ಕೇವಲ 9499, 10999 ರೂಗೆ ಸ್ಯಾಮ್‌ಸಂಗ್ ಗ್ಯಾಲಕ್ಸಿ F06 5ಜಿ ಫೋನ್ ಬಿಡುಗಡೆ

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಸೀರಿಸ್ ಭಾರತದ ಬಹು ಬೇಡಿಕೆ ಫೋನ್. ಇದೀಗ ಗ್ಯಾಲಕ್ಸಿ ಸೀರಿಸ್ ಜನಸಾಮಾನ್ಯರಿಗೂ ಲಭ್ಯವಾಗುವಂತೆ ಮಾಡಲು ಸ್ಯಾಮ್‌ಸಂಗ್ ಕೇವಲ 9,499 ರೂಪಾಯಿ ಹಾಗೂ 10999 ರೂಪಾಯಿ ಬೆಲೆಯಲ್ಲಿ ಅತ್ಯುತ್ತಮ ಗ್ಯಾಲಕ್ಸಿ ಫೋನ್ ಬಿಡುಗಡೆ ಮಾಡಿದೆ. 

ಭಾರತದಲ್ಲಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಫೋನ್‌ಗೆ ಭಾರಿ ಬೇಡಿಕೆ ಇದೆ. ಇದರ ಕ್ಯಾಮೆರಾ ಕ್ವಾಲಿಟಿ, ಸ್ಟೋರೇಜ್, ಫೋನ್ ಗುಣಮಟ್ಟ, ವಿನ್ಯಾಸ ಸೇರಿದಂತೆ ಹಲವು ಕಾರಣಗಳಿಂದ ಗ್ಯಾಲಕ್ಸಿ ಫೋನ್ ಹಲವರ ನೆಚ್ಚಿನ ಫೋನ್ ಆಗಿದೆ. ಇದೀಗ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಸೀರಿಸ್ ಜನಸಾಮಾನ್ಯರಿಗೂ ತಲುಪಿಸುವ ಉದ್ದೇಶದಿಂದ ಕೈಗೆಟುಕುವ ದರದಲ್ಲಿ ಫೋನ್ ಬಿಡುಗಡೆ ಮಾಡಲಾಗಿದೆ. ಗ್ರಾಹಕರಿಗೆ ಕಡಿಮೆ ಬೆಲೆಯಲ್ಲಿ 5ಜಿ ತಂತ್ರಜ್ಞಾನದ ಅನುಭವ ಈ ಫೋನ್ ನೀಡಲಿದೆ. ಇದು ಹೊಚ್ಚ ಹೊಸ ಸ್ಯಾಮ್‌ಸಂಗ್ ಗ್ಯಾಲಕ್ಸಿ  F06 5ಜಿ ಫೋನ್. 

ಗ್ಯಾಲಕ್ಸಿ ಎಫ್06 5ಜಿ  ಫೋನ್ ಬೆಲೆ
4ಜಿಬಿ+128ಜಿಬಿ: 9499 ರೂಪಾಯಿ
6ಜಿಬಿ+128ಜಿಬಿ: 10999 ರೂಪಾಯಿ

ಸಂಪೂರ್ಣ 5ಜಿ ಅನುಭವ
ಗ್ಯಾಲಕ್ಸಿ ಎಫ್06 5ಜಿ ಅನ್ನು ಅದ್ಭುತ ವೇಗದ ಸಂಪರ್ಕವನ್ನು ಒದಗಿಸಲು ವಿನ್ಯಾಸಗೊಳಿಸಲಾಗಿದ್ದು, ಇದು ಎಲ್ಲಾ ಟೆಲಿಕಾಂ ಆಪರೇಟರ್‌ ಗಳಲ್ಲಿ 12 5ಜಿ ಬ್ಯಾಂಡ್‌ ಗಳಲ್ಲಿ ಕಾರ್ಯ ನಿರ್ವಹಿಸುತ್ತದೆ. ಈ ಫೋನ್ ನಲ್ಲಿ ವೇಗವಾಗಿ ಡೌನ್‌ ಲೋಡ್ ಮತ್ತು ಅಪ್‌ ಲೋಡ್ ಮಾಡಬಹುದಾಗಿದೆ. ಗ್ಯಾಲಕ್ಸಿ ಎಫ್06 5ಜಿ ಸ್ಮಾರ್ಟ್ ಫೋನ್ ನಲ್ಲಿ ಸುಗಮವಾಗಿ ಲೈವ್ ಸ್ಟ್ರೀಮಿಂಗ್ ಮತ್ತು ವೀಡಿಯೊ ಕಾಲ್ ಮಾಡಬಹುದಾಗಿದೆ.

