ಬಿಜೆಪಿಯಿಂದ ಕಂಗನಾಗೆ ಟಿಕೆಟ್; ರಾಜಕೀಯದೊಂದಿಗೆ ನಟಿಗಿದೆ ಹಳೆಯ ನಂಟು!

ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿ ಟಿಕೆಟ್ ಪಡೆದಿರುವ ಬಾಲಿವುಡ್ ನಟಿ ಕಂಗನಾ ರಣಾವತ್ ಮೊದಲ ಬಾರಿಗೆ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿದ್ದಾರೆ. ಆದರೆ, ರಾಜಕೀಯ ಅವರಿಗೆ ಹೊಸತೇನಲ್ಲ, ಅದು ನಟಿಯ ರಕ್ತದಲ್ಲೇ ಇದೆ. 

ಕಂಗನಾ ರಣಾವತ್ ಈ ಬಾರಿಯ ಲೋಕಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಲಿದ್ದಾರೆ. ಬಿಜೆಪಿ ನಟಿಗೆ ಟಿಕೆಟ್ ನೀಡಿದೆ. ಕಂಗನಾ ಈಗ ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿದ್ದರೂ ರಾಜಕೀಯಕ್ಕೂ ನಟಿಗೂ ಹಳೇ ಬಾಂಧವ್ಯವಿದೆ.

ಬಾಲಿವುಡ್ ನ ಕ್ವೀನ್ ನಟಿ ಕಂಗನಾ ರಣಾವತ್ ಚಿತ್ರಗಳ ನಂತರ, ನಟಿ ಈಗ ರಾಜಕೀಯದಲ್ಲಿ ಅದೃಷ್ಟ ಪರೀಕ್ಷೆಗೆ ಹೊರಟಿದ್ದಾರೆ. ಕಂಗನಾ ಈ ಹಿಂದೆಯೂ ಹಲವು ಬಾರಿ ರಾಜಕೀಯದಲ್ಲಿ ತಮ್ಮ ಆಸಕ್ತಿಯನ್ನು ವ್ಯಕ್ತಪಡಿಸಿದ್ದರು. 

ಇದೀಗ ನಟಿ ಬಿಜೆಪಿ ಸೇರಿದ್ದಾರೆ. ಕಂಗನಾ ಅವರ ಜನ್ಮಸ್ಥಳವಾದ ಹಿಮಾಚಲ ಪ್ರದೇಶದ ಮಂಡಿಯಿಂದ 2024ರ ಲೋಕಸಭಾ ಚುನಾವಣೆಗೆ ಸ್ಪರ್ಧಿಸಲು ಬಿಜೆಪಿ ಟಿಕೆಟ್ ನೀಡಿದೆ.

ಕಂಗನಾ ರಣಾವತ್‌ಗೆ ರಾಜಕೀಯ ಹೊಸ ಆಟವಲ್ಲ, ನಟಿಗೆ ರಾಜಕೀಯದೊಂದಿಗೆ ಹಳೆಯ ಸಂಪರ್ಕವಿದೆ. ವಾಸ್ತವವಾಗಿ, ಕಂಗನಾ ಅವರ ಮುತ್ತಜ್ಜ ಸರ್ಜು ಸಿಂಗ್ ರನೌತ್ ಶಾಸಕರಾಗಿದ್ದರು. 

ಅವರ ಅಜ್ಜ ಐಎಎಸ್ ಅಧಿಕಾರಿ. ಕಂಗನಾ ರಣಾವತ್ ಮಾರ್ಚ್ 23, 1987 ರಂದು ಹಿಮಾಚಲ ಪ್ರದೇಶದ ಮಂಡಿಯಲ್ಲಿ ಜನಿಸಿದರು ಮತ್ತು ಭಂಬಾಲದಲ್ಲಿರುವ ಅವರ ಪೂರ್ವಜರ ಭವನದಲ್ಲಿ ಬೆಳೆದರು.

ಕಂಗನಾ ಈ ಸಮುದಾಯಕ್ಕೆ ಸೇರಿದವರು
ಕಂಗನಾ ರಣಾವತ್ ಅವರ ನಿಜವಾದ ಹೆಸರು ಕಂಗನಾ ಅಮರದೀಪ್ ರಣಾವತ್. ಅವರು ರಜಪೂತ ಕುಟುಂಬಕ್ಕೆ ಸೇರಿದವರು. ನಟಿಯ ತಂದೆ ಅಮರ್‌ದೀಪ್ ರಣಾವತ್ ಉದ್ಯಮಿ. ಅವರ ತಾಯಿ ಆಶಾ ರಣಾವತ್ ಶಾಲಾ ಶಿಕ್ಷಕಿ. 

ಕಂಗನಾ ಜೊತೆ ಮ್ಯಾನೇಜರ್ ಆಗಿ ಕೆಲಸ ಮಾಡಿದ ಅಕ್ಕ ಕೂಡ ಇದ್ದಾರೆ. ಇದಲ್ಲದೆ, ನಟಿಗೆ ಕಿರಿಯ ಸಹೋದರ ಅಕ್ಷತ್ ಕೂಡ ಇದ್ದಾರೆ. ಕಂಗನಾ ಚಂಡೀಗಢದ ಡಿಎವಿ ಶಾಲೆಯಲ್ಲಿ ಓದಿದ್ದು, 12ನೇ ತರಗತಿವರೆಗೆ ಮಾತ್ರ ಓದಿದ್ದಾರೆ.

ರಾಷ್ಟ್ರಪ್ರಶಸ್ತಿ ವಿಜೇತೆ
ಕಂಗನಾ ರಣಾವತ್ 2006 ರ 'ಗ್ಯಾಂಗ್‌ಸ್ಟರ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ಇದರ ನಂತರ ಅವರು ಅನೇಕ ಹಿಂದಿ ಚಿತ್ರಗಳಲ್ಲಿ ಕಾಣಿಸಿಕೊಂಡರು. ನಟಿ ಕೊನೆಯದಾಗಿ ತೆರೆ ಮೇಲೆ ಕೆಟ್ಟದಾಗಿ ಸೋತ 'ತೇಜಸ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. 

ಈಗ ನಟಿ 'ಎಮರ್ಜೆನ್ಸಿ'ಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅವರ ಈ ಚಿತ್ರ ಇದೇ ವರ್ಷ ಬಿಡುಗಡೆಯಾಗಬಹುದು. 2008 ರ ಫ್ಯಾಶನ್ ಚಲನಚಿತ್ರಕ್ಕಾಗಿ ಕಂಗನಾ ರಣಾವತ್ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ಸಹ ಪಡೆದರು. ಇದಲ್ಲದೆ, ಅವರಿಗೆ 2020 ರಲ್ಲಿ ಪದ್ಮಶ್ರೀ ಪ್ರಶಸ್ತಿಯನ್ನು ನೀಡಲಾಗಿದೆ.

4 ರಾಷ್ಟ್ರಪ್ರಶಸ್ತಿ, 5 ಫಿಲ್ಮ್‌ಫೇರ್ ಅವಾರ್ಡ್‌ಗಳನ್ನು ಪಡೆದಿರುವ ನಟಿಯು ಸದಾ ಬಿಜೆಪಿಗೆ ತಮ್ಮ ಬೆಂಬಲವನ್ನು ನೇರವಾಗಿ ತೋರಿಸುತ್ತಲೇ ಬಂದಿದ್ದರು.