು? ಅದರ ಪರಿಣಾಮಗಳು ಏನಿರುತ್ತಿದ್ದವು ಒಮ್ಮೆಯಾದರೂ ಯೋಚಿಸಿರುತ್ತಿರಲ್ಲವೇ? 

ಶನಿಗ್ರಹ ಅಷ್ಟೇ ಅಲ್ಲ ಹೊಸ ಸಂಶೋಧನೆಯ ಪ್ರಕಾರ ಭೂಮಿಯ ಮೇಲೂ ಅಂತಹ ಉಂಗುರಗಳು ಇದ್ದವು, ಆದರೆ ಇಂದು ನಾವು ಅದನ್ನು ನೋಡಲಾಗುವುದಿಲ್ಲ. ಭೂಮಿ ಮತ್ತು ಗ್ರಹಗಳ ಅಧ್ಯಯನ ಕುರಿತಾದ ಸಂಶೋಧನೆಯಲ್ಲಿ ಪ್ರಕಟವಾದಂತೆ ಸುಮಾರು 460 ಮಿಲಿಯನ್ ವರ್ಷಗಳ ಹಿಂದೆ ಭೂಮಿಗೆ ಉಂಗುರಗಳು ಇದ್ದವು ಎಂದು ಹೇಳಲಾಗಿದೆ. ಅವು ಲಕ್ಷಾಂತರ ವರ್ಷಗಳಿಂದ ಅಸ್ತಿತ್ವದಲ್ಲಿದ್ದವು ಎಂದು ಸಂಶೋಧನೆಯಿಂದ ಬಯಲಾಗಿದೆ.ಈ ಉಂಗುರಗಳು ಭೂಮಿಯ ಹವಾಮಾನದ ಮೇಲೂ ಪ್ರಭಾವ ಬೀರಿರಬಹುದು ಎಂದು ನಂಬಲಾಗಿದೆ.

ಮೊನಾಶ್ ವಿಶ್ವವಿದ್ಯಾನಿಲಯದ((Monash University)) ಭೂವಿಜ್ಞಾನಿ ಆಂಡ್ರ್ಯೂ ಟಾಮ್ಕಿನ್ಸ್(geologist Andrew Tomkins) ಅವರು ಕಳೆದ ವಾರ ಭೂಮಿ ಮತ್ತು ಗ್ರಹ ವಿಜ್ಞಾನ(Earth & Planetary Science Letters)ದಲ್ಲಿ ಪ್ರಕಟವಾದ ಸಂಶೋಧನೆಯಲ್ಲಿ, ನಾನು ಮತ್ತು ನನ್ನ ಸಹದ್ಯೋಗಿಗಳು ಭೂಮಿಯ ಸುತ್ತಲೂ ಉಂಗುರವಿರಬಹುದು ಎಂಬುದಕ್ಕೆ ಪುರಾವೆಗಳನ್ನು ಒದಗಿಸಿದ್ದೇವೆ. ಇದು ನಮ್ಮ ಗ್ರಹದ ಅಂದರೆ ಭೂಮಿಯ ಇತಿಹಾಸದಲ್ಲಿ ಅನೇಕ ಸಮಸ್ಯೆಗಳನ್ನು ಪರಿಹರಿಸಬಹುದು. 466 ಮಿಲಿಯನ್ ವರ್ಷಗಳ ಹಿಂದೆ ಭೂಮಿಯ ಮೇಲೆ ಅನೇಕ ಉಲ್ಕಾಶಿಲೆಗಳು ಬಿದ್ದಿದ್ದವು.