ಆಕರ್ಷಕ ವಿನ್ಯಾಸ ಮತ್ತು ಉತ್ತಮ ಕಾರ್ಯಕ್ಷಮತೆ
ಗ್ಯಾಲಕ್ಸಿ ಎಫ್06 5ಜಿ ಸ್ಮಾರ್ಟ್ ಫೋನ್ 'ರಿಪ್ಪಲ್ ಗ್ಲೋ' ಫಿನಿಶ್ ಹೊಂದಿದ್ದು, ಈ ವಿನ್ಯಾಸವು ಸೊಗಸಾಗಿದೆ ಮತ್ತು ಅತ್ಯಾಧುನಿಕವಾಗಿದೆ. ದೂರದಿಂದ ಮಿಂಚುವಂತೆ ಕಾಣುತ್ತದೆ. 800 ನಿಟ್ಸ್ ಬ್ರೈಟ್‌ ನೆಸ್‌ ಹೊಂದಿರುವ 6.7 ಇಂಚಿನ ದೊಡ್ಡ ಹೆಡ್ ಡಿ+ ಡಿಸ್ ಪ್ಲೇ ಹೊಂದಿರುವ ಗ್ಯಾಲಕ್ಸಿ ಎಫ್06 5ಜಿ ಗ್ರಾಹಕರಿಗೆ ಅತ್ಯದ್ಭುತ ದೃಶ್ಯಾವಳಿ ವೀಕ್ಷಿಸಲು ಅನುವು ಮಾಡಿಕೊಡುತ್ತದೆ ಮತ್ತು ಮಂತ್ರಮುಗ್ಧಗೊಳಿಸುವ ವೀಕ್ಷಣಾ ಅನುಭವ ಒದಗಿಸುತ್ತದೆ. ಸ್ಮಾರ್ಟ್‌ ಫೋನ್ 8ಎಂಎಂನಷ್ಟು ಸಪೂರವಾಗಿದೆ ಮತ್ತು ಕೇವಲ 191 ಗ್ರಾಂ ಭಾರವಿದೆ. ಅತ್ಯಾಕರ್ಷಕವಾಗಿ ಕಾಣಿಸುತ್ತದೆ ಮತ್ತು ಬಳಸುವುದಕ್ಕೂ ಖುಷಿಕೊಡುವಂತಿದೆ. ಗ್ಯಾಲಕ್ಸಿ ಎಫ್06 5ಜಿ ಫೋನ್ ಬಹಾಮಾ ಬ್ಲೂ ಮತ್ತು ಲಿಟ್ ವೈಲೆಟ್ ಎಂಬ ಎರಡು ಗಮನ ಸೆಳೆಯುವ ಮತ್ತು ಮೋಡಿಮಾಡುವ ಬಣ್ಣಗಳಲ್ಲಿ ಲಭ್ಯವಿರುತ್ತದೆ.

ಕ್ಯಾಮೆರಾ
ಗ್ಯಾಲಕ್ಸಿ ಎಫ್06 5ಜಿ ಅತ್ಯಾಕರ್ಷಕ ಹೊಸ ಕ್ಯಾಮೆರಾ ಶೈಲಿಯನ್ನು ಹೊಂದಿದೆ. ಎಫ್1.8 ಅಪರ್ಚರ್ ಜೊತೆಗೆ ಹೈ ರೆಸಲ್ಯೂಶನ್ ನ 50 ಎಂಪಿ ವೈಡ್-ಆಂಗಲ್ ಲೆನ್ಸ್ ಹೊಂದಿರುವ ಈ ಫೋನಿನ ಕ್ಯಾಮೆರಾ ಸೊಗಸಾದ ಮತ್ತು ಅಧ್ಭುತ ಡೀಟೇಲಿಂಗ್ ಹೊಂದಿರುವ ಫೋಟೋ ತೆಗೆಯತ್ತದೆ. ಇದರ 2 ಎಂಪಿಯ ಡೆಪ್ತ್-ಸೆನ್ಸಿಂಗ್ ಕ್ಯಾಮೆರಾ ಹೆಚ್ಚು ಸ್ಪಷ್ಟ ಚಿತ್ರಗಳನ್ನು ನೀಡುತ್ತದೆ. 8 ಎಂಪಿ ಫ್ರಂಟ್ ಕ್ಯಾಮರಾ ಚೆಂದದ ಮತ್ತು ಸ್ಪಷ್ಟದ ಸೆಲ್ಫೀಗಳನ್ನು ತೆಗೆಯಲು ಅನುವು ಮಾಡಿಕೊಡುತ್ತದೆ.

