ಭೂಮಿಗೆ ಅಪ್ಪಳಿಸಲು ಧಾವಿಸುತ್ತಿರುವ ಕ್ಷುದ್ರಗ್ರಹ 2024 YR4 ತಡೆಯುತ್ತಾ ನಾಸಾ?

ಭೂಮಿಯತ್ತ ಧಾವಿಸುತ್ತಿರುವ ಕ್ಷುದ್ರಗ್ರಹ ಇದೀಗ ಆತಂಕ ಸೃಷ್ಟಿಸಿದೆ. ಭೂಮಿಗೆ ಡಿಕ್ಕಿಯಾದರೆ ಬರೋಬ್ಬರಿ 110 ಮಿಲಿಯನ್ ಜನರು ಪ್ರಾಣಕ್ಕೆ ಅಪಾಯ ಎದುರಾಗಲಿದೆ. ಇದನ್ನು ತಡೆಯಲು ನಾಸಾಗೆ ಸಾಧ್ಯವಾಗುತ್ತಾ? 

ಹೊಸದಾಗಿ ಗುರುತಿಸಲ್ಪಟ್ಟ 2024 YR4 ಎಂಬ ಕ್ಷುದ್ರಗ್ರಹ ಭೂಮಿಯತ್ತ ಧಾವಿಸುತ್ತಿದೆ. ಭೂಮಿಗೆ ಅಪ್ಪಳಿಸುವ ಸಾಧ್ಯತೆ  ಇದೆ.  ಕ್ಷುದ್ರಗ್ರಹ ಭೂಮಿಗೆ ಅಪ್ಪಳಿಸು ಸಾಧ್ಯತೆ 1.5%. ಹಿಂದಿನ ಲೆಕ್ಕಾಚಾರದಲ್ಲಿ 2.6% ಅವಕಾಶವಿದೆ ಎಂದು ಹೇಳಲಾಗಿತ್ತು, ಈಗ ಅಪಾಯ ಸ್ವಲ್ಪ ಕಡಿಮೆಯಾಗಿದೆ. ಆದರೆ, ಜನವರಿ ತಿಂಗಳ ಆರಂಭದ ಅಂದಾಜಿನ 1% ಕ್ಕಿಂತ ಈಗ ಹೆಚ್ಚಾಗಿದೆ. ಇದನ್ನು ಎದುರಿಸುವ ರೀತಿಯಲ್ಲಿ ಅಂತರರಾಷ್ಟ್ರೀಯ ಬಾಹ್ಯಾಕಾಶ ಸಂಸ್ಥೆಗಳು ಅಗತ್ಯವಿದ್ದರೆ ಅದನ್ನು ನಾಶಮಾಡುವ ಸಾಧ್ಯತೆಗಳ ಬಗ್ಗೆ ಚರ್ಚಿಸಿ ಮಾಡುತ್ತಿವೆ.

"ಇದು ಖಂಡಿತವಾಗಿಯೂ ನಾಸಾದಲ್ಲಿ ಚರ್ಚೆಯ ವಿಷಯವಾಗಿದೆ. ಆದರೆ, ಯಾರೂ ಭಯಪಡುವ ಅಗತ್ಯವಿಲ್ಲ" ಎಂದು ಅಮೆರಿಕದ ಕೆನಡಿ ಬಾಹ್ಯಾಕಾಶ ಕೇಂದ್ರದ ಯೋಜನಾ ವ್ಯವಸ್ಥಾಪಕರು ಹೇಳಿದ್ದಾರೆ. "ನಮಗೆ ಕಾರ್ಯನಿರ್ವಹಿಸಲು ಸಾಕಷ್ಟು ಸಮಯವಿದೆ, ಆದರೆ ಯೋಜನೆಯನ್ನು ಈಗಲೇ ಪ್ರಾರಂಭಿಸಬೇಕು. ಕೊನೆಯ ಕ್ಷಣದಲ್ಲಿ ಮಾಡಲು ಸಾಧ್ಯವಿಲ್ಲ" ಎಂದು ಅವರು ಹೇಳುತ್ತಾರೆ. 

ಈ ಕ್ಷುದ್ರಗ್ರಹ 130 ರಿಂದ 300 ಅಡಿ ಅಗಲವಿದೆ. ಇದು  ಅಮೆರಿಕ ಲಿಬರ್ಟಿ ಸ್ಟಾಚ್ಯು ಪ್ರತಿಮೆಯ ಎತ್ತರಕ್ಕೆ ಸಮಾನವಾಗಿದೆ. ಇದು ಭೂಮಿಗೆ ಬಡಿದರೆ, 110 ದಶಲಕ್ಷಕ್ಕೂ ಹೆಚ್ಚು ಜನರು ತೊಂದರೆ ಅನುಭವಿಸುತ್ತಾರೆ. ಪೂರ್ವ ಪೆಸಿಫಿಕ್, ಉತ್ತರ ದಕ್ಷಿಣ ಅಮೆರಿಕ, ಅಟ್ಲಾಂಟಿಕ್, ಆಫ್ರಿಕಾ, ಅರೇಬಿಯನ್ ಸಮುದ್ರ ಮತ್ತು ದಕ್ಷಿಣ ಏಷ್ಯಾದಲ್ಲಿ ಪರಿಣಾಮ ಬೀರುವ ಸಾಧ್ಯತೆಗಳಿವೆ.