ಇದು ವೈಜ್ಞಾನಿಕವಾಗಿ ಸಾಬೀತಾಗಿದೆ ಏಕೆಂದರೆ ಇದು ಭೂಮಿಯ ಮೇಲೆ ಅನೇಕ ಕುಳಿಗಳನ್ನು ಸೃಷ್ಟಿಸಿದೆ. ಯುರೋಪ್, ಚೀನಾ ಮತ್ತು ರಷ್ಯಾದಿಂದ ನಾವು ಇದರ ಪುರಾವೆಗಳನ್ನು ಪಡೆದಿದ್ದೇವೆ. ಅಲ್ಲಿ ಸುಣ್ಣದ ಕಲ್ಲುಗಳ ನಿಕ್ಷೇಪಗಳಿವೆ, ಇದರಲ್ಲಿ ಬಹಳಷ್ಟು ಉಲ್ಕಾಶಿಲೆ ಅವಶೇಷಗಳಿವೆ. ಈ ಸೆಡಿಮೆಂಟರಿ ಬಂಡೆಗಳು ಉಲ್ಕೆಗಳ ತುಣುಕುಗಳನ್ನು ಒಳಗೊಂಡಿವೆ. ಅವು ಇಂದು ಬೀಳುವ ಉಲ್ಕೆಗಳಿಗಿಂತ ಕಡಿಮೆ ಸಮಯದವರೆಗೆ ಬಾಹ್ಯಾಕಾಶ ವಿಕಿರಣಕ್ಕೆ ಒಡ್ಡಿಕೊಂಡಿವೆ. ಈ ಅವಧಿಯಲ್ಲಿ ಅನೇಕ ಸುನಾಮಿಗಳು ಸಹ ಸಂಭವಿಸಿದವು, ಇದನ್ನು ಸೆಡಿಮೆಂಟರಿ ಅಂಶಗಳ ಉಪಸ್ಥಿತಿಯಿಂದ ಅಂದಾಜು ಮಾಡಬಹುದು. ಈ ಗುಣಲಕ್ಷಣಗಳು ಪರಸ್ಪರ ಸಂಪರ್ಕಿಸುತ್ತವೆ ಎಂದು ವಿಜ್ಞಾನಿಗಳು ನಂಬುತ್ತಾರೆ. 

ಉಲ್ಕಾಶಿಲೆಗಳಿಂದ ಉಂಟಾದ 21 ಕುಳಿಗಳ ಬಗ್ಗೆ ತಿಳಿದುಕೊಳ್ಳಲು ನಾವು ಭೂಮಿಯ ಟೆಕ್ಟೋನಿಕ್ ಪ್ಲೇಟ್‌ಗಳ ಚಲನೆಯ ಮಾದರಿಗಳನ್ನು ಬಳಸಿದ್ದೇವೆ, ಇದು ಉಲ್ಕೆಗಳು ಬಿದ್ದಾಗ ಕುಳಿಗಳು ಎಲ್ಲಿ ರೂಪುಗೊಂಡವು ಎಂಬುದನ್ನು ತೋರಿಸುತ್ತದೆ ಎಂದು ಆಂಡ್ರ್ಯೂ ಟಾಮ್ಕಿನ್ಸ್ ಹೇಳಿದ್ದಾರೆ. ಎಲ್ಲಾ ಕುಳಿಗಳು ಸಮಭಾಜಕಕ್ಕೆ ಸಮೀಪದಲ್ಲಿ ರೂಪುಗೊಂಡಿರುವುದು ಕಂಡುಬಂದಿದೆ. ಈ ಯಾವುದೇ ಕುಳಿಗಳು ಧ್ರುವಗಳಿಗೆ ಸಮೀಪವಿರುವ ಸ್ಥಳದಲ್ಲಿ ಕಂಡುಬಂದಿಲ್ಲ. ಇಂದಿನ ಕಾಲದಲ್ಲಿ ಈ ಹೊಂಡಗಳು ಗಾತ್ರದಲ್ಲಿ ಕಡಿಮೆಯಾಗಿವೆ ಅಥವಾ ಸುನಾಮಿ ಇತ್ಯಾದಿಗಳಿಂದ ಅಸ್ತವ್ಯಸ್ತವಾಗಿವೆ ಎಂದು ವಿಜ್ಞಾನಿಗಳು ನಂಬುತ್ತಾರೆ, ಇದರಿಂದಾಗಿ ಭೂಮಿಯ ಉಂಗುರಗಳು ಗೋಚರಿಸುತ್ತಿಲ್ಲ ಎಂದಿದ್ದಾರೆ.