ಮಲ್ಟಿ ಟಾಸ್ಕಿಂಗ್ ಮತ್ತು ಗೇಮಿಂಗ್
ಗ್ಯಾಲಕ್ಸಿ ಎಫ್06 5ಜಿ ಸ್ಮಾರ್ಟ್ ಫೋನ್ ಮೀಡಿಯಾ ಟೆಕ್ ಡಿ6300 ಪ್ರೊಸೆಸರ್ ನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದು, ಇದು 416ಕೆ ವರೆಗಿನ ಅಂಟುಟು ಸ್ಕೋರ್ ಅನ್ನು ಹೊಂದಿರುವ ವಿಭಾಗದಲ್ಲಿಯೇ ಅತ್ಯುತ್ತಮವಾದ ಪ್ರೊಸೆಸರ್‌ ಗಳಲ್ಲಿ ಒಂದಾಗಿದೆ. ವೇಗವಾಗಿ ಕಾರ್ಯನಿರ್ವಹಿಸುತ್ತದೆ. ಸುಲಭವಾಗಿ ಮಲ್ಟಿ ಟಾಸ್ಕಿಂಗ್ ಮಾಡಲು ಅನುವು ಮಾಡಿಕೊಡುತ್ತದೆ. ಗ್ಯಾಲಕ್ಸಿ ಎಫ್06 5ಜಿ ಸ್ಮಾರ್ಟ್ ಫೋನ್ ಉತ್ತಮ ಗುಣಮಟ್ಟದ ಆಡಿಯೋ ಮತ್ತು ದೃಶ್ಯಗಳನ್ನು ಒದಗಿಸುವುದರ ಜೊತೆಗೆ ವೇಗದ ಸಂಪರ್ಕ ಒದಗಿಸುತ್ತಿದ್ದು, ಅದ್ಭುತ ಮೊಬೈಲ್ ಗೇಮಿಂಗ್ ಅನುಭವ ಒದಗಿಸಲಿದೆ.

ಬ್ಯಾಟರಿ ಮತ್ತು ಫಾಸ್ಟ್ ಚಾರ್ಜಿಂಗ್
ಗ್ಯಾಲಕ್ಸಿ ಎಫ್06 5ಜಿ ಸ್ಮಾರ್ಟ್ ಫೋನ್ 5000ಎಂಎಎಚ್ ಬ್ಯಾಟರಿ ಹೊಂದಿದ್ದು, ಈ ಬ್ಯಾಟರಿ ಬ್ರೌಸಿಂಗ್, ಗೇಮಿಂಗ್ ಮತ್ತು ಬಿಂಜ್ ವಾಚಿಂಗ್ ಮಾಡಲು ಸುದೀರ್ಘ ಅವಧಿಯ ಚಾರ್ಜಿಂಗ್ ಅನ್ನು ಒದಗಿಸುತ್ತದೆ. ಗ್ಯಾಲಕ್ಸಿ ಎಫ್06 5ಜಿ  ಫೋನ್ ಗ್ರಾಹಕರು ಯಾವುದೇ ಅಡೆತಡೆಯಿಲ್ಲದೆ ಸದಾ ಸಂಪರ್ಕದಲ್ಲಿರಲು, ಮನರಂಜನೆ ಪಡೆಯಲು ಮತ್ತು ಕಾರ್ಯನಿರ್ವಹಿಸಲು ಅನುವು ಮಾಡಿಕೊಡುತ್ತದೆ. ಗ್ಯಾಲಕ್ಸಿ ಎಫ್06 5ಜಿ ವಿಭಾಗದಲ್ಲಿಯೇ ಅತ್ಯುತ್ತಮವಾದ 25 ವಾರ್ಪ್ ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವನ್ನು ಹೊಂದಿದ್ದು, ಕಡಿಮೆ ಸಮಯದಲ್ಲಿ ಹೆಚ್ಚು ಚಾರ್ಜ್ ಮಾಡಬಹುದಾಗಿದೆ.