ಪ್ರಸ್ತುತ ಗಂಟೆಗೆ 40,000 ಮೈಲಿ ವೇಗದಲ್ಲಿ ಚಲಿಸುತ್ತಿರುವ 2024 YR4 ಕ್ಷುದ್ರಗ್ರಹ, ಡಿಕ್ಕಿ ಹೊಡೆದಾಗ ಎಂಟು ಮೆಗಾಟನ್ ಟಿಎನ್‌ಟಿ ಶಕ್ತಿಯನ್ನು ಬಿಡುಗಡೆ ಮಾಡುತ್ತದೆ. ಇದು ಹಿರೋಷಿಮಾ ಸ್ಫೋಟಕ್ಕಿಂತ ಸುಮಾರು 500 ಪಟ್ಟು ದೊಡ್ಡ ಪರಿಣಾಮ ಬೀರುತ್ತದೆ. ಇದು ಒಂದು ದುರಂತವನ್ನು ಸೃಷ್ಟಿಸಿ ಅಪಾರ ಜೀವಗಳನ್ನು ಬಲಿ ತೆಗೆದುಕೊಳ್ಳಬಹುದು. ವಿಶೇಷವಾಗಿ, ಭಾರತದಲ್ಲಿ ಮುಂಬೈ, ಕೋಲ್ಕತ್ತಾ, ಢಾಕಾ, ಬೊಗೋಟಾ ಮತ್ತು ಲಾಗೋಸ್ ಅಪಾಯದಲ್ಲಿರುವ ನಗರಗಳು ಎಂದು ನಾಸಾ ಹೇಳುತ್ತದೆ.

ಮಾರ್ಚ್ ತಿಂಗಳಲ್ಲಿ ನಾಸಾ ಮತ್ತು ಯುರೋಪಿಯನ್ ಬಾಹ್ಯಾಕಾಶ ಏಜೆನ್ಸಿಯ ವೆಬ್ ಬಾಹ್ಯಾಕಾಶ ದೂರದರ್ಶಕ ಈ ಕ್ಷುದ್ರಗ್ರಹದ ಬಗ್ಗೆ ಹೆಚ್ಚಿನ ಅಧ್ಯಯನಗಳನ್ನು ನಡೆಸಲಿದೆ. ನಂತರ ಅದು ತಾತ್ಕಾಲಿಕವಾಗಿ ಗಮನಕ್ಕೆ ಬಾರದ ಸ್ಥಿತಿಗೆ ಹೋಗುತ್ತದೆ. 2028 ರಲ್ಲಿ ಮತ್ತೆ ಕಾಣಿಸುತ್ತದೆ. ಇದರಿಂದ ವಿಜ್ಞಾನಿಗಳಿಗೆ ಅದರ ಮಾರ್ಗವನ್ನು ಗಮನಿಸಲು ಮತ್ತು ನಿಜವಾದ ಅಪಾಯವನ್ನು ಅಂದಾಜು ಮಾಡಲು ಅವಕಾಶವಿದೆ.

2024 YR4 ಕ್ಷುದ್ರಗ್ರಹ ಪ್ರಸ್ತುತ ಅಪಾಯದ ಮಾಪಕದಲ್ಲಿ 10 ರಲ್ಲಿ 3 ನೇ ಸ್ಥಾನದಲ್ಲಿದೆ ಎಂದು ಅಂದಾಜಿಸಲಾಗಿದೆ. ಇದು 2004 ರ ನಂತರ ಕ್ಷುದ್ರಗ್ರಹಗಳಿಂದ ಉಂಟಾಗುವ ಸಾಧ್ಯತೆಯಿರುವ ಅತಿದೊಡ್ಡ ಅಪಾಯದ ಎಚ್ಚರಿಕೆಯಾಗಿದೆ. ಇದರ ಮೊದಲು ಅಪೋಫಿಸ್ ಎಂಬ ಕ್ಷುದ್ರಗ್ರಹ ಸ್ಥಿತಿ 4 ಅನ್ನು ತಲುಪಿತು. ನಂತರ ಅದು 2029 ರಲ್ಲಿ ಭೂಮಿಯನ್ನು ಹಾದುಹೋಗುತ್ತದೆ ಎಂದು ಖಚಿತಪಡಿಸಲಾಯಿತು.