ಗ್ಯಾಲಕ್ಸಿ ಸೌಲಭ್ಯಗಳು
ಸ್ಯಾಮ್‌ ಸಂಗ್ ಗ್ಯಾಲಕ್ಸಿ ಎಫ್06 5ಜಿ ಜೊತೆಗೆ 4 ಜನರೇಷನ್ ಓಎಸ್ ಅಪ್‌ಗ್ರೇಡ್‌ಗಳು ಮತ್ತು 4 ವರ್ಷಗಳ ಸೆಕ್ಯೂಟಿರಿ ಅಪ್ ಡೇಟ್ ಗಳು ದೊರೆಯಲಿವೆ. ಈ ಮೂಲಕ ಕಂಪನಿಯು ಗ್ರಾಹಕರಿಗೆ ತೃಪ್ತಿ ಒದಗಿಸುವ ತನ್ನ ಬದ್ಧತೆಯನ್ನು ಸಾರುತ್ತಿದೆ. ಬಳಕೆದಾರರು ಮುಂಬರುವ ವರ್ಷಗಳಲ್ಲಿ ಹೊಸ ಫೀಚರ್ ಗಳನ್ನು ಮತ್ತು ಹೆಚ್ಚಿನ ಭದ್ರತೆಯನ್ನು ಪಡೆಯುವಂತೆ ನೋಡಿಕೊಳ್ಳುತ್ತಿದೆ

ಗ್ಯಾಲಕ್ಸಿ ಎಫ್06 5ಜಿ ಸ್ಯಾಮ್‌ ಸಂಗ್‌ ನ ಅತ್ಯಂತ ನವೀನ ಭದ್ರತಾ ಫೀಚರ್ ಗಳಲ್ಲಿ ಒಂದಾಗಿರುವ ಸ್ಯಾಮ್ ಸಂಗ್ ನಾಕ್ಸ್ ವಾಲ್ಟ್ ಅನ್ನು ಹೊಂದಿದೆ. ಈ ಹಾರ್ಡ್‌ವೇರ್ ಆಧರಿತ ಭದ್ರತಾ ವ್ಯವಸ್ಥೆಯು ಹಾರ್ಡ್‌ ವೇರ್ ಮತ್ತು ಸಾಫ್ಟ್‌ ವೇರ್ ದಾಳಿಗಳ ವಿರುದ್ಧ ಸಮಗ್ರ ರಕ್ಷಣೆ ನೀಡುತ್ತದೆ. ಜೊತೆಗೆ ಗ್ಯಾಲಕ್ಸಿ ಎಫ್06 5ಜಿ ಫೋನ್ ಗ್ರಾಹಕರಿಗೆ ಅತ್ಯುತ್ತಮ ಅನುಭವ ಒದಗಿಸಲು ಮುಂದಾಗಿದ್ದು, ಅದಕ್ಕಾಗಿ ವಾಯ್ಸ್ ಫೋಕಸ್ ಫೀಚರ್ ನೀಡಿದೆ. ಈ ಫೀಚರ್ ಬಳಕೆದಾರರಿಗೆ ಸ್ಪಷ್ಟವಾಗಿ ಧ್ವನಿ ಕೇಳಿಸುವಂತೆ ಮಾಡುತ್ತದೆ. ವಾತಾವರಣದಲ್ಲಿರುವ ಶಬ್ದವನ್ನು ಕಡಿತಗೊಳಿಸುತ್ತದೆ. ಜೊತೆಗೆ ಇದರಲ್ಲಿ ಕ್ವಿಕ್ ಷೇರ್ ಫೀಚರ್ ಕೂಡ ಇದ್ದು, ಈ ಫೀಚರ್ ಬಳಕೆದಾರರಿಗೆ ಲ್ಯಾಪ್ ಟಾಪ್, ಟ್ಯಾಬ್ ಸೇರಿದಂತೆ ನಿಮ್ಮ ಯಾವುದೇ ಸಾಧನಗಳಿಗೆ ಅದು ದೂರದಲ್ಲಿದ್ದರೂ ಸರಿಯೇ ಫೈಲ್ ಗಳನ್ನು, ಫೋಟೋಗಳನ್ನು, ಡಾಕ್ಯುಮೆಂಟ್ ಗಳನ್ನು ತ್ವರಿತವಾಗಿ, ಖಾಸಗಿಯಾಗಿ ಷೇರ್ ಮಾಡಲು ಅನುವು ಮಾಡಿಕೊಡುತ್ತದೆ.